1JOHAN 4:7 - Laibaibal Thiang (BSI)

⁷ Dawtmi hna pakhat le pakhat i daw u sih, zeitintiah dawtnâk hi Pathian ta a si. Dawtnâk a ngeimi pauh Pathian hrin a si i Pathian zong a hngalh.

Lai (Hakha) Common Language Bible 2006

⁷ Ka fale hna, dawtnak hi Pathian sinin a rami a si caah pakhat le pakhat i daw u sih. Pakhat le pakhat aa dawmi cu Pathian fa an si i Pathian kha an hngalh.

1JOHAN 4:7 ပူးပေါင်းရင်းမြစ်များ

JOHAN 13:34

Nawlpêk thar kan pêk hna; pakhat le pakhat i daw u, keimah nih kan dawt hna bantukin pakhat le pakhat i daw u.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

1 KORIN 8:3

Asinain mizei pauh nih Pathian a dawt ahcun, Amah nih a hngalhmi a si.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

GALATI 4:9

Atu Pathian nan hngalh hnu ah, asiloah, Pathian hngalhmi nan si hnu ah tiawk a si deuh, zeitindah san a tlai lomi cawnpiaknâk hramah i mer in cu sal i um cu nan duh ṭhân khawh rih?

GALATI 5:22

Thlarau theitlai tu cu, dawtnâk, lawmhnâk, daihnâk, lungsaunâk, zângfahnâk, ṭhatnâk, zumhawktlaksinâk,

2TIMOTE 1:7

Zeitintiah Pathian nih ṭihnâk thlarau a kan pe lo, ṭhawnnâk dawtnâk le ruahnâk ṭha thlarau tu kha a kan pêk.

1 PETER 1:22

Unau dawtnâk taktak kha ngei in, Thlarau thawngin biatak zum in, nan thlarau nan thianter cang caah, lungthin thiang te le biatak tein pakhat le pakhat i daw u,

1JOHAN 2:10

A unau a dawtu cu ceunâk ah a hmun i amah ah tluknâk ding zeihmanh a um lo.

1JOHAN 2:29

Amah cu miding a si ti kha nan hngalh ahcun, dinnâk a tuahtu cu Amah hrin a si ti kha nan hngalh.

1JOHAN 2:3

A nawlpêkmi kan zulh ahcun, cu nih cun Amah kan hngalh ti kha kan hngalh.

1JOHAN 2:4

A nawlpêk zul ṭung loin, “Amah ka hngalh,” titu cu mi lihchim a si i amah ah biatak a um lo.

1JOHAN 2:7

Unau hna nan sinah nawlpêk thar ka ṭial lo; nawlpêk hlun, a hramthawk in nan ngeih cangmi kha ka ṭial. Nawlpêk hlun cu a hramthawk in nan rak theih cangmi bia kha a si.

1JOHAN 3:9

Pathian hrin a simi pauh nih, a chungah Pathian ci a hmunh caah sualnâk an tuah peng lo, Pathian hrin a si caah sualnâk a tuah peng kho lo.

1JOHAN 4:11

Dawtmi hna, Pathian nih hi tluk in a kan dawt ahcun, kan nih zong pakhat le pakhat kan i dawt awk a si.

1JOHAN 4:12

Ahohmanh nih zeitik hmanh ah Pathian an hmu ballo. Pakhat le pakhat kan i dawt ahcun, Pathian kan sinah a hmun, a dawtnâk zong kanmah ah tlam a tling.

1JOHAN 4:16

Pathian nih kan ca i a ngeihmi dawtnâk cu kan hngalh i kan zumh. Pathian cu dawtnâk a si, cun dawtnâk i a hmunmi cu Pathian ah a hmun i Pathian zong a sinah a hmun.

1JOHAN 4:20

Minih, ‘Pathian ka dawt a ti i a unau a huat ahcun lihchim a si; zeitintiah a hmuhmi unau hmanh a dawt lo ahcun, a hmuh lomi Pathian cu zeitindah a dawt khawh lai?

1JOHAN 4:8

Dawtnâk a ngei lomi nih Pathian a hngal lo, zeitintiah Pathian cu dawtnâk a si.

1JOHAN 5:1

Jesuh hi Krih a si tiah zumtu cu Pathian hrin a si; a hringtu a dawmi pauh nih, a hrinmi zong a dawt tawn.

2 JOHAN 1:5

Cun upat tlâk a simi nu, na sinah nawlpêk thar bangin ka ṭial lo, a hramthawk in kan ngeih ciami tu kha ka ṭial, pakhat le pakhat i daw dingin kan nawl.