ZEFANYA 3:14 - ALLAH NIHYET MEM TUNGWATU NYA

¹⁴ Je di mben Israel e, ma jimbos-hi-mbos! Ma jipai doia! Timiei minu ndig Yerusalem e, ma jiba jingon titut yam biyai ningon nggei-hi-nggeisi!

ZEFANYA 3:14 ပူးပေါင်းရင်းမြစ်များ

NEHEMIA 12:43

Njap dima ne ibui mindhe-ndhe ngot bindig ei nimbar hum dokti bak tuhan. Limwa nya igyai nillei lewo Allah bindei ba, ingon nggei-hi-nggei su. Sop nya kin munggwom nya cem ibit yok tut pesta dima lene ighyet di ibigyai nillei dima tibim ug ei minu ting bijo ninno.

MAZMUR 14:7

Dijoi sut gima tuhan di bong ei Nungug Sion mikiju biteu mben Israel ba, ingwes ngun. Tirigi Noni bindei ba, yo di intun Yakub him ibong kei igwam kei hanyen lene yahagom ingon millei nindig bibor!

MAZMUR 149:2

Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!

MAZMUR 97:8

Timiei Sion kin yo di ibong ei minu ndig nya ei hanjop Yehuda nindigsi nya ingon llei bibor tirigi imiap tut tuhan nikos tutti nya.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 29:19

Nuhui mbum nya kin nikinei-kinau nya mikiju bingat ingwes ei ninggei-hi-nggei di mben Israel ide Allah di kwes yai biyoti hanyen.

YESAYA 35:2

Iggum ndigsi miba ningon di llei bibor bipai doia bimbos-hi-mbos lewo mpia dima miluei nitta binok nikei-kau-keisi noyam kin Nungug Libanon ba, mibon ninnumti noyam kin ngoi dumti nya ei Nungug Karmel kin mbang briep Saron. Tungwatu nya yahagom mingat tuhan nikei-kau-keisi kin ninyeng jeisi kin Nide nisindemti bou igyai him.

YESAYA 37:22

tuhan pai “Sanherib e, minu ndig Yerusalem mipa tut nani ba, miba nihyet bicig na cem ri!

YESAYA 40:1

Ide Allah pai “Ma jiwin ingonti ba, jiwin Ditde limwa nya ingonti!

YESAYA 40:9

Ma akui ug ei nungug di jei bibor leu api atri tut nihyet di kei bak minu ndig Yerusalem! Aba ahyet nindig bitri tut nihyet di kei bak Sion! Ahap aji lene ma angwes mien tut au. Ma atri tut bidem minu ndig nya hagom ei minu Yehuda bipia ide Allah dideu su!

YESAYA 51:11

Apino yo di tuhan kwek yok tu nya miba nimbos-hi-mbos bingkwei hanyen ba, icoi ug ei minu ndig Yerusalem. Yiimaisi cem piga kei drek dip ide ningon nggei-hi-nggeisi di ug hon nohonti bi sren. Yoni ingon nggei-hi-nggei ba, igyai nillei cem lewo ide ningon nggukti kin ninso-nso nyenti pror hak leu yok tu.

YESAYA 52:9

Minu ndig Yerusalem di timek bingwig e, ma ayai nillei lewo tuhan miteu ade limwa nya bingwes ngun leu api gwam ser ingon.

YESAYA 54:1

Minu ndig Yerusalem e, nipou ne apijet noro tini bu ne ayai nillei ba, aba angon di nggan-triot bipai doia. Lewo amunggwom bat nya imang bibor dor njiriek sop di nijjep kes ei bi nimunggwom bat nya imangti.

YEREMIA 30:19

Timiei minu ndig Yerusalem nya miba doia bikon dinyenga. Yoni iba ingon di kei bimbos-hi-mbos cem. Dibindei ba, ngkiai nya ibou cut biyok. Ighyet kinei sut yok bu bi. Ditde limwa nya imangti mikum eisi kikau.

YEREMIA 31:13

Mpe dima lene sop gwam nitta pilei nya miba ingon di llei bibor bipri-pri nyen ba, pinai pilei nya kin andigpoi nya ingon nggei-hi-nggei. Midipai-hi-pai yokti lene midiba ningon di kei bibor biluei ide ningon di ngguk biborti ba, midiba ningon nggei-hi-nggeisi biluei ide ningon buhun.

YEREMIA 33:11

Noro nihyet niyai nilleisi kin ningon di nggei-hi-nggeisi kin nihyet nibon pesta niwak yamti mitibim hanyen kwei leu mpia dini yo. Doia di tibim leu yo di ibon midut nibipai sigyo ei Ditde Ig yuhui him cem mitibim yo. Yoni mipai, “Ma jipai sigyo bak tuhan Di Sindem Bibor lewo Noni singat kei ba, ningon ngakeisi jo ninno bijo mimpui.” Midibindei ba, nibong kei nigwam keisi kieng kep minu dini noyam kin gi nipou pima. Da di tuhan disimbot dat tu.”

YOEL 2:23

Je di timiei minu ndig Sion e, ma jiyai nillei bijingon kei bibor kei lewo tuhan di nok jide Allah njei mun di kei nindig bibor bak jeni. Noni bindei ba, mpia but nok gi dem mem bed di biang mpia ngei ba, biget mbras kwei mem bed di biang hou kin es ba, biget but mem bed di biang mpia kwes hanyenti bit leu nok gi Noni kos tut mem je habiei ei nimbie him.

MIKHA 4:8

He minu ndig Yerusalem e, anok gumihyep gom di Allah ya ser Nide limwa nya eisi dem kep nok gembala di ya ser nide domba nya. Na di minu ndig Yerusalem e, mporo anok minu ndig pmem mem jinyeng bitak kep jide limwa nya hanyen noyam kin gi nipou yo.

MATIUS 21:9

Tungwatu ningot ndig bihi ibie lene bihi igya abia kep Noni leu api ighyet kui yam bipai “Jikwei ba, inggei sut Daud Nipmot o! Allah e, anjei mun di kei bak No di kwei sut Tuhan de nisindemti o! Jikwei ba, yahagom inggei sut Allah di ningat rin ei ginyo kug o!”