ZEFANYA 3:8 - ALLAH NIHYET MEM TUNGWATU NYA

⁸ Noro ma jingon sok kep jenti! Jigwam hak bibou njap dima dikiju nok No di pai kep je ug e. Lewo dikos tut mem gima diba mben nya kin ninyeng tak kepti nya bicom yam leu api dikes Ditde nigga biborti ei yok dip tu. Ditde nigga biborti di nok hum di cig-cai miyem dihyeisi dini titut yam bitimek bindung-ndiem.

ZEFANYA 3:8 ပူးပေါင်းရင်းမြစ်များ

MAZMUR 12:5

“Niba nidweb di sindem bitug ndei ndiyok bit leu nyeni ningon kanti. Nisimbot dat mun bit leu nyeni nijoi sutti lene hi di bigen ser cem bi!”

MAZMUR 123:2

Nyende tuhan Allah e, niyok ningon mem Nani kikau bibou angondut nye ug. Ba, gima noyam kin awak pinai di tindei kep nide andigpoi nindati ba, noyam kin awak sop di tindei kep nide sindig nindati.

MAZMUR 27:14

Ma ayok ngon mem tuhan ba, akum ei ade niba ningon comti. Ma angon cut leu au. Ma aba angon com tuhan!

MAZMUR 37:34

Ma jiyok jingon mem tuhan bijibit nihyet leu api Noni mikon jinyeng leu binhyepo jiba jekep jidihyei. Noni mihwen yo di isibut nya bingwig bou jiyai him.

MAZMUR 37:7

Ma jiba jingon di jo nyahan bimem kep ser tuhan bijibet jingon mem nikwesti dima Noni yai nibou tut. Ma jingon mbut-mbut nyen tut yo di ibikum ei ide mun di inyeng tut nya kin yo di iris igkei nya au.

MAZMUR 62:1

Doia Daud mem Yedutun di bie tut doia nimpung.

MAZMUR 62:5

Jiyok jingon mem gima jibindei cut ninyeng jeisi. Jiyok jingon gom mem joom biei kep noni lewo jipai nihyet di binjei mun di kei bak noro jiba nihyet di jibisigion noni ei jingonti.

MAZMUR 79:5

tuhan e, agga nye bijo ninno bijo kikau e? He Angon sibui sut nyeti micig-cai nok hum ug bipek nohonti kan bi e?

MAZMUR 79:6

Asiber Ade niggati dima ei ngkiai nya di ikuk yok biNa bingat nadi bak Nani bi nya dip ug.

NIPINGOK NINGONTI 20:22

Ma aba ambuk buhup mun di mbuk au. Noro ma aba angon com tuhan lewo Noni midime kep munhyet dima nok gi igbit.

DIUN MIMUN 8:6

Abindei bidinok angon kieti. Ma anggriou hiter au noro ma anggriou dangkom ngat he. Lewo ningon ngakeisi dima nisindemti noyam kin nimai nisindemti ba, ningut kanti cem ninyeng tak kep limwa nya noyam kin nimai. Ningon ngakeisi ninjeng di sror dem kep hum njeng di ninjeng cig-cai bibor.

YESAYA 14:26

Gini ne dingon kanti di dibitin ei mem dihyeisi dini ri. Disu dinda mem gima dikes hukum ei tungwatu nya dip.”

YESAYA 30:18

Mbro nok gima lo, tuhan mem kep ser nituti tirigi Noni ngondut je. Noni tin ei mem gima singat tut je lewo Noni ne tuhan di bon mun di igbit. Yo di iba ingon com Noni igyai ingon di nggei-hi-nggei.

YESAYA 34:2

tuhan gga ngkiai nya yahagom bitut ide nimpung tentara nya cem. Noni mikes hukum ei yok dip ba, bindei sar yahagom.

YESAYA 63:6

Diba Ditde nigga biborti di cig-cai bico kep ngkiai nya ba, dibindei timek yok leu api disiber inggrom bingwig ug ei dihyeiti.”

YEREMIA 10:25

Ma asiber Ade nigga biborti ei ngkiai nya di ikon Nani nok ide Allah ba, ikuk yok biNa bi dip hak ug. Lewo ihwen Ade limwa nya bisar bibor ba, ihwen nyende minu cem bitimek tu.

HOSEA 12:6

Allah dima ne tuhan Di Ninyeng Jei Bibor ri. Ninyeng rino tuhan. Suar tungwatu nya ikuk yok biNoni tug hon ninyeng tuhan dima.

YOEL 3:2

Midinduk ngkiai nya yahagom kwei ei Mbang Briep Niya Ei Nikei Noho Bei. Leu api midigwam nok nikei mem yok. Midikes hukum ei yok dip drek dip gi ibibon Ditde limwa nya kinei. Lewo ijji mben Israel bibindei ba, intek gimahap ug ei ingkiaisi leu api ikwas Ditde minu Israel tut yam.

MIKHA 7:7

Noro nye di iba ingon com tuhan ne iba ingon di nddong bicem kep puig ser ide Allah nikweisi. Noni mimiap kep ide nadi biteu nye ba, ingwes ngun.

HABAKUK 2:3

Ma apas kep nimbot kepti dima lewo tto bou dem mem nipek kepti bigyo. Jei bi ne tto bou dem leu api nimbot kepti dima mipek kep mem je dem igbit dipaisi. Mbro nok gino tto bou dima dem bigyo lo, ma amem ser nitausi! Dipreu ei mem na bipia mun dima mipek kep lene binyen bi.

ZEFANYA 1:18

Bit bon yo dima ide mas kin perak di inyeng tut nya giteu yok bingwes ngun mem njap di tuhan ndo nigga biborti kan bi. tuhan de nigga biborti di nok hum di cig-cai miyem dihyeisi dini titut yam bitimek bindung-ndiem. Noni muhun tungwatu dihyeisi dini hagom innei leu insi kros.

HAGAI 2:22

bidinjei ngkiai nya ide ninyeng tak kepti nya ba, dibindei timek ide nisindemti nya. Midibindei kiek ide kroba pran nya bitut yo di ibri bikrau nya ug ei dihyeisi. Kuda hagom mimai lene yo di ibri kuda nya yonti mitot yam bingwig.

MATIUS 25:32

Leu api tungwatu dihyeisi dini yahagom midem yam bigya ei nimig him. Lene Noni mikwas yok ei nimpung can bit leu nok gembala di kwas domba nya bigya ter leu kambir nya.

PETRUS GI NICAN 3:10

Noro Tuhan De Njap di nikwei hanyenti dima mittau kep nye kros dem kep nok ninggimang kep mun cig nitausi tirigi tungwatu nya itin ei mem bi. Njap dima ne nibimbi di nok hum di sror mitibim mpe dino mpia-bbed him sar hak bingwig ba, hum miyem ham kin mun nindigsi nya bidem mpia-bbed him hagom bitimek bingwig ba, dihyeisi dini bitut mun di joti nya cem hagom mipror hak.

NINGAT-HI-NGAT NYA 16:1

Lene dimiap nihyet ndig bibor di tibim kwei leu Allah De Ig di cuk malaikati ibou muhwindacan dima “Jug ba, jisiber Allah nigga biborti leu bokorti ug ei dihyeisi mu.”

NINGAT-HI-NGAT NYA 16:14

Mun dima ne ninnei rom nya di ibon mindur nya ri. Ninnei dini yuug ngat nibou ndig nya ei dihyei nisurti-nipekti binduk yok kwei mem nikon pranti ei Allah Di Sindem Bibor De Njap Nindig.