1JOHAN 3:6 - Laibaibal Thiang (BSI)

⁶ Amah ah a hmunmi pauh cu sualnâk an tuah lo. Sualnâk a tuahtu pauh nih Amah a hmu lo, hngalh zong a hngal fawn lo.

Lai (Hakha) Common Language Bible 2006

⁶ Cucaah Khrih chungah a ummi paoh cu sualnak chungah khan an um peng lo; sihmanhsehlaw sualnak a tuah pengmi nih cun Khrih kha a hmuh zong an hmu bal lo i a hngalh zong an hngal bal lo.

1JOHAN 3:6 ပူးပေါင်းရင်းမြစ်များ

2 KORIN 3:18

Asi kan nih cu hmaikhuh loin Bawipa sunparnâk cu thlalang i kan hmuh bangin kan zoh, Amah muisam keng dingin, Bawipa Thlarau nih sunparnâk in sunpar chinchin nâkah thlen in kan um cuahmah lio a si.

2 KORIN 4:6

Zeitintiah Jesuh Krih muihmaiah khan Pathian sunpar ning hngalhnâk ceu cu a kan pêk nâkhnga muihnâk chungin ceunâk pe ding i nawlpetu Pathian nih kan lungthin hi a ceuter.

1JOHAN 2:28

Atu ah hin nau le hna, Amah ah hmun ko u; cuticun Amah a langh i a rat tik ah Ahmai ah ralṭha le ningzak loin kan um kho lai.

1JOHAN 2:3

A nawlpêkmi kan zulh ahcun, cu nih cun Amah kan hngalh ti kha kan hngalh.

1JOHAN 2:4

A nawlpêk zul ṭung loin, “Amah ka hngalh,” titu cu mi lihchim a si i amah ah biatak a um lo.

1JOHAN 3:2

Ka dawt le hna atu ah Pathian fa le kan si i zeidah kan si telai ti tu cu langhter a si rih lo, asinain Amah a langh tikah, Amah bang kan si lai ti kha kan hngalh, zeitintiah Amah cu a sining tein kan hmuh lai.

1JOHAN 3:9

Pathian hrin a simi pauh nih, a chungah Pathian ci a hmunh caah sualnâk an tuah peng lo, Pathian hrin a si caah sualnâk a tuah peng kho lo.

1JOHAN 4:8

Dawtnâk a ngei lomi nih Pathian a hngal lo, zeitintiah Pathian cu dawtnâk a si.

1JOHAN 5:18

Mizei pauh Pathian hrin a simi nih sualnâk an tuah peng lo ti kan hngalh. Pathian Hrin nih khan amah cu a kilven i misual pa nih cun a tongh hmanh a tawng kho lo.

3 JOHAN 1:11

Dawtmi, thil ṭha lo cu i zoh chunh hlah. A ṭhami lawnglawng rak i zoh chunh. Ṭhatnâk tuahtu cu Pathian ta an si i sualnâk a tuahtu nih Pathian a hmu bal lo.