1TIMOTE 1:4 - Laibaibal Thiang (BSI)

⁴ pupa hna min le tuanbia sawh sawh ruah le khah kha ngol hna seh, cu nih cun Pathian lei zumhnâkah ṭhathnemnâk zeihmanh a ngei lo, elhnialnâk men a chuahter.

Lai (Hakha) Common Language Bible 2006

⁴ Kha bantuk tuanbia menmen hna le chuahkehnak min sau pipi in an ṭialmi cazin menmen hna kha cu, zeihmanh an si lo caah, hlaw hna u, tiah na rak chimh hna lai; zeicahtiah kha bantuk thil nih khan bia alnak lawnglawng a chuahpi i zumhnak in hngalh khawh a simi Pathian khuakhannak kha zeihmanh a langhter lo.

1TIMOTE 1:4 ပူးပေါင်းရင်းမြစ်များ

2 KORIN 1:12

Kan hmaihngalnâk cu hihi a si. Vawlei ah hin tluangtlam te le zumhtlâk in, minung fimnâk telhchih loin, Pathian zângfahnâk thawngin khua kan sa, nan sinah ṭha chinchin in kan um, ti hi kan chiaṭha hngalhnâk zong nih a pompi.

EFESA 3:2

nan ca i Pathian zângfahnâk rian aka pêkmi hi nan hngalh tak tak ahcun,

1TIMOTE 3:16

Pathianmisinâk biathli liannganning cu elkhawh a si lo. Pathian cu thisa ah â cang i Thlarau ah thiamcoter a si, vanmi nih an hmuh i Gentel mi hna sinah aupi le vawlei mi nih an zumh i sunparnâk ah kaipimi a si.

1TIMOTE 4:7

Asinain Pathian-zeirellonâk le pitar hna tuanbia kha hlaw hna law Pathian-ṭihzahtu si dingin cawlcang.

1TIMOTE 6:11

Nang Pathian-mi cu thil hna cu zâmtâk, cuticun dinnâk le Pathian duhnâk, zumhnâk le dawtnâk, inkhawhnâk le nunmennâk kha dawi hna.

1TIMOTE 6:20

Aw Timote! nakut i chiahmi cu ṭha tein kilveng, Pathian-ṭihzahlonâk bia chim le ralchanhmi biafang hngalhnâk tiah silo ngaiin min an bunhmi kha hrial i zuam.

2TIMOTE 2:14

Hi thil hna hi hngalhter ṭhân hna, santlai lomi a ngaitu hna caah lohtlaunâk lawng a phâk pitu pakpalawng bia i el lengmang lo dingin Bawipa hmaiah chimhring hna.

2TIMOTE 2:22

Mino duhnâk kha zâmtâk law lungthin thiangin Bawipa kotu hna sinah felnâk zumhnâk dawtnâk le daihnâk kha dawi hna.

2TIMOTE 2:23

Cun hruhthil le elhnialnâk ah i tel hlah, buaibainâk lawng a chuahter kha hngal ko.

2TIMOTE 4:4

biatak in an hnâ an mer lai i ṭawnchawmmi tuanbia lei ah an pial lai.

TITAS 1:1

Paul, Pathian thimmi hna zumhnâk ning le Pathian-ṭihzahnâk in biatak hngalhpinâk tlamtling he Pathian caah ṭemmi sal le Jesuh Krih Lamkaltu ka si.

TITAS 1:14

biatak mer takin Judah tuanbia le minung nawlpêkmi biapi ah a ruatmi hna bia kha zeiah rak rel hna hlah.

TITAS 3:9

Asinain hruh thil i buaibainâk le pupa hna kong hlathlai le elhnialnâk le nawlbia kong i el-len kha hrial hna, cu hna cu ṭhathnemnâk le santlaihnâk an ngei lo.

HEBRU 13:9

Cawnpiaknâk phunphun le zumhnâk phun dang dang i hruaiter hlah u. Lungthin hi zângfahnâk i fehter cu a ṭha, ei le din i fehter loin, cubantuk thil hna cu a buaipi tu hna zong nih an hlawkpi theng lo.

2 PETER 1:16

Zeitintiah zer ngai i `awnchawmmi tuanbia zulin, kan Bawipa Jesuh Krih rat`hannâk le a ṭhawnnâk kong hi kan chimmi a si lo, a sunparnâk mit hrimhrim i hmutu kan si.