ZEFANYA 3:19 - ALLAH NIHYET MEM TUNGWATU NYA

¹⁹ Tto bou mem gima dibindei timek jide siceu nya di ico kep je dideu su. Miditeu yo di imig lit nya bidibuwak yo di isima ei ingkiaisi nya hanyen kwei. Dibindei ba, inyeng di jei luei inyeng di kinei. Tungwatu nya bidem dihyei nisurti-nipekti mikon inyeng binggei sut yok cem.

ZEFANYA 3:19 ပူးပေါင်းရင်းမြစ်များ

YESAYA 26:11

tuhan e, atin ei mem gima akes hukum ei Ade siceu nya dip noro igikan tut bi. Nnaba gino ingat Ade ningon ngakei Ade limwa nyati bi lene ma itug ndei nimmai sut yonti bibor ug. Nnaba yoni ijjem ningwig hak tug hon hukum di atin ei mem yok tu.

YESAYA 33:1

Nyeni ide siceu nya mitimek bingwig! Mbro nok gino hi pos ide ndigban leu yok bi lo, ipos nyende ndigban tu. Mbro nok gino hi bakilak yo bi lo, ibakilak nye tu. Noro mpe dino nituti di ipos ndigban ba, ibakilak tungwatu nya ngwig hon nohonti tu lene hiter mipos ide ndigban ba, ibakilak yok.

YESAYA 60:14

Yo po ico kep na pima imunggwom bat nya mikwei kuk yok ei amig him bikon anyenga. Yo po ingwes om kep na pima yahagom miba ibiau bicom mpia ei aho bei binggei sut na. Yoni mijem anyeng ‘tuhan De Minu’ kin ‘Sion’ cem kin ‘Mben Israel Ide Allah Di Kwes-Kwau Nide Minu’ cem.

YESAYA 60:18

Nimbuk tut yamti kin nibindei timek yam bingwigsi kin mun di buhun bibor nibimbiti mitibim kwei ei jikieti bu bi. Midiya srak ko hagau na dem kep nok ngug tig di krop ttai na apino anggei sut Da lewo diteu na ba, angwes ngun.

YESAYA 61:7

Nijam ninim kep jeti kin ningwes pri gau jeti ngwig hon nohonti tu. Mijibong kei jigwam kei ei jide minu ba, jiba jekep ndigban kin mitiei mbican bram yam cem. Mijiyai nillei bijo ninno bijo kikau.

YESAYA 62:7

Ma isindui sut Noni bigwam nyahan au. Nok gima bibou Noni pui nihyet tut minu ndig Yerusalem hanyen bibindei ba, ninyeng di jei mbut bidem dihyei nisurti-nipekti ug e.

YEREMIA 30:16

Noro tini bu ne midipinde yo di ipinde je yahagom. Ngkiai nya mikat jide siceu nya yahagom bikri yok ug ei ingkiaisi. Midico kep yo di ico kep je bidipos ndigban leu yo di ipos jide ndigban yahagom.

YEREMIA 30:19

Timiei minu ndig Yerusalem nya miba doia bikon dinyenga. Yoni iba ingon di kei bimbos-hi-mbos cem. Dibindei ba, ngkiai nya ibou cut biyok. Ighyet kinei sut yok bu bi. Ditde limwa nya imangti mikum eisi kikau.

YEREMIA 31:8

Midibuwak yok kwei leu nite bei mpia nijjai bidinduk yok kwei leu minu nohon keti. Yo di igyai tu nya kin yo di ilit nya yahagom mibit yok kwei bitut sop di inghop kin sop di sindi inghim dut tut munggwom nya cem. Imang ndig mikwei hanyen ei itimieisi dini.

YEREMIA 33:9

Minu ndig Yerusalem minok minu ndig di biyai dingon nggei-hi-nggei kin dingon kei. Ngkiai nya bidem dihyeisi dini hagom mittin tut Da bidigit tut Da bikon dinyeng drek dip mun di kei di dibon mem timiei minu ndig Yerusalem kin nibong kei nigwam keisi di diyai bak minu ndig dima.”

YEREMIA 46:28

Je di Ditde limwa nya e, ma jittin au. Midikwei teu je bijingwes ngun. Midibindei sar ngkiai nya di dibindei ntek gimahap je ug eisi nya yahagom hak ug. Noro midibindei sar jeni bi. Ningat ne mijingwes ngun leu hukum bi. Noro midikes hukum di igbit di dem mem dikes ei jeni dip hak ba, bit leu dikos tutti. Da di tuhan disimbot dat tu.”

YEHEZKIEL 16:27

Nogindini diyai dibou tut na bidikes hukum ei na dip bidipos mun di kei di dikwas tut na cem leu na. Dibikes na ei mben Filistin di ingon kinei sut na di ingon him wei sut ade nibon munti di kinei bibor dima indati.

YEHEZKIEL 16:57

ade nibon munti di kinei jo nibreisi ba, hi kan tut bigyo. Noro tini bu ne nani cem noyam kin noni. Mben Edom kin Filistin kin yo di ibong dideu na nindigsi di ingon kinei sut na nya ipa ndip na nyen.

YEHEZKIEL 34:16

Midinggok ser gi hi di imbut ariwace. Dingot kep gi hi di ibok bidiyai obat bak gi hi di inggwen cem. Noro midibui gi hi di immau ndok kin imbut sindem hagom ba, imai bingwig lewo Dani ne gembala di nijoi bibor ri.

YEHEZKIEL 39:13

Timiei minu dima yahagom mimpu yam tut nitig nimbiam ngutti dima. Gima rino yoni itug ndei mun di kei leu Dani ei Ditde njap nibindei timek siceusi nya. Da di tuhan Di Dinyeng Jei Bibor disimbot dat tu.

YEHEZKIEL 39:26

Tirigi ibong kei igwam kei ei ide minu hanyen lene hi di hwen bit yok bu bi. Lene yoni mibbwe ser gi itug ndei nimmai drek dip ide naham nimbuk kep Dati.

MIKHA 7:10

Nipou ne ide siceu nya ingwes om kep nye bihig ser nye “Jide tuhan Allah No ritou i?” Noro tini bu ne yoni ingat mun di Noni bibon mem nye hagom bou igyai him leu api immai sut yonti. Nyeni mingat siceu nya di ibindei timek yok bico kep yok nok igkrop puigsi bou igyai him.

ZEFANYA 3:15

Lewo tuhan kes hon Nide nikes hukum ei je dipti tu. Noni jji jide siceu di iba nitok bije leu su. Jide tuhan Nonti di nibou ndig Israel nyohou jeni. Tini bu ne ma jittin bu au.

ZAKHARIA 8:23

Njap dima dem ne ngkiai nya ibou simnai mikwei ngat mben Yahudi gom ngat bipai bak ‘Nyeni cem nijoi sut ningat ningat di kei noyam kin nani lewo nimiap tut bipia Allah ningat rin ei jikieti.’ ” tuhan Di Sindem Bibor simbot dat tu.

NINDAT KEP TUHAN NICUKTI NYA 26:19

Noni mibibon je bijinok mben nindig bibor ba, sindem bibor cem dor njiriek mben nindigsi di Noni pai tes nya tu. Apino tungwatu dihyeisi dini hagom minggei sut je bikon jinyeng cem. Mijinok Nide limwa di ningat-ngat nya bit leu nok Noni preu ei mem je tu.”

IBRANI 12:13

Ma jikak puig di sur yam kei leu binhyepo jimig di lit kruwok bu bi noro yai nisindemti bikei hanyen.

NINGAT-HI-NGAT NYA 20:9

Yo dini minjei siceu ug ei dihyei nisurti-nipekti bikrop ttai mpia di Allah de limwa nya ibong eisi di nok minu ndig di Noni ngat ningwes eisi. Noro hum di cut kros kwei leu gwamti yem yok bingwig.

NIJAM NIKEI NYA 1:7

Apino Adoni-Bezek pai “Nipou yo lene dikkin nibou ndig ibou ningot muhwindacan inda pmem hacem kin imig nda pmem hacem leu su. Lene disindui sut yok ba, igyem njita ninir di cut ei ditde meja behei a. Gima rino Allah yai nok gima tut dani mem njap di ammani dem kep gi po dibibon yoni pima.” Leu api ikri Adoni-Bezek ug ei minu ndig Yerusalem ba, noni mai ei sirima.