1 KORIN 11:2 - Laibaibal Thiang (BSI)

² Cubangin thil vialte ah nanka hngalh peng caah le nuncan kan chimhmi hna zong nan i cinken caah nan cungah kâ lawm.

Lai (Hakha) Common Language Bible 2006

² Keimah kha philh lo tein nan ka um i kan pek chinmi hna cawnpiaknak kha nan zulh caah kan thangṭhat hna.

1 KORIN 11:2 ပူးပေါင်းရင်းမြစ်များ

LUKA 1:6

An pahnih in Pathian hmaiah miding an si, Bawipa nawlpêk le a phunglam vialte sawi awk um loin an zulh.

1 KORIN 11:17

Hi cawnpiaknâk kan chimh hna lio ah hin kâ lawmhkhawh lonâk a um; nan i pumh tikah ṭhatnâk lei si loin chiatnâk leitu i nan hmanmi hi.

1 KORIN 11:22

Zeiruangahdah a si? Ei le dinnâk inn nan ngei lo hlah maw? Ei awk a ngei lomi hna an ning zahter in, Pathian kawhhran kha nan zomhtaih hna hlah maw? Zeidah kan chimh ṭhân hna lai? Hi kongah hin kan thangṭhat hna lai maw? Kan thangṭhat kho hna lai lo.

1 KORIN 15:2

kan chimhmi hna bia kha nan zumh mênmên si loin fek tein nan i tlaih ahcun, cucu khamh nan sinâk cu a si.

1 KORIN 4:17

Hi ruangah Timote, ka dawtmi le Bawipa i zumhawktlâk ka fa cu nan sinah ka run thlah, anih nih Krih i ka umtuning, ramkip i kawhhran kipah ka cawnpiak ning hi an chimh hna lai.

1 KORIN 7:17

Asinain Pathian nih mikip sinah a phawt ning cio le Bawipa nih mikip a kawh ningin nunpi ding a si. Cucu kawhhran vialte nih an tuah awkah ka ruahmi a si.

1THESALON 1:6

Cun harnâk fakpi temtuar buin bia kha cohlâng in Thiang thlarau ah lawmhnâk he Bawipa le kanmah zultu ah nan i cang,

1THESALON 3:6

Asinain atu ah Timote nan sin in kan sinah a rak kir cang i hmuh kan in duh hna bantukin hmuh nan kan duh tuknâk kong le a ṭha leiin nan kan hngalh pengnâk le nan zumhnâk le dawtnâk kong thawngṭha kha a kan phorh -

2 THESALON 2:15

Cucaah ule nau hna, fek tein dir u law, bia in siseh câ in siseh kan in cawnpiakmi hna le chanhmi kha i tlaih peng u.

2 THESALON 3:6

Asinain u le nau hna, kan sin in theihternâk an hmuhmi ningin um loin ningcang loin khua a sami hna chungin a dang te i um dingin kan Bawipa Jesuh min in nawl kan in pêk hna.