1JOHAN 2:12 - Laibaibal Thiang (BSI)

¹² Nau le hna, Amah minin nan sualnâk kha ngaihthiam a si caah nan sinah ka rak ṭial.

Lai (Hakha) Common Language Bible 2006

¹² Ka dawtle hna, nan sualnak cu Khrih min ruangah ngaihthiam nan si caah hi ca hi kan kuat hna.

1JOHAN 2:12 ပူးပေါင်းရင်းမြစ်များ

SALM 106:8

Asinain amah min thawng lawnglawng in a khamh hna, a thiltikhawhnâk le a ṭhawnzia a hngalhter khawh hna nâkhnga caah a si.

SALM 25:11

Zeitintiah maw BAWIPA, na min ruangah ka sualpalhnâk ka ngaithiam, zeitintiah a ngan tuk hring hran.

LUKA 24:47

cun Amah min in ngaihchihnâk le sual ngaihthiamnâk kong kha Jerusalem khua in an thawk lai i mi phunkip sinah chim a si lai.

LUKA 5:20

Anih nih an zumhning a hmuh i, “Mipa, na sualnâk ngaihthiam a si cang,” tiah a ti.

LAMKALTU 10:43

Amah zumtu pauh nih a min ruangah sual ngaihthiamnâk an co tawn timi hi profet vialte nih an rak hngalhter tawnmi kha a si,” tiah a ti.

LAMKALTU 13:38

Cucaah u le nau hna, hngal ko tuah u. Amah thawngin sual ngaihthiamnâk bia nan sinah kan chim,

LAMKALTU 4:12

Midang ahosinhmanhah khamhnâk a um lo, zeitintiah vanrang tang i min sakmi vialte lakah a kan khamh khotu mindang pakhat hmanh a um lo,” tiah a ti.

1 KORIN 6:11

Nan lakah cheu khat cu cubantuk tuah a hmangmi nan rak si. Asinain Bawipa Jesuh min le kan Pathian Thlarau ah `awlthian nan si cang, thianter nan si cang, thiamcoter nan si cang.

EFESA 1:7

A thisen thawngin Amah ah tlanhnâk le a rummi a zângfahnâk bangin sual ngaihthiamnâk kha kan co,

EFESA 4:32

Pathian nih Krih ah an ngaihthiam hna bangin i zângfah in, vel i ngeih ulaw, i ngaithiam u.

KOLOSE 1:14

A thisen thawngin Amah ah tlanhnâk le sual ngaihthiamnâk kan co.

1JOHAN 1:4

Cun nan i lomhnâk a tlin khawh nâkhnga hi thil hna hi nan sinah kan rak ṭial.

1JOHAN 1:7

Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.

1JOHAN 1:9

Kan sualnâk kha kan phuan ahcun, kan sualnâk ngaithiam ding le kan dinlonâk vialte thianter dingin Amah cu zumhawk a tlâk i a dingmi a si.

1JOHAN 2:1

Ka nau le hna, sualnâk nan tuah nâkhnga lo, hi thil hna hi nan sinah ka ṭial. Cun mi pakhat khat nih sualnâk a tuah ahcun, Pa sinah chimpitu, a dingmi Jesuh Krih kan ngei.

1JOHAN 2:21

Biatak nan hngalh lo ruang i nan sinah ka ṭialmi a si lo, biatak cu nan hngalh caah le, biatak in lih a chuah ballo caah ka ṭialmi a si.

1JOHAN 2:7

Unau hna nan sinah nawlpêk thar ka ṭial lo; nawlpêk hlun, a hramthawk in nan ngeih cangmi kha ka ṭial. Nawlpêk hlun cu a hramthawk in nan rak theih cangmi bia kha a si.