1JOHAN 5:13 - Laibaibal Thiang (BSI)

¹³ Nannih Pathian Fapa min a zumtu hna sinah, zungzal nunnâk kan ngei tiah nan i hngalh khawh nâkhnga hihi ka ṭial, cun Pathian Fapa min hi nan zumh peng khawh nâkhnga ca zongah a si.

Lai (Hakha) Common Language Bible 2006

¹³ Pathian Fapa a zummi nih zungzal nunnak kan ngei ti kha nan i hngalh khawhnak hnga hi ca hi kan kuat hna.

1JOHAN 5:13 ပူးပေါင်းရင်းမြစ်များ

JOHAN 1:12

Asinain Amah cohlangtu pauh cu Pathian fa i cannâk nawl kha a pêk hna, Amin a zumtu hna cu.

JOHAN 2:23

Lanhtâk Thô i Jerusalem i a câm lio ah hmelchunhnâk a tuahmi kha an hmuh tikah, mi tampi nih Amin kha an zumh.

JOHAN 20:31

Asinain hi hna hi Jesuh cu Krih Pathian Fapa a si tiah nan zumh i cu zumhnâk thawngin nunnâk Amah min in nan ngeih khawh nâkhnga ṭialmi an si.

JOHAN 21:24

Cu lamkaltu cu hi bia hngalhtertu le ṭialtu hi a si i a hngalhtermi bia hi a dikmi a si tiah kan hngalh.

JOHAN 3:18

Amah a zummi pauh cu sualphawt an si lo; asinain Amah zum lomi pauh cu atu ah sualphawt a si cang, zeicatiah Pathian Fapa ngeihchun a min kha a zumh lo caah.

JOHAN 5:24

“Biataktein biataktein, kan chim hna, ka bia a thei i aka thlahtu a zummi pauh cu zungzal nunnâk a ngei cang, biaceihnâk ah a phân lai lo, thihnâk in a chuak cang i nunnâk ah a lan cang.

LAMKALTU 3:16

Cun a Min, Amah min i zumhnâk thawngin hi nan hmuh i nan theihmi hi a damtermi a si. Asi, Amah in a chuakmi zumhnâk nih nan dihlak hmuh ah a damtermi a si.

LAMKALTU 4:12

Midang ahosinhmanhah khamhnâk a um lo, zeitintiah vanrang tang i min sakmi vialte lakah a kan khamh khotu mindang pakhat hmanh a um lo,” tiah a ti.

2 KORIN 5:1

Zeitintiah hi lei i kan deu hi rawk hmanhsehlaw, Pathian sinin inn, kut i sak lomi, zungzal inn van i a ummi cu kan ngei ti kha kan hngalh.

GALATI 4:6

Fa nan si caah, Pathian nih a Fapa Thlarau cu nan lungthin ah a run thlah i, “Abba, Ka Pa,” tiin a au.

1 PETER 5:12

Silvanas, zumh a tlâkmi unau i ka ngeihmi kut ah hin nanmah thazâng pêknâk bia, atu i nan dirnâk hi Pathian zângfahnâk dik a si ti kha hngalhternâk câ tawi tein ka rak kuat.

1JOHAN 1:4

Cun nan i lomhnâk a tlin khawh nâkhnga hi thil hna hi nan sinah kan rak ṭial.

1JOHAN 2:1

Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei.

1JOHAN 2:21

Biatak nan hngalh lo ruang i nan sinah ka ṭialmi a si lo, biatak cu nan hngalh caah le, biatak in lih a chuah ballo caah ka ṭialmi a si.

1JOHAN 2:25

Hi bia hi Amah hrimhrim nih a kan kamhmi kha a si, zungzal nunnâk hi.

1JOHAN 2:26

Nanmah hlen an timtu hna kong hi nan sin i ka ṭialmi cu a si.

1JOHAN 3:23

A nawlpêkmi cu hihi a si, a Fapa Jesuh Krih min zumh i nawl a kan pêk bangin pakhat le pakhat kan i dawtmi hi.

1JOHAN 4:9

Hitihin Pathian dawtnâk cu kan cungah langhter a si, Amah thawngin nun kan ngeih khawh nâkhnga, Pathian nih a Fapa ngeihchun cu vawlei ah a run thlah.

1JOHAN 5:10

Pathian Fapa zumtu nih amah ah hngalhnâk a ngei. Pathian a zumlotu nih Amah cu lihchim ah a canter, a chan cu Pathian nih a Fapa kong i a hngalhtermi a zumh lo caah a si.

1JOHAN 5:11

Hihi hngalhtermi cu a si. Pathian nih zungzal nunnâk a kan pêk i cu nunnâk cu a Fapa ah a um.

1JOHAN 5:20

Pathian Fapa cu a ra i a dikmi Amah kha kan hngalh khawhnâk dingah hngalhthiamnâk a kan pêk cang ti kha kan hngalh. Kannih cu a Fapa Jesuh Krih a dikmi Amah ah khan kan um. Hihi Pathian dik le zungzal nunnâk a si.