1TIMOTE 4:3 - Laibaibal Thiang (BSI)

³ ṭhit-umh an kham i biatak hngal i a zummi hna nih lawmhnâk bia chim i an cohlanmi Pathian sermi rawl ei hlah u tiah an kham hna.

Lai (Hakha) Common Language Bible 2006

³ Cu hna pawl nih cun i ṭhit i umh hi thil ṭhalo a si, tiah an ti i ei chia an timi rawl phun zong a um. Sihmanhsehlaw hi rawl cu Pathian nih ei awk ding i a sermi an si i zumtu a simi hna le biatak a hngalmi hna nih cun lunglawmhnak in thlacam hnuah ei awk an si ko.

1TIMOTE 4:3 ပူးပေါင်းရင်းမြစ်များ

MATTHAI 14:19

Cuticun mizapi kha ram cungah ṭhu dingin nawl a pêk hna. Changreu panga le nga pahnih kha a lâk i vanlei zoh in thluachuah a pêk hnu ah, changreu kha a cheu i lamkaltu sinah a pêk. Cun lamkaltu hna nih mizapi sinah an pêk.

MATTHAI 15:11

Kâ i a lutmi cu minung thûr tertu a si lo; kâ i a chuakmi tu hi minung thûrtertu a si;” tiah a ti hna.

MATTHAI 15:36

Changreu pasarih le nga kha a lak i lawmhnâk bia a chim dih in an phawt hna.

LUKA 24:30

Cubangin an sinah rawldûm in a ṭhut lio ah, changreu a lâk i thluachuah a pêk, cun a cheu i a pêk hna.

JOHAN 6:23

Asinain Bawipa nih lawmhnâk bia a chim dih i changreu an ei nâk pawngah khan, Tiberia khua i tilawng dang an rak phân.

LAMKALTU 27:35

Cu bia a chim dih in changreu a lak i mi vialte hmai ah Pathian sinah lomhnâk bia a chim, cun a cheu i ei a thawk.

ROM 14:17

zeitintiah Pathian pennâk cu ei le din a si lo, dinnâk le daihnâk, Thiang Thlarau ah i lawmhnâk te hna hi an si.

ROM 14:3

Zeizong vialte a eimi nih a ei lomi zomhtaih hlah seh, a ei lomi zong nih a eimi zomhtaih hlah seh, zeitintiah Pathian nih a cohlan veve ko hna.

ROM 14:6

Ni ultu nih Bawipa caah a ulh tawn, ulh khunmi a ngei lomi zong nih a ulh lo cu Bawipa caah a si. Eitu nih Bawipa sinah lawmhnâk bia a chim i Bawipa caah a eimi a si; cun a ei lotu zong nih Bawipa sinah lawmhnâk bia chimin a ei lomi a si.

1 KORIN 6:13

Eiding cu paw caah a si, paw zong eiding caah a si, asinain Pathian nih a hrawh ve ve lai. Taksa hi nupa sual tuahnâk caah a si lo i Bawipa caah a si. Bawipa zong cu taksa caah a si.

1 KORIN 7:28

Asinain nupi na ngeih tikah sualnâk na tuah theng lo. Ngaknu thiang nih va a ngeih zongah, a palh theng lo. Asinain cuhna nih cun taksa ah harnâk cu an tuar lai. Cucaah keinih cun tuarter lo kha kanduh piak hna.

1 KORIN 8:8

Asinain eiding nih hin Pathian lung a kan tonter lai lo, kan ei lo tikah kan ṭhadeuh hlei lai lo, kan ei zongah kan ṭha deuh hlei lai lo.

KOLOSE 2:16

Cuticun ei le din kongah siseh, thô kongah siseh, thlathar kongah siseh, sabbath kongah siseh ahohmanh nih bia in ceih hna hlah seh.

KOLOSE 3:17

Bia in siseh, tuahsernâk in siseh, nan tuahmi thil kipah Bawipa Jesuh min in tuah dih u law, Amah thawngin Pa Pathian sinah lawmhnâk bia chim u.

1TIMOTE 2:4

Anih nih cun mi vialte khamh si hna seh law biatak hngal hna seh ti kha a duh.

1TIMOTE 4:4

Pathian nih a sermi vialte hi lawmhnâk bia chimnâk i cohlan a si ahcun an ṭha dih ko, duh lo ding zeihmanh a um lo,

1TIMOTE 5:14

Cucaah a no deuhmi nuhmei hna cu vâ ngei ṭhân ko seh, fale ngeiin, chungkhar zohkhenh sehlaw, a kan ralchanhtu hna sawinâk cân rem tuah hna hlah seh law ka duh.

HEBRU 13:4

Mi vialte sinah ṭhit-umh hi hmaizah siseh law, nuva ihkhun kha thûrter sihlah seh. Nupa sualnâk a tuahmi le ṭangdang kaimi cu Pathian nih bia a ceih hna lai.

HEBRU 13:9

Cawnpiaknâk phunphun le zumhnâk phun dang dang i hruaiter hlah u. Lungthin hi zângfahnâk i fehter cu a ṭha, ei le din i fehter loin, cubantuk thil hna cu a buaipi tu hna zong nih an hlawkpi theng lo.