1TIMOTE 4:1 - Laibaibal Thiang (BSI)

¹ Cân hmadung ahcun mi tampi nih zumhnâk hi an tluktâk lai i hlennâk thlarau le khuachia cawnpiaknâk lei ah an i mer lai tiah Thlarau nih fiang tein a chim,

Lai (Hakha) Common Language Bible 2006

¹ Hmailei ah cun mi a cheu nih zumhnak kha an hlawt lai i lih a chimmi thlarau tu kha an bia an ngaih hna lai i khuachia cawnpiaknak kha an zulh lai, tiah Thlarau nih fiang tein a chim.

1TIMOTE 4:1 ပူးပေါင်းရင်းမြစ်များ

MATTHAI 18:7

Tluknâk ruangah vawlei hi chiatserh si ko seh. Zeitintiah tluknâk kha a um awk hrimhrim a si; asinain tluknâk a umtertu cungah chiatserhnâk tlung ko seh.

LUKA 17:1

Cuhnuah a lamkaltu hna sinah, tluknâk hi umlo kho a si lo. asinain tluknâk a umtertu cu ngaihchia a va si dah!

JOHAN 16:13

Asinain Amah, biatak Thlarau, a rak phâk tikah, biatak vialte chungah an kalpi hna lai; Amah nawl in zeihmanh a chim lai lo, a theihmi vialte a chim deuh lai, ara laimi thil tiangin an hngalhter hna lai.

LAMKALTU 13:2

Rawl ul in Bawipa rian an ṭuan lioah, Thiang Thlarau nih, “Barnabas le Saul hi ka thiahmi rian ṭuan awkah ka thleidanpiak u,” tiah a ti.

LAMKALTU 17:18

Epikorian le Stoik mifim cheukhat zong nih amah cu an rak el tawn. Cheukhat nih, “Hi biaduh pa nih hin zeidah chim a timh?” tiah an ti. Jesuh kong le thawhṭhannâk kong a chim caah cheukhat nih, “Ramdang pathian kong chimtu a si ko rua,” tiah an ti.

LAMKALTU 20:23

Temnâk le harsatnâk nih an don ko tiah Thiang Thlarau nih khuakip ah a ka hngalhtermi lawng ka hngalh.

LAMKALTU 21:11

Kan sinah a rat tikah. Paul taisawm â lak i a kut le a ke â ṭem i, “Hi taisawm ngeitu hi hi bangin Jerusalem ah an ṭem lai i Gentel hna sinah an pêk lai, Thiang Thlarau nih a chim,” tiah a ti.

LAMKALTU 28:25

Cuticun annih cu an i rem kho lo i Paul nih bia fangkhat a chim dih in an chuak. Cu bia cu hihi a si. “Thiang Thlarau nih Profet Isaiah hmurkâ hmangin, kan pu le hna sin i a rak chimmi kha a dikmi a si.

1 KORIN 10:20

Ka chim duhmi cu, Gentel mi hna raithawinâk cu Pathian sinah si loin khuachia sinah a si, timi hi. Cucaah nannih cu khuachia he nan i komh hi kan duh piak hna lo.

1 KORIN 11:19

Nanlakah a taktak a simi an langhkhawh nâkhnga zumhnâk phundang a ngeimi zong an um awk a si.

1 KORIN 12:11

Asinain cu vialte cu Thlarau pakhat le â khatmi chungin mikip sinah a duh ningin a ṭuanmi a si.

1 KORIN 2:10

Asinain cucu Pathian nih kan sinah a Thlarau in a kan hngalhter. Thlarau nih cun zeizong vialte a dahhriah dih, asi, a thûkmi Pathian bia zong.

2 KORIN 11:3

Asinain rulnih a fimzernâk in Evi a hlen bantukin Krih i tluangtlam te i nan umnâk chungin nan ruahnâk kha a hrawh sual lai ti kha ka phang.

KOLOSE 2:18

Adeu i tangdormi le vanmi a biatu le, langhnâk phundang khun hmu i â chimmi hna, asinain vawilei lungput ngeiin amah le amah â sântermi hna nih nan hmuh hngami ṭuanman cu hleng in inchut hna hlah seh,

2TIMOTE 3:13

Asinain misual le a deu in a nungmi hna cu an sual chin lengmang lai, mi an hlen hna lai i anmah zong hlenin an um ve lai.

2TIMOTE 4:4

biatak in an hnâ an mer lai i ṭawnchawmmi tuanbia lei ah an pial lai.

JEIM 3:15

Cubantuk fimnâk cu cung leiin a rami a si lo, vawlei thil, thisa le khuachia in a rami a si.

1 PETER 1:20

Amah cu vawlei serhlan in khaukhih a si cang, asinain hi ni hmadung bik ah hin nanmah caah langhter a si.

2 PETER 2:1

Asinain mi hna sinah profet deu kha an rak um bantukin nanmah lak zongah cawnpiaktu deu an um ve te lai, anmah a tlanhtu Bawipa tiangin an hlawt lai, rawhralnâk ah phâk tertu lam a pialmi cawnpiaknâk cu a thli tein an luhpi lai i cunih cun anmah kha rawhralnâk ah khulrangin a hruai hna lai.

2 PETER 3:3

hihi hngal hmasa u, ni hmadung ah nihsawhtu kha an chuak te lai, anmah duhnâk bangin an ra lai i

1JOHAN 2:18

Naule hna, cân hma dung bik cu a si cang, Krih ralchanhtu a ra te lai tiah nan theih cang bantuk khan, atu zong ah Krih ralchanhtu tampi an chuak cang; hi ruangah hin cân hmadung a si kha kan hngalh.

1JOHAN 4:6

Kannih cu Pathian ta kan si. Pathian a hngalmi nih kan bia an ngaih tawn, Pathian ta a si lomi nih cun kan bia an ngai duh lo. Hitihin biatak thlarau le palhnâk thlarau cu kan hngalh khawh.

JUDAS 1:18

cân hmadungah nisawh tu hna an um te lai, Pathian-zeirellonâk he anmah duhning lawngin khua a sami an si lai, tiah an chim chung cangmi kha philh hlah u.

JUDAS 1:4

Zeitintiah mizei maw a thliin an lut, cu hna cu Pathian-zeiaharellomi an si, Pathian zângfahnâk hi hornâk caah an hman i kan ngeih chun, Bawipa Pathian le kan Bawipa Jesuh Krih zong an hlawt, cubantuk mi hna cu hlan lio pi khan thiamlo co ding ah ruah ciami an si.

BIAPHUAN 13:14

Cun sahrang hmasa deuh mithmuh ah hmelchunhnâk tuah khawhnâk pek a simi kha vulei cungah a ummi minung hna hlennâk ah hmangin, vainam hliam hma a pu i a dam ṭhânmi sahrang milem kha tuah dingin lei cungah a ummi kha a chimh hna.

BIAPHUAN 16:14

Zeitintiah cuhna cu khuachia thlarau, hmelchunhnâk a tuahtu, Zeizongtuahkho Pathian ni lianngan i raldohnâk ah pum dingin vawlei cung siangpahrang hna sin i a kalmi kha an si.

BIAPHUAN 18:2

Cun thiltikhawhnâk he thang ngaiin, “Babilon khua lianngan cu a tlu cang, a tlu cang, khuachia hna umnâk, thlarau thûrhnawmmi khumhnâk, a thûrhnawmmi vate le fih a nungmi umnâk ah â cang ai!

BIAPHUAN 18:23

Na chungah meiin zong van a si ti lai lo, mo ngeitu le mo thawng zong na chungah theih a si ti lai lo. Zeitintiah na chawlettu hna cu vawlei i mi lianngan hna an si i na doihthiamnâk in miphun vialte kha hlen an si.

BIAPHUAN 19:20

Cuticun sahrang cu an tlaih, profet deu a mithmuh ah hmelchunhnâk a rak tuahtu le, khuaruahhar thil a tuah khawh ruangah sahrang hmelchunhnâk ngeitu le a lem a biaktertu hna zong a sinah an tlaih chih ve hna. An pahnih in an nungna in mei le kât in a kangmi tili ah an hlawnh hna.

BIAPHUAN 2:11

Thlarau nih kawhhran hna sinah a chimmi hi hnâ a ngeimi nih thei ko seh. A teitu pauh cu thih voihnihnâk nih fahnâk a pe lai lo,” tiah a ti.

BIAPHUAN 2:17

Thlarau nih kawhhran hna sin i a chimmi hi hna a ngeimi nih thei ko seh. A teitu hna cu thuhmi mana cheukhat ei awk ka pêk hna lai. Cun min thar â ṭialnâk lungvar, a cotu dah tilo ahohmanh nih an hngalh lomi kha ka pêk lai,” tiah a ti.

BIAPHUAN 2:29

“Thlarau nih kawhhran hna sin i a chimmi hi hnâ a ngeimi nih thei ko seh,” tiah a ti.

BIAPHUAN 2:7

“Thlarau nih kawhhran hna sinah a chimmi hi hnâ a ngeimi nih thei ko hna seh. Teitu sinah Pathian Paradis laifang i a ummi nunnâk thing ei awkah ka pêk lai,” tiah a ti.

BIAPHUAN 20:10

Anmah hlengtu khuachia cu sahrang le nal profet umnâk mei le kât in a kângmi tidil ah khan an hlawnh hna. Cun zungzal in zungzal tiang chun zan hlan in hrem an si lai.

BIAPHUAN 20:8

vawlei killi i miphun hna hlen awk ah a kal i Gog le Magog raldoh dingin rili these zat in mi a pumh hna.

BIAPHUAN 3:13

“Thlarau nih kawhhran hna sin i a chimmi hi, hnâ a ngeimi nih thei ko seh,” tiah a ti.

BIAPHUAN 3:22

“Thlarau nih kawhhran hna sin i a chimmi hi hnâ a ngeimi nih thei ko seh,” tiah a ti.

BIAPHUAN 3:6

Thlarau nih kawhhran hna sin i a chimmi hi hnâ a ngeimi nih thei ko seh,” tiah a ti.

BIAPHUAN 9:20

Asinain cu zawtnâk nih a thah lomi minung hna nih an kut chuak milem sui milem ngun le dar le thing le lung in an sermi milem zeihmanh a hmu kho lomi, thawng a thei kho lomi, a kal kho lomi milem kha bia ti lo dingin an i ngaihchih hlei lo.