1JOHAN 5:1 - Laibaibal Thiang (BSI)

¹ Jesuh hi Krih a si tiah zumtu cu Pathian hrin a si; a hringtu a dawmi pauh nih, a hrinmi zong a dawt tawn.

Lai (Hakha) Common Language Bible 2006

¹ Jesuh cu Messiah a si tiah a zummi paoh cu Pathian fa an si; pa a dawmi paoh nih cun a fa zong kha an dawt tawn.

1JOHAN 5:1 ပူးပေါင်းရင်းမြစ်များ

MATTHAI 16:16

Simon Peter nih, “Krih Pathian nung Fapa na si,” tiah a ti.

LUKA 7:5

Zeitintiah kan miphun a kan dawt i kan sinagog zong a kan sakpiak, zângfah ko tiah fak piin an nawl.

JOHAN 1:3

Zeizong vialte hi Amah in ser a si, sermi vialte hi Amah lo in sermi zeihmanh a um lo.

JOHAN 15:23

Aka hua mi pauh nih ka Pa zong a huat.

JOHAN 3:3

Jesuh nih, “Biataktein, biataktein kan chimh, hrinṭhân a si lomi cu, Pathian pennâk a hmu kho lai lo,” tiah a ti.

JOHAN 6:69

Krih Pathian nung Fapa na si kha kan hngalh i kan zumh,” tiah a leh.

JOHAN 8:42

Jesuh nih, “Pathian nan pa a si ahcun, nan ka dawt lai. Zeitintiah Pathian sin i a chuakmi le, a sinin a rami ka si. Keimah nawlin ka ra lo, Amah nih a ka thlah.

LAMKALTU 8:36

Cubangin an kal lioah ti umnâk an phân. Tildih pa nih, “Zoh hmanh, hika ah ti a um. Baptisma ing dingin zeinihdah aka donh?” tiah a ti.

LAMKALTU 8:37

Filip nih, “Na lungthin dihlak in na zumh ahcun na in khawh,” tiah a ti. Anih nih, “Jesuh Krih hi Pathian Fapa a si, tiah ka zumh,” tiah a ti.

JEIM 1:18

A sermi hna lakah hmasa bik theitlai kan si khawh nâkhnga, Amah duhning tein bia tak chungah a kan hrin.

1 PETER 1:3

Kan Bawipa Jesuh Krih Pathian le Pa cu thangṭhat in um ko seh, Amah nih a tammi a vêl thawngin thihnâk in Jesuh Krih a thawhṭhânnâk thawngin ruahchannâk nung hmu dingin a kan hrin ṭhân,

1JOHAN 2:10

A unau a dawtu cu ceunâk ah a hmun i amah ah tluknâk ding zeihmanh a um lo.

1JOHAN 2:29

Amah cu miding a si ti kha nan hngalh ahcun, dinnâk a tuahtu cu Amah hrin a si ti kha nan hngalh.

1JOHAN 3:14

Kan unau kan dawt hna ruangah, thihnâk in kan chuak i nunnâk ah kan lut cang ti kha kan hngalh. A unau a daw lotu cu thihnâk ah a hmun ko rih.

1JOHAN 3:17

Asinain mi zei pauh nih vawlei thilṭha ngeiin, a unau chambau in hmu sehlaw, a zângfah lo ahcun, zeitindah a chungah Pathian dawtnâk a hmunmi a si khawh lai?

1JOHAN 3:9

Pathian hrin a simi pauh nih, a chungah Pathian ci a hmunh caah sualnâk an tuah peng lo, Pathian hrin a si caah sualnâk a tuah peng kho lo.

1JOHAN 4:2

Hitihin Pathian Thlarau cu nan hngalh lai.Thlarau zei pauh Jesuh Krih cu thisa ah â cang tiah a ṭanhtu cu Pathian sin in a si,

1JOHAN 4:20

Minih, ‘Pathian ka dawt a ti i a unau a huat ahcun lihchim a si; zeitintiah a hmuhmi unau hmanh a dawt lo ahcun, a hmuh lomi Pathian cu zeitindah a dawt khawh lai?

1JOHAN 4:7

Dawtmi hna pakhat le pakhat i daw u sih, zeitintiah dawtnâk hi Pathian ta a si. Dawtnâk a ngeimi pauh Pathian hrin a si i Pathian zong a hngalh.

1JOHAN 5:18

Mizei pauh Pathian hrin a simi nih sualnâk an tuah peng lo ti kan hngalh. Pathian Hrin nih khan amah cu a kilven i misual pa nih cun a tongh hmanh a tawng kho lo.

1JOHAN 5:4

Zeitintiah Pathian hrinmi pauh nih vawlei hi an tei. Kan zumhnâk hi vawlei a teitu teinâk cu a si.

1JOHAN 5:5

Jesuh hi Pathian Fapa a si tiah a zumtu dah ti lo cu ahonihdah vawlei hi an tei bal?