ZEFANYA 3:10 - ALLAH NIHYET MEM TUNGWATU NYA

¹⁰ Ditde limwa di intek gimahap mingkwei hanyen leu minu Sudan di ting kwei ba, ibon midut nindig mindhe-ndhe ei nimbar hum dokti bibikuk yok biDa.

ZEFANYA 3:10 ပူးပေါင်းရင်းမြစ်များ

MAZMUR 68:31

Akon ahyet kep mindhe di ten bibor di ya ei lipig ngohousi ei minu Mesir. Akon ahyet kep ngkiai nya di inok nimpung sapi banteng bitut imunggwom bat nya bibou yahagom ikuk yok bikwas ide perak tut Na. Allah e, abindei ntek gimahap ngkiai nya di ikon kep pran kikau nya.

YESAYA 11:11

Ei mpe dima lene tuhan miba Nide nisindemti bibuwak Nide limwa niken-ken nya di ibong ei minu Asyur kin minu Mesir kin minu Patros kin minu Sudan kin minu Elam kin minu Babel kin minu Hamat kin mios nya di ting ba, yahagom ikwei hanyen bu.

YESAYA 11:12

Noni mibindei kui kendera gom di nok mun di bindo tut gi Noni mibuwak mben Israel kin timiei Yehuda nya di intek gimahap di igya bidem dihyei nisurti-nipekti di ingkwei ba, iba yok bicom yam hanyen ri.

YESAYA 18:1

Mindhe ninyehei nibimbiti mitibim kwei leu minu gom ei minyei Sudan nya ite dima ug.

YESAYA 18:7

Njap ngon bou mitau ne yo di isindem di inyeng jei pima cem timiei di intig bou jei di ingkek pap-nap kei di tungwatu dihyeisi dini hagom ittin tut yok nya pima cem mibon midut nikwas mun tut tuhan Di Ninyeng Jei Bibor. Yoni mijo leu ide minu di bon minyei ninda-nda di biam pima leu api ikwei ei Nungug Sion ei gumihyep di tungwatu nya ikuk yok bak tuhan Di Ninyeng Jei Bibor eisi.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

YOHANES 7:35

Lene nibou mben Yahudi nya ihig yam ser “Noni tin ei mem gima mbut ug ei siritou apino ingat Noni bu bi i? Mpaba Noni muug bong bit mben Yahudi di ibong ei mben Yunani ikieti bingginau mben Yunani ei itimieisi e?

KISAH 24:17

Niabiati diya bidem minu di ting mem ari bingwam poi leu su lene dingkwei hanyen kwei ei minu ndig Yerusalem bidipwoi mitiei di bahati tut disut bat mben Yahudi. Mpe dima lene dibindei ba, imam nya ibon midut nibui mindhe bak Allahti gau da.

KISAH 8:27

Gima rino Filipus mbut hak ug. Nok rino noni um mben Etiopia gom di ninyeng jei di ngkwei hanyen ug ei nitimieisi. No dini ne no di nibou kintror di ninyeng jei di ninyeng tak kep mitiei hagom di jo bak nibou ndig sop Kandake ei minu Etiopia ri. Noni ug kuk no bak Allah ei minu ndig Yerusalem,

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

PETRUS GI NIGOM 1:1

Srat dini leu da di Petrus di diya kui Yesus Kristus. Srat dini mem Allah de limwa nya di intek gimahap bibong bidem ingkiaisi ei hanjop Pontus kin Galatia kin Kapadokia kin Asia kin Bitinia.