ZEFANYA 3:15 - ALLAH NIHYET MEM TUNGWATU NYA

¹⁵ Lewo tuhan kes hon Nide nikes hukum ei je dipti tu. Noni jji jide siceu di iba nitok bije leu su. Jide tuhan Nonti di nibou ndig Israel nyohou jeni. Tini bu ne ma jittin bu au.

ZEFANYA 3:15 ပူးပေါင်းရင်းမြစ်များ

YESAYA 51:22

Jide tuhan Allah di ya srak ko hagau je pai “Midikon ninghuisi wei di Dikes kep je drek dip Ditde niggati dima hanyen leu je. Ditde nigga jeti micut leu je ba, jinghim koi sut bu bi.

YEHEZKIEL 39:29

Miduhug Dinnei ei mben Israel dip lene midikes yok ei bu bi sren. Da di tuhan Di Dinyeng Jei Bibor disimbot dat tu.”

ZEFANYA 3:5

Noro tuhan ningat rin ei minu ndig dima yo. Noni bon kep mun di kei kikau lene bon mun di tunggwei bi sren. Noni ne nikei di ba nisren-srausi bikos tut mun di kei bak Nide limwa nya bikwop njap tekti ri. Mbro nok gima lo, yo di ingon sren bi nya ei minu ndig dima ibon kep mun di kinei bijo kikau leu api immai sut yonti drek dip bi.

AMOS 9:15

Midikes Ditde limwa nya hanyen ei itimieisi di diyai biyok nipou su lene bit bon hi hom yok hanyen kan bi. Da di tuhan di jide Allah disimbot dat tu.”

YOHANES 1:49

Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

ZAKHARIA 14:11

Tungwatu nya mibong kei-migwam kei ei minu ndig dima leu ba, itug ndei nisigionti di bindei sar yok bu bi sren.

ZAKHARIA 12:3

Noro tirigi njap dima dem ne dibindei ba, minu ndig Yerusalem dem kep tig di buhun bibor. Mben di ijo leu tirima-tirima di ibingon mem gima ikon tig dima miyuum mun di buhun drek dip. Mben dihyeisi dini hagom mibicom yam ba, injei bihwen bit minu ndig Yerusalem.

YESAYA 60:18

Nimbuk tut yamti kin nibindei timek yam bingwigsi kin mun di buhun bibor nibimbiti mitibim kwei ei jikieti bu bi. Midiya srak ko hagau na dem kep nok ngug tig di krop ttai na apino anggei sut Da lewo diteu na ba, angwes ngun.

YESAYA 33:22

tuhan nok ide nibou ndig ba, ninyeng mitak kep nye. Noni ne nikei di tri tut nicukti nya ri. Leu api Noni miteu nye ba, ingwes ngun leu ide siceu nya.

MAZMUR 85:3

Akos ser Ade limwa nya ide sisar nya ba, adip tut ide nitunggweisi nya hagom tu.

NINGAT-HI-NGAT NYA 12:10

Leu api dimiap nihyet di nindig bibor ei gwamti di pai “Nogindini ne tto bou dem mem Allah teu Nide limwa nya ri! Nogindini ne Allah ndo Nide nisindemti rin lewo Noni ne Nibou Ndig ri! Nogindini Nide Nibou Ndig di teu tungwatu nya biyai niyaijo nijep biyok ninyeng tak kep dihyei nisurti-nipekti. Lewo Noni njei no di ya ei Allah Noho bei di pai isut bat yo di ingon jo kep nya kinei bikwop mmun-njap leu gwamti tu.

NINGAT-HI-NGAT NYA 7:15

Gima rino idem yam bigya ei Allah de banggo mbrei nuhui bikuk yok bak Noni bikwop mmun-njap ei Nide Ig. No di gwam banggo mbrei dip ningat rin bit yok binyohou yok.

YOHANES 19:19

Pilatus cuk tungwa hi bipas “No dini ne Yesus leu minu ndig Nazaret ba, mben Yahudi ide Nibou Ndig rin” ei srat nimeng gomti bipek kin biei salib.

YOHANES 12:15

“Je di mben Sion e, ma jidigit tut au. Lewo jide nibou ndig kui bigwam ei keledai nipmot di nehen pap dip hwou ndam je.”

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

ZEFANYA 3:17

Jide tuhan Allah di sindem bibor nyohou je. Joom kep mun nyeng hagom tug hon Nide nisindemti. Ningon nggei-hi-nggei ba, nillei ngwig sut je. Noni ba Nide ningon ngakei jeti biyai niyaijo nijep bije.

HABAKUK 2:17

Jiwim baham tindurti ei Libanon tu. Gima rino tungwatu nya miwim jeni drek dip. Jibui mindhe-ndhe nya ei bahamti dima bingwig su. Gima rino mindhe-ndhe nya mibindei ba, jingon ttin nindig bibor. Mun dini yok hagom micut igkep je drek dip gi jihwen mun bijimbuk tut minu dima yok bitut ide minu ndig nya kin timiei minu ndig dima yok.

MIKHA 7:10

Nipou ne ide siceu nya ingwes om kep nye bihig ser nye “Jide tuhan Allah No ritou i?” Noro tini bu ne yoni ingat mun di Noni bibon mem nye hagom bou igyai him leu api immai sut yonti. Nyeni mingat siceu nya di ibindei timek yok bico kep yok nok igkrop puigsi bou igyai him.

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

YEHEZKIEL 48:35

Ngug tig dima titut yam nijeisi dem kilometer muhwindatai. Hon ammani bikui ne tungwatu nya mijem minu ndig dima ninyeng “TUHAN NINGAT RIN EI SIRIMA!”

YESAYA 65:19

Dingon millei sut minu ndig Yerusalem kin timiei nya. Tungwatu nya igyai nggwei mikibor ba, yahara hiter bimpu yok bu bi.

YESAYA 54:14

Midiwin ade minu ei tig nikiou di ninyeng rino ningon sren-srausi dip ba, mun di cut igkep je kin yo di ico kep je mibong ei minu ting bibor.

YESAYA 25:8

tuhan Di Ninyeng Jei Bibor mibindei sar nimai bijo ninno bijo kikau! Noni midip tungwatu yahagom igyai nggwei leu iimaisi bibindei ba, Nide limwa immai sut yonti bidem dihyei nisurti-nipekti bu bi. tuhan simbot dat tu ba, mun di pai dima mipek kep ri.

NITRITI 30:23

Lene Rahel tta buhun bigwam tut nipmot lene kan “Allah ciu ser mun di bindei nim kep sa bingwig leu sa tu.

NINGAT-HI-NGAT NYA 19:16

Ninyeng di jo ei Nide sinsunti kin nindimihumti rinok gini “Nibou Ndig di ninyeng tak kep yo di inyeng jei nya yahagom kin Tuhan di ninyeng tak kep nibou mien nya yahagom.”

HABAKUK 2:8

Jipos ndigban nindig bibor leu mben mang bibor ei dihyeisi dini noro yo gi hi di ingwes ngun nya mikwei pos jide ndigban bingwig leu je drek dip gi jihwen mun bijimbuk tut mben dima yok bitut ide minu ndig nya cem.

YESAYA 35:10

Yo di tuhan kwek yok tu nya mimbos-hi-mbos tirigi ingkwei hanyen kwei ei minu ndig Yerusalem. Yahagom iimaisi sieng-siau kei lewo ingon nggei-hi-nggei. Yahagom ingon llei bibor ba, ingon nggan-triot cem. Ningon ngguk biborti kin ningon buhun biborti cut leu yok bihigom tu.

YOHANES 5:30

“Bit bon diyai midyai bit leu dingon kanti kan bi. Dimbus tungwatu nya ingonti bit leu nok Allah nicuk Dati. Diba dingon sren-srau bikos tut mun nyeng hi lewo dibit leu Danti dingon kanti bi. Noro dibit leu No di cuk Da kwei ningon kanti.

NINGAT-HI-NGAT NYA 18:20

Timiei gwamti jen, ma jingon llei bibor tut minu ndig dima nicutti! Allah de limwa kin je di jiya kui Yesus kin je di nabi e, ma jingon llei bibor! Lewo Allah kes hukum ei minu ndig dima dip drek dip niyai munti di kinei bibor di bibon bije tu.

MAZMUR 19:9

tuhan nidimigsi dima ne dem kei ba, bindei yo di yahagom di ibit nya ingon llei bibor. tuhan nimbrap tutti nya ne kwes-kwau ba, bindei tungwatu nya ingon dor niti.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YEHEZKIEL 35:10

Jipai bipia Yehuda kin Israel bitut ide dihyei ne jidihyei ri. Ba, jibipai bipia mbro nok gino ide Allah rino Da di tuhan lo, mijima ide dihyei bou je nok jidihyei.

MAZMUR 149:2

Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!

YESAYA 52:9

Minu ndig Yerusalem di timek bingwig e, ma ayai nillei lewo tuhan miteu ade limwa nya bingwes ngun leu api gwam ser ingon.

YEREMIA 8:19

Jimiap i! Ditde limwa nya iba nipim bahara kot. Ighyet dima nugwei bong bidem minu nisurti-nipekti ba, ihig ser “tuhan ningat rin ei Sion bu bi e? Ide nibou ndig no hantou i?” Lene ide nibou ndig di tuhan buhup “Nggon rino jikuk je bak kwar di ibon inyeng bi bibor nya i? Nggon rino jibindei di dingon wei tug hon gi jikuk je bak kwar di jibon bou jinda him nya di ibon inyeng bi bibor nya i?”

YEHEZKIEL 36:15

Dihyei dini mimiap kep ngkiai nya di iba ighyet bicig yok ba, inghim koi sut tungwatu ighyet di kinei sut yok bu bi. Dihyei dini misiber mben di ibong niti nya inggrom bu bi. Da di tuhan Di Dinyeng Jei Bibor disimbot dat tu.”