1JOHAN 2:20 - Laibaibal Thiang (BSI)

²⁰ Asinain nan nih cu Mi Thiang nih chiti an thuh hna i zeizong vialte nan hngalh.

Lai (Hakha) Common Language Bible 2006

²⁰ Sihmanhsehlaw nannih cu Khrih nih Thiang Thlarau kha an toih hna caah nan dihlak in biatak kha nan hngalh.

1JOHAN 2:20 ပူးပေါင်းရင်းမြစ်များ

SALM 16:10

Zeitintiah ka thlarau Seol ah na kaltâk lai lo i na mithiang thutmân kha na siang lai lo.

SALM 23:5

Ka ral hna hmaiah rawl naka dangh, ka lu ah chiti na thuh i ka hrai cu a liam in a liam.

SALM 45:7

Dinnâk na dawt i suahsualnâk na huat; cucaah Pathian, na Pathian nih, chiti an thuh, na hawi le hna nâk in lunglomhnâk chiti an thuh.

SALM 71:22

Thanglawi in kan thangṭhat lai, Maw Pathian, zumhtlâk nasinâk hi ka thangṭhat lai. Aw, nang Israel hna Mithiang, tingtang he hla sa in kan thangṭhat lai.

SALM 92:10

Asinain ka ki hi cawpa ki bangin na santer i sathau thar zong naka thuh.

PHUNGTHLÛKBIA 28:5

Misual hna nih diknâk hi an theithiam lo, asinain BAWIPA kawltu hna nih zeizong vialte an theihthiam tawn.

MATTHAI 13:11

Anih nih, “Vanbawi pennâk biathli hi nan hngalh dingah pêk nan si, asinain annih cu pêk an si ve lo ruangah a si,” tiah a ti.

MARKA 1:24

anih nih, “Kanmah tein kan umter! Nazaret Jesuh, nang le kannih zeidah kan i pehtlaihnâk a um? A kan hrawktu dingah na ra cang maw? Nang kan hngalh ko, Pathian Mithiang na si,” tiah a au.

LUKA 4:18

BAWIPA Thlarau cu ka cungah a um, zeicatiah sifakmi hna sin i Thawngṭha chim dingin chiti a ka thuh; lungkuaimi hna damter awkah aka thlah i saltangmi hna luatter ding le, mitcawmi hna khua hmuhter ding le, lamhchihmi hna luatnâk ding

LUKA 4:34

“Kanmah te kan umter ko; Nazaret Jesuh, nangmah he pehtlaihnâk zeidah kan ngeih, a kan hrawktu dingah maw na rat? Pathian Mithiang na si kha kan in hngalh,” tiah a ti.

JOHAN 14:26

Sihmanhsehlaw Bawmtu, Thiang Thlarau Pa nih ka min i a thlah laimi nih zeizong vialte an cawnpiak hna lai, nan sin i ka chimmi vialte an hngalhter ṭhân hna lai.

JOHAN 16:13

Asinain Amah, biatak Thlarau, a rak phâk tikah, biatak vialte chungah an kalpi hna lai; Amah nawl in zeihmanh a chim lai lo, a theihmi vialte a chim deuh lai, ara laimi thil tiangin an hngalhter hna lai.

LAMKALTU 10:38

Nazaret Jesuh, kha bantukin Pathian nih Thiang Thlarau le thiltikhawhnâk in sathau a thuh ning le thilṭha tuah in khual a tlawng i khuachia serhsatmi vialte a damter hnanâk kong kha, zeitintiah a sinah Pathian a um.

LAMKALTU 3:14

Mithiang le Midik kha nan duh lo i lainawng tu kha nansin i pêk awkah nan hal,

1 KORIN 2:15

Asinain Thlarau mi nih thil vialte hi a hngalh tawn, anih tu cu ahohmanh nih an hngal kho lo.

HEBRU 1:9

Dinnâk kha na dawt i nawlbuarnâk kha na huat. Cucaah Pathian, na Pathian nih na hawi le hna nâkin lawmhnâk sathau cu an thuh,” tiin.

HEBRU 8:11

Ahohmanh nih ‘BAWIPA cu hngal ko’ tiin mah inpa le mah unau an cawnpiak ti lai lo; zeitintiah a hme bikin a ngan bik tiang an dih lakin anka hngalh cang lai.

1JOHAN 2:27

Asinain Amah sin in nan comi sathau thuhnâk kha nan chungah a hmun i aho cawnpiak hmanh nan herh lo; sathau thuhnâk lila nih khan thil vialte an cawnpiak hna, cun lih si loin a dikmi a si, cawnpiak nan sining te khan Amah ah hmun ko u.

1JOHAN 4:13

Hitihin Amah ah kan hmun i Amah zong kanmah ah a hmun tiah kan hngalh, zeicatiah a Thlarau a kan pêk cang caah.

JUDAS 1:5

Hihi nan hngalh ciami a si nain hngalhter ṭhân kan duh hna. Ezip ram in Bawipa nih Ami le kha a khamhhna i cuhnu ah zumlotu kha a hloh dih hna, timi bia hi.

BIAPHUAN 3:7

“Cun Filadelfia kawhhran vancungmi sinah hitihin ṭial, Mithiang, Mi taktak, David tawh ngeitu, ahohmanh khar lo dingin a hung i ahohmanh hun lo dingin a khartu nih khan hi bia hi a chim.”

BIAPHUAN 4:8

Thilnung pali hna nih thla paruk cio an ngei i mit lawngte in a chunglei he a lenglei he a khat. Cun chun le zan din loin, “Zeizongtuahkho Bawipa Pathian, a um cangmi le a um liomi le a um laimi cu, a thiang, a thiang, a thiang,” tiah an ti.