1JOHAN 3:10 - Laibaibal Thiang (BSI)

¹⁰ Hitihin Pathian fa le khuachia fa cu langhter a si. Dinnâk a tuah lomi pauh cu Pathian ta an si lo, a unau a daw lotu zong Pathian ta an si lo.

Lai (Hakha) Common Language Bible 2006

¹⁰ Pathian fale hna le Khuachia fale hna an i dannak cu hihi a si: ahmaanmi thil a tuah lomi cu Pathian fa an si lo; cun a unau a daw lomi zong an si ṭhiamṭhiam lo.

1JOHAN 3:10 ပူးပေါင်းရင်းမြစ်များ

MATTHAI 13:38

Lo cu vawlei hi a si. ciṭha cu pennâk fale hi an si. cideu cu misual fale an si.

LUKA 6:35

Asinain nan ral va daw ulaw, thilṭha tuah piak hna u, chamṭhân ding ruahchan loin cawih hna u. Nan ṭuanman cu a ngan tak tak lai i Cungnung bik fale nan si lai. A nih cu lawmh a hngalh lomi le misual cungah vêl a ngei.

JOHAN 1:12

Asinain Amah cohlangtu pauh cu Pathian fa i cannâk nawl kha a pêk hna, Amin a zumtu hna cu.

JOHAN 11:52

Cu miphun hna ca lawng ah a si lo Pathian fale vawlei khuazakip i â ṭhekmi vialte bukhat i pumh an si lainâk ca zongah a si.

JOHAN 8:44

Nannih cu nanpa khuachia ta nan si i a duhmi kha tuah nan duh. Amah cu a hramthawk in lainawng a rak si, biatakah a um lo, a chungah biatak a um lo caah. Lih a chim tikah, amah kokek a chimmi a si, anih cu milihchim a si i lih pa zong a si.

JOHAN 8:47

Pathian mi nih Pathian bia a ngaih tawn. Nannih nih ka bia nan ngai lo, zeicatiah Pathian ta nan si lo caah,” tiah a ti.

LAMKALTU 13:10

“Nang, hlennâk le zernâk in a khatmi pa, khuachia fapa, dinnâk a ralchanhtu pa Bawipa lam lamding hi merh na timh peng ko lai maw?

ROM 13:8

Pakhat le pakhat i dawt dah tilo cu lei i ba hlah u, zeitintiah midang a dawtu nih cun nawlbia cu a zulh dih cang.

EFESA 5:1

Cucaah a fa dawtmi bangin Pathian â zohchunhtu si ko u.

KOLOSE 3:14

Cu thil vialte hna cungah dawtnâk i hruk u, cucu pumkhat sinâk i funtomnâk tlamtling a si.

1TIMOTE 1:5

Nawlpêk nih a tinhmi cu, zumhnâk taktak le chiaṭha hngalhnâk ṭha le lung thin thiangin a chuakmi dawtnâk hi a si,

1JOHAN 2:29

Amah cu miding a si ti kha nan hngalh ahcun, dinnâk a tuahtu cu Amah hrin a si ti kha nan hngalh.

1JOHAN 3:1

Ngaihmanh u Pa nih a kan dawt ning hi zeitlukindah a ngan! Pathian fale tiah kawh kan si! Cucaah vawlei nih ankan hngalh lo, zeicatiah Amah kha an hngal lo.

1JOHAN 3:2

Ka dawt le hna atu ah Pathian fa le kan si i zeidah kan si telai ti tu cu langhter a si rih lo, asinain Amah a langh tikah, Amah bang kan si lai ti kha kan hngalh, zeitintiah Amah cu a sining tein kan hmuh lai.

1JOHAN 4:21

Amah sinin hi nawlpêk hi kan ngei, Pathian a dawmi nih cun a unau zong a dawt hrimhrim lai, ti hi.

1JOHAN 4:6

Kannih cu Pathian ta kan si. Pathian a hngalmi nih kan bia an ngaih tawn, Pathian ta a si lomi nih cun kan bia an ngai duh lo. Hitihin biatak thlarau le palhnâk thlarau cu kan hngalh khawh.

1JOHAN 4:8

Dawtnâk a ngei lomi nih Pathian a hngal lo, zeitintiah Pathian cu dawtnâk a si.

1JOHAN 5:19

Pathian ta kan si ti le, vawlei pumpi hi misuaksual pa kut ah a um ti kha kan hngalh.

1JOHAN 5:2

Pathian fa le hna kan dawt hna tiah kan hngalh khawhnâk cu, Pathian kan dawt i a nawlpêkmi kan zulh ah hin a si.

3 JOHAN 1:11

Dawtmi, thil ṭha lo cu i zoh chunh hlah. A ṭhami lawnglawng rak i zoh chunh. Ṭhatnâk tuahtu cu Pathian ta an si i sualnâk a tuahtu nih Pathian a hmu bal lo.