ZEFANYA 3:13 - ALLAH NIHYET MEM TUNGWATU NYA

¹³ Mben Israel di niken-ken di ingwes ngun migyai mun tunggwei sut yam bisuglai ba, inok niris mun cig bu bi. Yo dima ingon jo nyahan bibong kei igwam kei lene ittin tut tungwatu nya bu bi.”

ZEFANYA 3:13 ပူးပေါင်းရင်းမြစ်များ

NIBOHON MBEN ISRAEL GI NICAN 20:30

Gima rino Yosafat ninyeng tak kep mem nijam di mpia mbum-bra dima. tuhan bindei ba, timiei Yehuda nya ibong kei igwam kei bidem minu di Yosafat ninyeng tak kep nisurti-nipekti hagom.

AYUB 11:19

Mpe dima lene adigit tut ade nitok joti nya bi. Imang bibor miyahara na leu binhyepo ampu yok.

MAZMUR 119:3

Yo di ibon mun di kinei bi di idimig ide niyaijoti ba, ibibit tuhan ningon kanti nya ingon nggei-hi-nggei.

MAZMUR 120:2

tuhan e, ateu da bidingwes ngun leu niris mun cig nya kin nisuglai cig nya inda nsi.

MAZMUR 120:3

Niris mun cig e, notou Allah mibibon na i? Noni miba mindei bikes hukum ei na dip i?

MAZMUR 23:2

Noni jem da ug ei abris nghousi di nnum kei bidibong kep dinghuisi. Noni jem da ug ei ugyou di niyaisi nddong kei bididut minyei kep dinggobiausi.

YESAYA 17:2

Tungwatu nya mikes minu ndig ngot di jo ei minu Siria ei ba, mibong ser bi bijo ninno-bijo kikau. Minu dima minok mpia di mem nimpung mindhe-ndhe nimuhup tu nya igya niti. Lene hi di mijji yok leu mpia dima bi.

YESAYA 35:8

Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.

YESAYA 54:14

Midiwin ade minu ei tig nikiou di ninyeng rino ningon sren-srausi dip ba, mun di cut igkep je kin yo di ico kep je mibong ei minu ting bibor.

YESAYA 6:13

Mbro nok gino tungwagom leu ibou simnai bong ser nide ig bimbut bi lo, noni cem mitug midut. Noro noni minok asar ninjem di iwim lo, ningwam jo nijoti. Ningwam dima ndo tut nijam di nidipti bu tirigi Ditde limwa di igyaisi jo nya minok nitriti mem Ditde limwa di ingon kwes hanyen bu.”

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YESAYA 63:8

tuhan pai “Jit, yo dini ne Ditde limwa nya ba, munggwom di ibindei di dingon pus tut yok bi ri.” Gima rino Noni teu yok bingwes ngun,

YESAYA 65:10

Yoni mikuk yok biDa ba, domba di ide nya kin sapi di ide nya migya kep minta nghousi bitat ei Briep Bou Him Saron kin Mbang Briep Akhor.

YEREMIA 23:4

Midita nibou di inyeng tak kep yok binyohou yok. Mpe dima lene ittin ba, idigit cem bu bi. Hi di mipror leu yok cem bi. Da di tuhan disimbot dat tu.”

YEREMIA 30:10

Ditde limwa mben Israel e, ma jingon ttin bibor au! Ditde awak di intun Yakub him e, ma jidigit-digoi tut au. Miditeu jeni kin yo di intun jeni him nya bijingwes ngun leu jingkiaisi di ting bibor di jisima eisi. Jingkwei hanyen bijibong kei jigwam kei ei jitimieisi hanyen leu api mun nyeng hi bindei ba, jittin tut bi.

YEREMIA 31:33

Noro tini bu ne dipreu ei mem mben Israel nok gini. Dipwoi Ditde niggai serti nya ei ibou ngwakti bidipas kep dicukti nya ei ingonti. Dinok ide Allah lene yoni inok Ditde limwa nya.

YEHEZKIEL 39:26

Tirigi ibong kei igwam kei ei ide minu hanyen lene hi di hwen bit yok bu bi. Lene yoni mibbwe ser gi itug ndei nimmai drek dip ide naham nimbuk kep Dati.

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

YOEL 3:21

Noro midibirop hanyen bak yo di igyai nimai bak timiei minu Yehuda. Midisindui sut yo di ingon mui nya bingwes ngun bi. Midigwam ei nungug Sion bijo ninno bijo kikau.”

IMAM NYA IDE MIDYAI 26:6

Midibindei ba, mpia nimbu-brati mikieng kep jide minu dima apino mijibong mai lene jittin tut jide siceu nya hi bi. Midicok tut mindhe-ndhe di niten-pos nya leu minu dima ba, nikon pranti mikieng kep jide minu bu bi cem.

MIKHA 4:4

Tungwatu nya yahagom mibong kei migwam kei ei ide ba anggur kin biei ara nghousi nya ba, yahagom ingon kwes kin yam. Mpe dima lene tungwatu nya ingwes mien tut yam bu bi sren. tuhan Di Sindem Bibor preu ei nok gima mem yo dima yahagom.

MIKHA 4:7

Yo dima imig lit bibong ting leu itimieisi noro midibindei ba, gi hi di ingkwei hanyen inok pung di intun yam him di nijep bu. Yoni midigek kep mpia nok mben di nindig bibor bisindem bibor cem. Hon kep njap dima kui midigwam ei Nungug Sion ba, dinyeng tak kep yok bijo ninno bijo kikau.”

MIKHA 7:14

tuhan e, ma anyohou Ade limwa di adimig ei su nya. Ibong biyongkom ei mpia nintiti lo, dihyei di nnum kei jo ttai yok. Ma asindui sut ba, igyem kep njita ei abris nghousi di nnum kei ei hanjop Basyan kin Gilead cem bit leu nok igyai kepti di nipou su nya.

ZEFANYA 2:7

Timiei minu Yehuda di ingwes ngun nya migyai jide minu dima bigyati. Yoni inyohou mindhe-ndhe nimuhup tu di ide nya ei mpia dima bijem mindhe-ndhe nimuhup tu di ide nya leu api icoi ug ei ig di mben Askelon ide nya mem mmun bibong niti. Lewo ide tuhan Allah minyohou yok bibindei ba, ibong kei igwam kei hanyen bu.

ZEFANYA 3:5

Noro tuhan ningat rin ei minu ndig dima yo. Noni bon kep mun di kei kikau lene bon mun di tunggwei bi sren. Noni ne nikei di ba nisren-srausi bikos tut mun di kei bak Nide limwa nya bikwop njap tekti ri. Mbro nok gima lo, yo di ingon sren bi nya ei minu ndig dima ibon kep mun di kinei bijo kikau leu api immai sut yonti drek dip bi.

ZAKHARIA 8:12

Yoni miba ingon di jo nyahan bigimahap ningan ei miaisi. Ide ba anggur nya mingat ningat ba, ningat di kei mintun dihyei njek dip mem yok. Dibindei ba, biget but bibor mem yok. Midinjei mun di kei dima yok hagom bak Ditde limwa di ingwes ngun nya.

ZAKHARIA 8:16

Gini ne nicukti di suar jiyai kep nya ri. Gino jimbrap bit yam lene ma jipai mun di igbit biyam. Ma nikei nikos tutti nya hagom sren kei ba, biyai nibong kei nigwam kei.

ZAKHARIA 8:3

Midingkwei hanyen ug ei Ditde minu ndig Yerusalem di kwes kei bidibong ser. Tungwatu nya mikan tut bipia timiei minu ndig Yerusalem nya ingon gom tut Da ba, ijem tuhan Di Sindem Bibor de nungug ninyeng Nungug Di Kwes Kei.

MATIUS 13:41

Munggwom Tungwatu Nipmot micuk Nide malaikat nya leu binhyepo yuug mbus yo di ibindei dino hiter cut ei sisarti kin yo di isibut bibor nindigsi nya yahagom kwei leu Allah Ninyeng Tak Kepti.

YOHANES 1:47

Yesus ngat Natanael di kwei ndam Noni lene pai sut noni “Jingat i! No dini ne mben Israel ningat-ngat rin ba, niris mun bak tungwatu nya jo ei Noniti bi.”

KOLOSE 3:9

Ma jiris ei yamti bu au. Lewo jikes jiyaijo nitimiei bitut jiyai munti di nitimiei nya hagom ei su.

PETRUS GI NIGOM 3:14

Gino jiyai ninghuisi wei drek dip jiyai munti di kei nya ne ningon nggei-hi-nggei mintun him! Ma jingon digit tut tungwatu nya lene ma jingon bos-bos nyen au.

YOHANES GI NIGOM 5:18

Ingon dorti tut bipia Allah nimunggwom bat nya ibon kep sisar bi lewo Allah Nipmot nyohou yok ba, bit bon No Di Ba Nitok Bak Allah ngget yok kan bi.

NINGAT-HI-NGAT NYA 14:5

Yo dini iris mun bi sren ba, ingon kwes-kwau.

NINGAT-HI-NGAT NYA 21:27

Noro mun di map kuisi kin yo di irom ndok nya kin yo di ibicum nya icoi ug ei minu ndig dima bi sren. Yo di inyeng jo ei Domba Pmot De Srat Yo Di Igyaijo Nyati he rimicoi a.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”