1JOHAN 1:3 - Laibaibal Thiang (BSI)

³ cu kan hmuh le kan theihmi cu nan sinah kan phuan, cucu nanmah he hawikomhnâk kan ngeihkhawh nâkhnga caah a si. Kanmah nan kan hawikomhnâk hi Pa le a Fapa Jesuh Krih he i hawikomhnâk a si.

Lai (Hakha) Common Language Bible 2006

³ Kannih nih kan hmuhmi le kan theihmi cu nannih zong kha kan in chimh hna, zeicahtiah Pa le a Fapa Jesuh Khrih he hawikomhnak kan ngeihmi chungah khan nan i tel khawh ve nakhnga kan duh.

1JOHAN 1:3 ပူးပေါင်းရင်းမြစ်များ

SALM 2:7

“Nawlpêk kha ka phuan lai: BAWPA nih, ‘Nang cu ka Fapa na si, ni hin ah kan hrin’ tiah ka sinah a chim cang.

SALM 22:22

Ka unau hna sinah na min ka phuan lai i â pummi hna sinah kan thang ṭhat lai.

JOHAN 17:11

Atu cu vawlei ah ka um ti lai lo, annih cu vawlei i ummi an si. Na sinah kara lai. A thiangmi ka Pa, naka pêkmi hna hi na min in kilveng ko hna, kannih pumkhat kan si bantukin pumkhat an si khawh nâkhnga.

JOHAN 17:21

an dihlak in pumkhat an si khawh nâkhnga. Ka Pa, Nang keimah ah, kei Nangmah ah ka um bantukin an dih lak in Kanmah ah pumkhat i an um khawh nâkhnga, cun vawlei nih Nangmah nih naka thlah ti a zumh khawh nâkhnga.

JOHAN 17:25

Maw, a dingmi ka Pa, vawlei nih an hngal lo i keinih cun kan hngalh, hi hna zong nih naka thlah tihi an hngalh ve cang.

JOHAN 17:3

Hihi zungzal nunnâk a si, nang Pathian taktak hngalh le, na thlahmi Jesuh Krih hngalh hi.

JOHAN 19:35

Cu thil a hmutu nih a hngalhter cang, a hngalhtermi bia hi a dik i bia dik ngai a chim tiah a hngalh, nannih zong nih nan zumh nâkhnga.

LAMKALTU 13:32

Kannih zong nih pupa hna sin i rak kamh cangmi lomhnâk thawngṭha cu nan sin i kan phuanmi hi a si.

LAMKALTU 13:41

Zomhtaihtu hna, zoh u, mak ti ulaw, lotlau dih u, zeitintiah nan nun chungah thil pakhat ka tuahmi hi, cu thil cu mi nih an in chimh hna zongah nan zum lai lo,’ timi hi,” tiah a ti.

LAMKALTU 2:42

Lamkaltu hna zumhnâk le hawikomhnâk ah changreu cheu le thlacam in donghcat loin fek tein an um.

LAMKALTU 20:27

Zeitintiah nansin ah Pathian bia tluantling chim kha ka tlawt hna lo.

LAMKALTU 4:20

Zeitintiah kannih cu kan hmuhmi le theihmi hi chim loin kan um kho lo,” tiah an ti.

ROM 15:27

Cu nih cun a lomhter tak tak hna, cun annih cu an lei a battu an si. Zeitintiah thlarau lei thil hna Gentel mi nih an i hrawm ahcun thilri lei in an bomhchanh hna ding kha an ṭuanvo a si.

1 KORIN 1:30

Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

1 KORIN 1:9

Pathian, a Fapa Jesuh Krih kan Bawipa he i hawikomhnâk i an luhtertu kha zumh awk tlâk a si.

1 KORIN 15:1

Cuhleiah unau hna, thawngṭha ka chimmi kha nan cohlan i dirnâk ah nan hmanmi kha, cu bia cu chimh ṭhan kan duh hna,

2 KORIN 13:14

Bawipa Jesuh Krih zângfahnâk le, Pathian dawtnâk le, Thiang Thlarau hawikomhnâk cu nan dihlak cungah um ko seh. Amen.

EFESA 3:6

Cu biathli cu Thawngṭha thawngin Krih ah Gentel mi hna hi rocopi hawi, pum ṭengnge, biakam co pitu an si, timi hi a si.

FILIPI 1:7

Ka lungthin ah nan ummi hi ka ruah tikah ka caah a dikmi a si tiah ka ruah, cikcin i khih ka sinâk le, thawngṭha kilvennâk le diknâk fehter dingin ka ṭuanmi rian ah nannih zong nih zângfahnâk in nan i hrawm ve.

FILIPI 2:1

Cucaah Krih ah thapeknâk a um i dawtnâk hnangamnâk a um i Thlarau hawikomhnâk, vêl le zângfahnâk kha a um ahcun,

FILIPI 3:10

A thihnâk ah thiin, a tuarnâk kâ hrawm ve ahcun, a thawhṭhannâk ṭhawnnâk zong ka co ve ko lai.

KOLOSE 1:13

Amah nih khuamui nawlngeihnâk chungin a kan chuahter i a dawtmi Fapa pennâk chungah a kan luhpi;

1THESALON 1:10

A Fapa, thihnâk in a thawhter i a ra laimi thinhunnâk chungin a kan khamhtu Jesuh vanin a rat lai nâk hngahhlang ngaiin nan cuanhning hna cu anmah hrim hrim nih an chim lênmi a si.

1TIMOTE 6:2

An hotu le zumtu an si i unau an si ruangah zeirel loin um hna hlah seh, anmah ruang i ṭhathnemnâk hmutu an si caah zumtu le dawtmi an si caah rian ṭuanpiak hna seh. Cucu cawnpiak law tha pe hna.

HEBRU 2:12

“Ka unau hna sinah na min ka aupi lai i â pummi hna lakah hlasa in kan thangṭhat lai,” tiin.

HEBRU 3:1

Cucaah, a thiangmi unau, vanlei kawhnâk a comi hna, kan zumhnâk i lamkaltu le Tlângbawi Nganbik Krih Jesuh kha ruat tuah u.

HEBRU 3:14

Zeitintiah Krih cotu kan si a hramthawk i kan zumhnâk kha a dongh tiang fek tein kan i tlaih ahcun,

1 PETER 5:1

Nan lakah upa hna, kei nan upat hawi, Krih tuarnâk hngalhpitu, sunparnâk a lang hngami cotu ding a simi nih hin tha kan pêk hna.

2 PETER 1:16

Zeitintiah zer ngai i `awnchawmmi tuanbia zulin, kan Bawipa Jesuh Krih rat`hannâk le a ṭhawnnâk kong hi kan chimmi a si lo, a sunparnâk mit hrimhrim i hmutu kan si.

1JOHAN 1:1

A hramthawk in a rak ummi nunnâk Bia kong kha, kan hna nih a theih i kan mit nih a hmuh, a zoh zong kan zoh i kan kut hrimhrim nih a tongh-

1JOHAN 1:5

Hihi a sin in kan theihmi biacah nan sinah kan in chimhmi hna cu a si: Pathian cu ceunâk a si i Amah ah muihnâk a um hrimhrim lo.

1JOHAN 1:7

Asinain Amah cu ceunâk ah a um bantukin, ceunâk ah kan um ahcun, pakhat le pakhat hawikawmhnâk kan ngei i a Fapa Jesuh Krih thisen in kan sualnâk vialte a kan thenh piak tawn.