1JOHAN 2:27 - Laibaibal Thiang (BSI)

²⁷ Asinain Amah sin in nan comi sathau thuhnâk kha nan chungah a hmun i aho cawnpiak hmanh nan herh lo; sathau thuhnâk lila nih khan thil vialte an cawnpiak hna, cun lih si loin a dikmi a si, cawnpiak nan sining te khan Amah ah hmun ko u.

Lai (Hakha) Common Language Bible 2006

²⁷ Sihmanhsehlaw nannih cu Khrih nih a Thlarau kha an toih cang hna. A Thlarau nan chung i a um paoh ahcun ahohmanh cawnpiaktu nan herh hna lo. Zeicahtiah a Thlarau nih cun zeizong vialte kha an cawnpiak hna i an cawnpiakmi hna cu biatak a simi kha a si, ahmaan lomi a si lo. Cucaah Thlarau cawnpiaknak kha zul u law Khrih chungah cun um camcin ko u.

1JOHAN 2:27 ပူးပေါင်းရင်းမြစ်များ

PHUNGTHLÛKBIA 28:5

Misual hna nih diknâk hi an theithiam lo, asinain BAWIPA kawltu hna nih zeizong vialte an theihthiam tawn.

MATTHAI 13:11

Anih nih, “Vanbawi pennâk biathli hi nan hngalh dingah pêk nan si, asinain annih cu pêk an si ve lo ruangah a si,” tiah a ti.

JOHAN 14:16

Cun Pa ka hal lai i Amah nih Bawmtu dang zungzal i umpitu an pêk hna lai,

JOHAN 14:17

Cucu Biatak Thlarau, vawlei nih a ngeihkhawh lomi cu a si; Amah an hmuh lo i an hngalh lo caah; nannih nih Amah cu nan hngalh; zeitintiah nan sin i a um pengmi hi, nanmah zongah a um lai.

JOHAN 14:26

Sihmanhsehlaw Bawmtu, Thiang Thlarau Pa nih ka min i a thlah laimi nih zeizong vialte an cawnpiak hna lai, nan sin i ka chimmi vialte an hngalhter ṭhân hna lai.

JOHAN 16:13

Asinain Amah, biatak Thlarau, a rak phâk tikah, biatak vialte chungah an kalpi hna lai; Amah nawl in zeihmanh a chim lai lo, a theihmi vialte a chim deuh lai, ara laimi thil tiangin an hngalhter hna lai.

JOHAN 4:14

asinain an sin i ka pêkmi ti a dingmi pauh cu an ti a hal ti lai lo. An sin i ka pêkmi ti cu anmah ah ti hna a um lai i zungzal nunnâk tiangin a luanglan lai,” tiah a ti.

JOHAN 6:45

Profet hna cauk ah, “Pathian cawnpiak in an um dih lai,” tiah ṭial a si. Pa bia thei i a cawngmi pauh cu ka sinah an ra tawn.

1 KORIN 2:12

Cuticun Pathian nih man loin a kan pêkmi thil kan hngalh khawh nâkhnga kan comi hi vawlei thlarau si loin Thlarau Pathian sinin a comi kan si.

1 KORIN 2:13

Cuthil hna cu minung cawnpiak mi fimnâk si loin, Thiang Thlarau cawnpiakning tuin, thlarau kong cu thlarau in kan chim tawn.

2 KORIN 1:21

Cubangin Krih ah kannih le nannih a kan fehtertu le sathau a kan thuhtu cu Pathian a si;

EFESA 4:21

Amah cu nan theih i Amah cawnpiakmi nan si taktak ahcun, Jesuh i a ummi biatak bang khan,

KOLOSE 2:6

Cucaah Bawipa Krih Jesuh cu nan cohlân cang bangin Amah ah um peng u,

1THESALON 2:13

Hiruangah hin ngol loin Pathian sinah lawmhnâk bia kan chim, zeicatiah kan sin in nan theihmi Pathian bia nan cohlan tikah minung bia bangin nan cohlang lo, i biatak ngaiin Pathian bia bangin nan cohlan, cucu a zumtu sinah santlai ngaiin rian a ṭuntu hi a si.

1THESALON 4:9

Unau dawtnâk kong tu cu ṭialpiak nan herh lo, zeitintiah Pathian hrimhrim nih pakhat le pakhat i daw dingin a cawpiakmi nan si;

1TIMOTE 2:7

zeitintiah keimah zong cu bia chimtu le lamkaltu ah ruahmi ka si, Krih ah biatak ka chim i ka lih lo, zumhnâk le biatak ah Gentel mi hna cawnpiaktu ah ruahmi ka si.

1 PETER 1:23

a rawk khomi thlaici ah si lo in, a nungmi Pathian bia le zungzal in a hmunmi a rawk kho lomi thlaici ah hrinṭhân mi nan si.

1JOHAN 2:28

Atu ah hin nau le hna, Amah ah hmun ko u; cuticun Amah a langh i a rat tik ah Ahmai ah ralṭha le ningzak loin kan um kho lai.

1JOHAN 3:24

A nawlpêk a zultu cu Amah ah a hmun i Amah zong a chungah a hmun ve. Amah kan sinah a hmun tiah kan hngalh khawhnâk cu Thlarau a kan pêkmi ah hin a si.

2 JOHAN 1:2

biatak kan sinah a hmunmi le zungzal in kan sinah a um lai caah: