1 KORIN 14:3 - Laibaibal Thiang (BSI)

³ Asinain biaphuangtu nih cun minunghna sersiamnâk le, thapêknâk le hnangamnâk bia kha a chim tawn.

Lai (Hakha) Common Language Bible 2006

³ Asinain Pathian bia a chimtu nih cun minung sin tu ah khan a chim i bawmhnak le lungṭhawnnak le hnangamnak kha a pek hna.

1 KORIN 14:3 ပူးပေါင်းရင်းမြစ်များ

LUKA 3:18

Cun mizapi sinah thapêknâk bia kha a chimh hna.

LAMKALTU 13:15

Nawlbia le profet hna bia an rel hnu ah, sinagog uktu hna nih an sinah mi an thlah i, “Nau le hna, mi caah thazâng pêknâk bia nan ngeih ahcun chim tuah u,” tiah an ti hna.

LAMKALTU 14:22

Harnâk tampi tuarin Pathian pennâk ah kan luh awk a si ko, tiin zultu hna lungthin kha an ṭhawnter i zumhnâk ah fekte i dir dingin thazâng an pêk hna.

LAMKALTU 15:32

Judas le Sailas cu profet zong an si i bia tampi in unau hna kha an hna an ngamter hna i an fehter hna.

LAMKALTU 4:36

Cun Josef, lamkaltu hna nih Barnabas tiah an kawhmi (a sullam cu thazâng petu tinâk a si) Levi phun Saipras tikulh mi nih,

LAMKALTU 9:31

Cuticun kawhhran hna cu Judia ram vialte le, Galili le Samaria ah an fek chin lengmang i hnangam tein an um. Bawipa ṭihzah le Thiang thlarau hnangam terin an um i ankarh chin lengmang.

ROM 12:8

Chimhringtu zong nih chimhring seh. Thil petu nih siang ngaiin pe seh, hruaitu nih biatak tein hruai hna seh, zângfahtu nih lunglawm tein zângfah seh.

ROM 14:19

Cucaah daihnâk a sertu thil hna le midang thazâng petu a simi thil kha dawi hna u sih.

ROM 15:2

Kan dihlak in mah le innpa ṭhatnâk le ṭhathnemnâk caah lawmhter i tim cio usih.

1 KORIN 10:23

Thil vialte ka caah a thiang nain, santlaimi an si dih theng lo. Thil vialte ka caah an thiang dih nain ka caah ṭhatnâk an si dih theng lo.

1 KORIN 14:12

Thlarau lei thilpêk i ṭhahnem nan ngaih tuk caah kawhhran ṭhathnemnâk lei zong lam rak kawl chin u.

1 KORIN 14:17

Zeitintiah nang nih ṭha tein lawmhnâk bia na chim na in, midang nih an ṭhatpi lo.

1 KORIN 14:26

Unau hna zeitindah a si rih lai? Nan i pumh tikah mikip nih thangṭhatnâk hla siseh, cawnpiaknâk siseh, holh dang siseh, langhnâk siseh, holh lehnâk siseh, nan ngeih tikah thil vialte hi ṭhathnemnâk ah tuah dih si hna seh.

1 KORIN 14:31

Zeitintiah mi vialte nih an cawn i an hna a ngam khawh nâkhnga, pakhat hnu pakhat in phuang u.

1 KORIN 8:1

Milem biaknâk i pêkchanhmi kongah; kan dihlak in hngalhnâk kan ngei cio tiah kan hngalh. Hngalhnâk nih lung a puamter, asinain dawtnâk nih mi a ṭhatter.

2 KORIN 1:4

Pathian nih kan hna a ngamter bantukin harnâk a tuarmi vialte an hna kan ngamter khawh nâkhnga harnâk kan tuarmi vialte ah kan hna a ngamter tawn.

2 KORIN 2:7

cuticun nan rak ngaihthiam lehlam i a hna nan ngamter cang, culoah cun ngaihchiatnâk nih cupa cu a dawlh sual lai.

EFESA 4:29

Bia ṭhalo nan kâ in chuak hlah seh, mi ṭhatnâk ding bia tu chim deuh ulaw, nan bia ngaitu caah zângfahnâk si ko seh.

EFESA 6:22

hi thil ruangah amah hi nan sin i ka rak thlahnâk cu a si, kan rianṭuannâk kong nan hngalh i amah zongnih nan lungthin hnâ a ngamter nâkhnga.

KOLOSE 4:8

Cucaah amah hi nan sinah ka rak thlahnâk chan cu a si, kan thawng nan rak theihnâk thawngin nanlung hna a ngam khawh nâkhnga.

1THESALON 2:11

pa nih a fale cung i a tuah tawn bangin tha kan in pêk hna, nan hna kan ngamter, cubantuk i tuah cio dingin ṭuanvo zong kan in khinh cang hna,

1THESALON 2:3

Zeitintiah kan chimmi hi a dik lomi le a thûrmi le hlennâk in a chuakmi an si lo.

1THESALON 3:2

cun Timote kan unau pa le Pathian rianṭuantu, Krih thawngṭha i kan ṭuanpimi hi zumhnâk kongah nanmah fehter ding le hnangamter awkah kan rak thlah,

1THESALON 4:1

Cuticun ule nau hna a donghnâk ah, Pathian lawmh terin nan nun khawh nâkhnga le kan sinin nan hmuhmi bantuk kha tam chinchin in nan ngeih nâkhnga Bawipa Jesuh ah tha pêk pah in kan nin nawl hna,

1THESALON 4:18

Cucaah hi bia in pakhat le pakhat nan hna i ngamter u.

2 THESALON 3:12

Cubantuk mi hna cu dai tein rian an ṭuan i mah le rawl cio ei i tim hna seh, ti hi Bawipa Jesuh Krih ah nawl kan pêk hna i tha zong kan pêk hna.

1TIMOTE 1:4

pupa hna min le tuanbia sawh sawh ruah le khah kha ngol hna seh, cu nih cun Pathian lei zumhnâkah ṭhathnemnâk zeihmanh a ngei lo, elhnialnâk men a chuahter.

1TIMOTE 4:13

Ka rat ṭhân hlân lo, rel, chim, cawnpiak kha uar chin chin.

1TIMOTE 6:2

An hotu le zumtu an si i unau an si ruangah zeirel loin um hna hlah seh, anmah ruang i ṭhathnemnâk hmutu an si caah zumtu le dawtmi an si caah rian ṭuanpiak hna seh. Cucu cawnpiak law tha pe hna.

2TIMOTE 4:2

Bia cu chim! Cân â rem ah siseh, â remlo ah siseh timhcia in um ko. Lungsaunâk he cawnpiak hna law an lung pemh i zuamin chimhring hna law tha zong pe hna.

TITAS 1:9

cawnpiak a rak si cang bangin zumhtlâk bia fek tein â tlaihmi a si lai, cuticun a dikmi cawnpiaknâk in mi a chimhhrin khawh lai i elhnialtu kha an lung a pemter khawh lai.

TITAS 2:15

Nawlngeihnâk vialte he cu thil hna cu chim hna, tha pe hna law si hna. Ahohmanhnih in zomhtaih hna hlah seh.

TITAS 2:6

Cubangin tlangval zong ruahnâk felfai ngei dingin tha pe hna,

TITAS 2:9

Ṭemmi-sal hna nih anpu le nawl ngai hna sehlaw, zeithil pauh ah anmah lawmhter ding le, an pule bia let lo ding le,

HEBRU 10:25

Cheukhat nih an ngol bangin, hmunkhat te ah i pumh lengmang hi ngol hlah usih, Ni cu a naih chin lengmang bangin i forhchin lengmang in pakhat le pakhat nan lung thawhter i zuam u.

HEBRU 13:22

Cun unau hna, thapêknâk bia hi ṭha tein ngai dingin kan nawl hna, tawi tein ka rak ṭial ko hih.

HEBRU 3:13

“Nihin” an ti lio ah hin ni chiar tein thazâng i pe u, culoahcun nan lakah mi zei pauh sual hlennâk in lung hahtermi nan si sual lai.

1 PETER 5:12

Silvanas, zumh a tlâkmi unau i ka ngeihmi kut ah hin nanmah thazâng pêknâk bia, atu i nan dirnâk hi Pathian zângfahnâk dik a si ti kha hngalhternâk câ tawi tein ka rak kuat.

JUDAS 1:20

Asinain dawtmi hna, nannih cu Thiang Thlarau ah thlacam ulaw, nan zumhnâk a thiang bikmi cungah nanmah te fek tein dir ko u.