1JOHAN 5:14 - Laibaibal Thiang (BSI)

¹⁴ Cubangin hihi Amah cung i kan ralṭhatnâk cu a si, Amah duh ningin kan halmi pauh, a kan ngaihpiakmi hi.

Lai (Hakha) Common Language Bible 2006

¹⁴ Amah duhning in kan hal ahcun, kan halmi paoh kha a kan pek hrimhrim lai ti kan zumh caah Pathian cu ṭihnak zeihmanh um loin kan fuh ngam;

1JOHAN 5:14 ပူးပေါင်းရင်းမြစ်များ

SALM 145:19

Amah ṭihtu hna duhning cu a hlawhtlin ter lai, an aunâk aw theiin, anmah cu a khamh hna lai.

SALM 31:22

Zeitintiah kei nih, “Na mit hmuh ah hlawnh in ka um diam cang” tiah khulrangin ka rak chim; asinain kan auh i zângfah kan nawlnâk aw kha na theih.

SALM 34:17

Miding nih an auh i BAWIPA nih a ngaihpiak hna, an vansannâk vialte chungin a khamh tawn hna.

SALM 69:33

Zeitintiah BAWIPA nih sifakmi kha a theih hna, a thongtla mi kha a zomhtaih hna lo.

PHUNGTHLÛKBIA 10:24

Misuaksual cu a ṭih bantuk tein a cungah a phân lai i miding duhmi tu cu pêk a si lai.

PHUNGTHLÛKBIA 15:29

BAWIPA cu misuaksual sinin a hla, asinain miding thlacamnak cu a theih tawn.

MATTHAI 21:22

Zeizong vialte hi zumhnâk he thlacam in nan hal ahcun, nan hmuh ko lai,” tiah a leh hna.

JOHAN 11:42

Ka bia na ngaih zungzal ti ka theih ca zongah kâ lawm. Hika i a dirmi mizapi hna ruangah cucu ka chim, Naka thlah tiah an zumh khawh nâkhnga,” tiah a ti.

JOHAN 14:13

Cun ka min in nan halmi pauh cu ka tuah lai. Fapa thawngin Pa thangṭhat i a um khawh nâkhnga.

JOHAN 15:7

Nannih ka chungah nan umpeng i ka bia nan chungah a umpeng ahcun nan duhmi pauh ka hal u, nan ca tuah in a um lai.

JOHAN 16:24

Atu tiangin ka min in zeihmanh nanhal rih lo. Hal u, nan hmuh lai, nan i lomhnâk a tlin nâkhnga.

JOHAN 9:31

Pathian nih misual bia a ngai ballo tiah kan theih. Mizei pauh nih Pathian a tlaih chan i a duhmi a tuah ahcun Pathian nih a bia a ngaih tawn.

EFESA 3:12

Amah i zumhnâk thawngin amah lila ah khan ralṭha le ngamh ngaiin luh khawhnâk kan ngei.

HEBRU 10:35

Cucaah a liannganmi ṭuanman a ngeimi, nan zumhfehnâk kha hlawnh hrimhrim hlah u.

HEBRU 3:14

Zeitintiah Krih cotu kan si a hramthawk i kan zumhnâk kha a dongh tiang fek tein kan i tlaih ahcun,

HEBRU 3:6

asinain Krih cu Fapa bangin Pathian chungkhar cungah zumhtlâk a si i chungkhar cu kanmah hi kan si, a dongh tiangin duh a nungmi zumhnâk le ruahchannâk kha kan i tlaih ahcun.

JEIM 4:3

Nan hal, nan hmu lo, zeicatiah a hal nan i palh, nanmah nomhhnaihnâk lawng ah hman nan duh.

JEIM 5:16

Damter nan si nâkhnga, nansualnâk phuang ulaw, thla i campiak lengmang u. Miding nih biatak tein thla a cammi cu san a tlai i thil a tuah kho ngai ngai.

1JOHAN 2:28

Atu ah hin nau le hna, Amah ah hmun ko u; cuticun Amah a langh i a rat tik ah Ahmai ah ralṭha le ningzak loin kan um kho lai.