ZEFANYA 3:17 - ALLAH NIHYET MEM TUNGWATU NYA

¹⁷ Jide tuhan Allah di sindem bibor nyohou je. Joom kep mun nyeng hagom tug hon Nide nisindemti. Ningon nggei-hi-nggei ba, nillei ngwig sut je. Noni ba Nide ningon ngakei jeti biyai niyaijo nijep bije.

ZEFANYA 3:17 ပူးပေါင်းရင်းမြစ်များ

NITRITI 1:31

Lene Allah ngig niyai kep mun di Noni pai tes nya hagom ba, ningon llei bibor. Nok rino mmun pren leu api njap tek ba, gima ne njap gi nimuhwindagom ri.

NITRITI 17:1

Tirigi Abram de njap ug ei ari bingwam ningot muhwindatai ba, muhwindatai lene tuhan tau kep noni bipai bak “Dani ne Allah Di Sindem Bibor ri. Ma abit dihyet ba, ayai mun bit leu dingon kanti kikau cem.

NITRITI 18:14

Mun mindei rino bit bon tuhan yai kan bi i? Bed muhwindatai bu lene midikwei ngat je hanyen bu ba, ei mpe dima lene Sara migwam tut nipmot bit leu nok gi dipai bina tu.”

NITRITI 2:2

Ug ei njap gi nimuhwindacan lene Allah yai Nide midyai nya hagom biput leu api kes ninda tut.

MAZMUR 147:11

Noro ngat ningwes ei yo di ingon gom tut Noni kin yo di iba ingon com Nide ningon ngakeisi di ug hon nohonti bi sren nya.

MAZMUR 149:4

tuhan joi sut Nide limwa nya. Noni bindei ba, yo di iba ibou coi mem Noni ibindei timek ide siceu nya.

MAZMUR 78:65

Lo bi lene tuhan kiju nok no di kiju leu nibong maisi. Noni kiju nok no di sindem di sindi kes nuhui leu gi dut ba anggur ngei.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 18:4

tuhan pai bida “Midicap leu dibongti di jo anai ug ei bijehei mu bidicap brei bou diyai him nyahan kin gi kwes noyam kin nggou di cut nding mem mmun di hou dut kui mem nijam nikos ningat kui ig gudanti. Diba diyai di kwes-kwau bicap bidem mpia di com nimig kwes kei mem mpia ngket.

YESAYA 63:1

“Tou rikwei leu minu ndig Bozra ei minu Edom i? Noni juk sinsun ngwoi di sieng kei bimbut sindem ba, mimbri kui ningkek bibor.” Da di dikwei dini ne tuhan rin ba, disindem mem gima diteu tungwatu nya bingwes ngun ba, dikwei tri tut nihyet nibindei timek siceusi nya.

YESAYA 63:12

tuhan po ya tut Musa pima no ritou i? Lewo Noni ba ninda di sindem bibor bitot minyei ngwa dip ei yoho bei bibindei ba, tungwatu nya ikon ninyeng bijo ninno bijo kikau.

YESAYA 65:19

Dingon millei sut minu ndig Yerusalem kin timiei nya. Tungwatu nya igyai nggwei mikibor ba, yahara hiter bimpu yok bu bi.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YEREMIA 32:41

Dijoi sut nibon mun di kei bak yoni bidibindei ba, ibong ei minu dini bijo ninno bijo kikau.

HOSEA 14:4

Bit bon tentara Asyur iteu nye biningwes ngun kan bi. Bit bon kuda pran cem mpu nye kan bi. Nipai bak kwar di nibon bou ninda him nya bipia inok nyende Allah rin bu bi sren. Na di tuhan e, angondut yo dino tungwatu hiter impu yok bi nya.”

YOEL 2:21

Beisi nya e, ma jittin tut au. Noro ma jiyai nillei tug hon mun di kei bibor di tuhan bibon mem je.

ZEFANYA 3:15

Lewo tuhan kes hon Nide nikes hukum ei je dipti tu. Noni jji jide siceu di iba nitok bije leu su. Jide tuhan Nonti di nibou ndig Israel nyohou jeni. Tini bu ne ma jittin bu au.

ZEFANYA 3:5

Noro tuhan ningat rin ei minu ndig dima yo. Noni bon kep mun di kei kikau lene bon mun di tunggwei bi sren. Noni ne nikei di ba nisren-srausi bikos tut mun di kei bak Nide limwa nya bikwop njap tekti ri. Mbro nok gima lo, yo di ingon sren bi nya ei minu ndig dima ibon kep mun di kinei bijo kikau leu api immai sut yonti drek dip bi.

MBEN ISRAEL IMBUT-MBUT NYEN 14:8

Gino tuhan joi sut nye lene Noni mibuwak nye ug ei sirima bikes minu di mpung tut mun di isuar nya di nnum kei cem dima hagom ei nyeni indati.

LUKAS 15:32

Noro suar nyeni ibon pesta bingon llei bibor drek dip akinjoi di mai su lo, niyaijo hanyen bu. Noni pror leu nye noro dingat ningat bou diyai him hanyen bu tu.’ ”

YOHANES 13:1

Njap gom nipou tirigi tto bou dem mem Njap Ndig Paskah bigyo lene Yesus kan tut bipia tto bou dem mem gima Noni ug leu dihyeisi dini bingkwei hanyen ndam Nicigya. Ningon ngakei Nide limwa nya ei dihyeisi dini biningon ngakei yok kikau ug bipek niyaijo ningwig honti.

YOHANES 15:11

Ditri tut mun dini hagom bije leu binhyepo dingon llei biborti coi ug ei jingonti bibindei ba, jingon llei biborti kei-kau.

NINDAT KEP TUHAN NICUKTI NYA 23:15

“Gino awak gom nang leu nide andigpoi leu api kwei hara je mem gima jicuon niyaisi lene ma jicuk bingkwei hanyen au.

NINDAT KEP TUHAN NICUKTI NYA 30:9

tuhan di nok jide Allah mibindei ba, jide midyai nya hagom kei bibor kei ba, mijidigek kep mpia bijihyen kep jide mindhe-ndhe nya mang bibor kin jide beisi mingat ningat nindig bibor cem. Noni mibindei ba, jibong kei jigwam kei lewo Noni joi sut je bit leu nok gi po Noni joi sut jidigup bat-jidigai bat nya pima.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.