1JOHAN 4:4 - Laibaibal Thiang (BSI)

⁴ Nau le hna, Pathian ta nan si i cuhna cu nan tei cang, zeicatiah nanmah i a ummi cu vawlei i a ummi nâk in a ngan deuh.

Lai (Hakha) Common Language Bible 2006

⁴ Sihmanhsehlaw ka fale hna, nannih cu Pathian ta nan si i nal profet kha nan tei cang hna; zeicahtiah nan chung i a ummi Thlarau kha vawlei mi a simi hna chung i a ummi thlarau nakin a ṭhawng deuh.

1JOHAN 4:4 ပူးပေါင်းရင်းမြစ်များ

JOHAN 12:31

Atu ah hi vawlei kong hi ceih lio a si, atu ah hi vawlei bawi hi hlawnh a si lai.

JOHAN 14:30

Nansinah bia tampi ka chim manh ti lai lo, vawlei bawi a ra lai, cupa nih keimah ah zeihmanh covo a ngei lo.

JOHAN 16:11

biaceihnâk cu hi vawlei bawi hi thiamlo a co cang caah a si.

JOHAN 17:23

Kei an sinah, Nang keimah ah, annih pumkhat an si i an tlamtlin khawh nâkhnga, Nangmah nih naka thlah ti le, naka dawt bangin annih zong na dawt hna ti hi vawlei nih an hngalh khawh nâkhnga.

ROM 8:31

Hi kongah hin zeitindah kan chim lai? Pathian kan leiah a `an ahcun ahonihdah a kan doh khawh lai?

ROM 8:37

Ṭhen hlah e! Cu thil vialte hna cu a kan dawtu thawngin teitu hna nâkin teitu kan si deuh.

1 KORIN 2:12

Cuticun Pathian nih man loin a kan pêkmi thil kan hngalh khawh nâkhnga kan comi hi vawlei thlarau si loin Thlarau Pathian sinin a comi kan si.

1 KORIN 6:13

Eiding cu paw caah a si, paw zong eiding caah a si, asinain Pathian nih a hrawh ve ve lai. Taksa hi nupa sual tuahnâk caah a si lo i Bawipa caah a si. Bawipa zong cu taksa caah a si.

2 KORIN 4:4

Krih, Pathian muisam, a liannganmi thawngṭha ceunâk nih a ceuh khawh hna nâkhnga lo hi vawlei pathian nih zumlotu ruahnâk kha a cawtter.

2 KORIN 6:16

Pathian ṭempal le milem nih zeidah remnâk an ngeih? Nannih cu Pathian nung ṭempal nan si. Pathian nih hitihin a chim, “An sinah ka um lai i an lakah khua ka sa lai. An Pathian ka si lai i annih cu kami le an si lai.”

EFESA 2:2

hlanah hi vawlei phung ningin khua nan rak sa, vanrâng i ṭhawnnâk bawi, atu i nawlngai lomi hna chungah rian a ṭuntu thlarau duh ningin,

EFESA 3:17

cun zumhnâk thawngin Krih cu nan lungthin ah khua a sak khawhnâk hnga le dawtnâk ah hram nan bunh i hngatchan miah nan i ngeih khawh nâkhnga,

EFESA 6:10

A donghnâk ah ka ule nau hna, Bawipa le a lianngan mi a ṭhawnnâk ah ṭhawng ngaiin um u.

1JOHAN 2:1

Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei.

1JOHAN 2:13

Pa le hna nan sin i ka ṭial chan hi, a hramthawk i a ummi kha nan hngalh caah a si. Tlangval hna nan sin i ka ṭialchan hi misual pa kha nan tei caah a si. Ngakchia le hna nan sin i ka ṭial chan hi, Pa cu nan hngalh caah a si.

1JOHAN 3:20

Zeitintiah kan lung nih thiamlo a kan coh ahcun, Pathian cu kan lungthin nâk in a ngan deuh i zeizong vialte hngaltu a si.

1JOHAN 3:24

A nawlpêk a zultu cu Amah ah a hmun i Amah zong a chungah a hmun ve. Amah kan sinah a hmun tiah kan hngalh khawhnâk cu Thlarau a kan pêkmi ah hin a si.

1JOHAN 4:13

Hitihin Amah ah kan hmun i Amah zong kanmah ah a hmun tiah kan hngalh, zeicatiah a Thlarau a kan pêk cang caah.

1JOHAN 4:16

Pathian nih kan ca i a ngeihmi dawtnâk cu kan hngalh i kan zumh. Pathian cu dawtnâk a si, cun dawtnâk i a hmunmi cu Pathian ah a hmun i Pathian zong a sinah a hmun.

1JOHAN 4:6

Kannih cu Pathian ta kan si. Pathian a hngalmi nih kan bia an ngaih tawn, Pathian ta a si lomi nih cun kan bia an ngai duh lo. Hitihin biatak thlarau le palhnâk thlarau cu kan hngalh khawh.

1JOHAN 5:19

Pathian ta kan si ti le, vawlei pumpi hi misuaksual pa kut ah a um ti kha kan hngalh.

1JOHAN 5:4

Zeitintiah Pathian hrinmi pauh nih vawlei hi an tei. Kan zumhnâk hi vawlei a teitu teinâk cu a si.

BIAPHUAN 12:11

Cun annih nih Tuufano thisen le a bia an hngalhternâk thawngin an tei cang, an nunnâk hmanh thih tiangin an daw lo.