1JOHAN 3:16 - Laibaibal Thiang (BSI)

¹⁶ Dawtnâk cu hitihin kan hngalh, kan ca i a nunnâk a pêkmi ah hin. Cun kan nih zong nih kan unau caah kan nunnâk kan pêk ve awk a si.

Lai (Hakha) Common Language Bible 2006

¹⁶ Dawtnak hi zeidah a si ti kan hngalhning cu hitihin a si: Khrih nih kan caah a nunnak kha a hloh. Cucaah kannih zong nih kan unau hna caah kan nunnak cu kan hloh ve awk a si.

1JOHAN 3:16 ပူးပေါင်းရင်းမြစ်များ

MATTHAI 20:28

Mi fapa hmanh hi rianṭuanpiakmi si awk ah a rat ṭung lo, rianṭuan ding le mitampi tlanhnâk caah a nunnâk pêk awkah pei a rat cu, tiah a ti.

JOHAN 10:11

Tuukhal ṭha ka si. Tuukhal ṭha nih a tuu caah a nunnâk a pêk tawn.

JOHAN 10:15

Pa nih aka hngalh bangin, kei zong nih Pa ka hngalh i tuu caah ka nunnâk ka pêk.

JOHAN 13:34

Nawlpêk thar kan pêk hna; pakhat le pakhat i daw u, keimah nih kan dawt hna bantukin pakhat le pakhat i daw u.

JOHAN 3:16

Zeitintiah Pathian nih vawlei hi a dawt tuk hringhran i a Fapa ngeihchun kha a pêk, Amah a zummi pauh cu lotlau loin zungzal nunnâk an ngei lai.

LAMKALTU 20:28

Cucaah Pathian kawhhran, a thisen i a cawkmi hna tuukhal si nanmah chungin Thiang Thlarau nih hotu an sitermi ah hin nanmah le nan tuurun vialte hna kongah i ralring u.

ROM 16:4

ka nunnâk khamhnâk dingah an hngawng â donhmi hna hi, anmah sin lawngah si loin Gentel kawhhran hna sin zongah lawmhnâk bia ka chim.

ROM 5:8

Asinain Pathian nih a dawtnâk cu kan sinah hitihin a langhter. Misual kan si ko rih lioah Krih cu kan caah a thi.

2 KORIN 4:12

Cuticun kanmah ah thihnâk in a ṭuan nain nannih tu ah cun nunnâk in a ṭuan tawn.

EFESA 5:2

Krih nih a kan dawt i Pathian sinah raithawinâk le rimhmui pekchanhmi ah kan ca i â pêk bangin dawt nâkin nung u.

EFESA 5:25

Va le hna nan nupi le daw hna u. Krih nih kawhhran a dawt i an ca-ah â pêk bantuk khan,

FILIPI 2:17

Asi, zumhnâk i rian nan ṭuannâk le raithawinâk nan tuahmi i nan din awkah bungh dih ka si hmanh ah nan dih lak sinah kâ nuam in kâ lawm ko lai.

FILIPI 2:30

Zeicatiah nanka bomhnâk nih a tlinh lomi tlinter awkah, a nunnâk tiang ruat loin Krih rian a ṭuannâk ah a thi deng mang.

1THESALON 2:8

Cuticun hitlukin kan in ngaih hna ruangah hin, Pathian thawngṭha cawnpiak lawng hmanh hi kan i lung si lo, kan ca-ah ngaih um tukmi nan si caah, kan nunnâk tiang pêk kan in duh hna.

TITAS 2:13

Ruahchannâk duhnung, a lianngan mi kan Pathian le kan Khamhtu Jesuh Krih sunparnâk he â langhnâk kha kan cuan.

1 PETER 1:18

Nan pupa hna sinin nan comi, san tlailo nan nunnâk chungin a rawk khomi sui le ngun men i tlanh nan si lo,

1 PETER 2:24

Sualnâk leiah kan thih i dinnâk lei ah kan nun khawh nâkhnga, a taksa hrimhrim in thing cungah kan sualnâk kha a phorh i an tuknâk hma in nan dam cang.

1 PETER 3:18

Zeitintiah Krih cu kan sualnâk ruangah voikhat a thi, cuticun miding nih miding lo caah a tuar, cucu Pathian sinah a kan hruai khawhnâk ding a rak si, taksa in thihter a sinain Thlarau in nunter a si,

1JOHAN 2:6

Amah ah ka um titu cu, Amah nun ningin a nun ve awk a si.

1JOHAN 2:9

Mi nih ceunâk ah ka um a ti i a unau a huatu cu atu tiangin muihnâk ah a um ko rih.

BIAPHUAN 1:5

Jesuh Krih zumhtlâk biahngaltu, thihnâk in a tho hmasa bik le lei cung siangpahrang hna cungah biaceihtu a simi sinin zângfahnâk le daihnâk um ko seh. A kan dawt i a thisen in kan sualnâk kha a kan ṭawl piak,

BIAPHUAN 5:9

Hlathar an sa i, “Nangmah cu cazual kha la in, a chinchiahnâk kha phoihawk ah nâ tlak. Zeitintiah thah in na um cang i phunkip, holhkip, mikip le hrin kip chungin Pathian caah na thisen in na tlanh cang hna.