1JOHAN 4:1 - Laibaibal Thiang (BSI)

¹ Dawtmi hna thlarau kip in va zum hlah u, asinain thlarau kha Pathian sin in an si le si lo kha hniksak hna u, zeicatiah vawlei ah hin profet deu tampi an chuah cang.

Lai (Hakha) Common Language Bible 2006

¹ Ka fale hna, Thlarau kan ngei, aa timi paoh khan va zum hna hlah u. An ngeihmi Thlarau cu Pathian sinin a rami a si maw si lo ti kha va hlathlai hmasa u. Zeicahtiah profet deu kha vawlei cung a kenkip ah an kal cang.

1JOHAN 4:1 ပူးပေါင်းရင်းမြစ်များ

PHUNGTHLÛKBIA 14:15

Mi sawsawh nih chimmi pauh a zumh, asinain ralringmi nih a kephaunâk kha ṭha tein a ruah.

MARKA 13:21

“Cu cân ah mi nih, ‘Zoh u, Krih cu khika ah, asiloah, zoh u, Krih cu hika ah, an ti tikah va zum hna hlah u.

LUKA 12:57

Asi, zeicadah nanmah lila nih a dik le dik lo cu bia na khiah ko lo?

LUKA 21:8

Anih nih, “An in hlen nâkhnga lo i ral ring u. Mitampi nih, ‘Amah cu ka si, an ti lo le, a cân a phân deng cang, tiah keimah min chalh in an ra lai. Cunbantuk mi cu zul hna hlah u.

LAMKALTU 17:11

Cu khuami hna cu Thesalonika khuami hna nâk in an ṭha deuh, bia kha timhcia tein an rak cohlan, hi thil hna hi a si taktak maw si taktak lo ti hngalhnâk caah nichiar tein Cathiang in an dothlat.

LAMKALTU 20:29

Zeitintiah ka kal hnuah cinghnia hrangrual an rak lut lai i tuu kha an ngân hna lai lo, ti kha ka hngalh.

1 KORIN 12:10

midang sinah khuaruahhar tuahkhawhnâk pêk a si, midang sinah biaphuan khawhnâk pêk a si; midang sinah thlarau dik le dik lo thleidan khawhnâk pêk a si, midang sinah holh phundang dang i biachim khawhnâk pêk a si, midang sinah holh dangdang leh khawhnâk pêk a si.

1 KORIN 14:29

Profet zong nih pahnih maw, pathum in maw chim hna seh law mi dang nih ṭha tein rak hlathlai hna seh.

1THESALON 5:20

Biaphuan zong zawmtaih hlah u.

1THESALON 5:21

Zeizong vialte hniksak u law, a ṭhami kha fek tein tlai u.

2 THESALON 2:2

kanmah chimmi bang i puh in, ca in siseh, bia in siseh, thlarau in siseh, Krih ni cu a phân diam cang timi nih nan ruahnâk a hninh i nan buai nâkhnga lo kan in nawl hna.

1TIMOTE 4:1

Cân hmadung ahcun mi tampi nih zumhnâk hi an tluktâk lai i hlennâk thlarau le khuachia cawnpiaknâk lei ah an i mer lai tiah Thlarau nih fiang tein a chim,

2TIMOTE 3:13

Asinain misual le a deu in a nungmi hna cu an sual chin lengmang lai, mi an hlen hna lai i anmah zong hlenin an um ve lai.

2 PETER 2:1

Asinain mi hna sinah profet deu kha an rak um bantukin nanmah lak zongah cawnpiaktu deu an um ve te lai, anmah a tlanhtu Bawipa tiangin an hlawt lai, rawhralnâk ah phâk tertu lam a pialmi cawnpiaknâk cu a thli tein an luhpi lai i cunih cun anmah kha rawhralnâk ah khulrangin a hruai hna lai.

1JOHAN 2:18

Naule hna, cân hma dung bik cu a si cang, Krih ralchanhtu a ra te lai tiah nan theih cang bantuk khan, atu zong ah Krih ralchanhtu tampi an chuak cang; hi ruangah hin cân hmadung a si kha kan hngalh.

1JOHAN 2:7

Unau hna nan sinah nawlpêk thar ka ṭial lo; nawlpêk hlun, a hramthawk in nan ngeih cangmi kha ka ṭial. Nawlpêk hlun cu a hramthawk in nan rak theih cangmi bia kha a si.

2 JOHAN 1:7

Zeitintiah hlengtu tampi, Jesuh Krih cu thisa in a ra tiah a pom lomi hna, vawlei ah hin an chuak cang. Cu hna cu hlengtu le Krih ralchanhtu cu an si.

3 JOHAN 1:11

Dawtmi, thil ṭha lo cu i zoh chunh hlah. A ṭhami lawnglawng rak i zoh chunh. Ṭhatnâk tuahtu cu Pathian ta an si i sualnâk a tuahtu nih Pathian a hmu bal lo.

BIAPHUAN 2:2

“Na tuahmi kha ka hngalh hna, nâ zuamning le, na inkhawhnâk le misual nain khawh hna lo kha ka hngalh. Cun lamkaltu an si lo nain lamkaltu ka si â timi hna zong na hneksak hna i lihchimmi an sizia na hngalh cang hna.