1JOHAN 2:18 - Laibaibal Thiang (BSI)

¹⁸ Naule hna, cân hma dung bik cu a si cang, Krih ralchanhtu a ra te lai tiah nan theih cang bantuk khan, atu zong ah Krih ralchanhtu tampi an chuak cang; hi ruangah hin cân hmadung a si kha kan hngalh.

Lai (Hakha) Common Language Bible 2006

¹⁸ Ka dawtmi ka fale hna, caan donghnak cu atu hi a si. Khrih Ral kha a ra lio, tiah nan theih i atu ah hin Khrih ral tampi an hung chuak cang; cucaah cun caan donghnak cu atu hi a si cang ti kha kan hngalh.

1JOHAN 2:18 ပူးပေါင်းရင်းမြစ်များ

MATTHAI 24:11

Profet deu tampi an chuak lai i mitampi an hlen hna lai.

MATTHAI 24:24

Zeitintiah krih deu le profet deu an chuak lai i a nganmi hmelchunhnâk le khuaruahharnâk tuah in an in hlen hna lai. Si kho sehlaw thimmi hmanh an hlen khawh hna lai.

MATTHAI 24:5

Zeitintiah mi tampi ka min chalh in a ra lai i mi tampi an hlen hna lai.

MARKA 13:6

Zeitintiah mi tampi ka min in an ra lai, “Amah cu ka si” tiah mi tampi an hlen hna lai.

JOHAN 21:5

Jesuh nih, “Naule hna, eiawk nan ngei maw?” tiah a ti hna. Annih nih, “Ngei lo,” tiah an leh.

ROM 13:11

Cun atu hi â hngilhmi hna i hlauh cân a si kha nan hngalh bangin hihi tuah u, zeitintiah atu ah cun kan zumh hramthawknâk nâkin kan khamhnâk ni cu a nai cang.

ROM 13:12

Zan hi a dih dengmang i khua a dei dengmang cang, cucaah khuamui tuahsernâk kha hlawnh in khua ceu thuam kha i hruk u sih.

HEBRU 1:2

hi ni hmadung ah a Fapa in kan sinah bia a chim cang, Amah cu thil vialte rocotu ah a ruah i Amah hmangin vawlei hi ser a si.

1 PETER 1:20

Amah cu vawlei serhlan in khaukhih a si cang, asinain hi ni hmadung bik ah hin nanmah caah langhter a si.

1 PETER 1:5

zumhnâk thawngin khamhnâk, cân hmadung i langhter awkah timh ciami cu co dingin Pathian ṭhawnnâk in kilven nan si.

1 PETER 4:7

Thil vialte donghnâk a nai cang caah, thla nan cam khawh nâkhnga i bia takin i ralring u.

2 PETER 2:1

Asinain mi hna sinah profet deu kha an rak um bantukin nanmah lak zongah cawnpiaktu deu an um ve te lai, anmah a tlanhtu Bawipa tiangin an hlawt lai, rawhralnâk ah phâk tertu lam a pialmi cawnpiaknâk cu a thli tein an luhpi lai i cunih cun anmah kha rawhralnâk ah khulrangin a hruai hna lai.

2 PETER 3:3

hihi hngal hmasa u, ni hmadung ah nihsawhtu kha an chuak te lai, anmah duhnâk bangin an ra lai i

1JOHAN 2:22

Jesuh, Krih a sinâk a hlawtu hleiin lihchimmi an um hlei hnga maw? Pa le Fa a hlawtu hi Krih ralchanhtu cu a si.

1JOHAN 4:1

Dawtmi hna thlarau kip in va zum hlah u, asinain thlarau kha Pathian sin in an si le si lo kha hniksak hna u, zeicatiah vawlei ah hin profet deu tampi an chuah cang.

1JOHAN 4:3

thlarau zei pauh Jesuh Krih cu thisa in a ra tiah a ṭanh lotu cu Pathian sin in an si lo. Cucu Krih ralchanhtu thlarau a ra lai tiah nan hngalhmi cu a si, atu zongah vawlei ah an um cang.

2 JOHAN 1:7

Zeitintiah hlengtu tampi, Jesuh Krih cu thisa in a ra tiah a pom lomi hna, vawlei ah hin an chuak cang. Cu hna cu hlengtu le Krih ralchanhtu cu an si.

JUDAS 1:18

cân hmadungah nisawh tu hna an um te lai, Pathian-zeirellonâk he anmah duhning lawngin khua a sami an si lai, tiah an chim chung cangmi kha philh hlah u.