ZEFANYA 2:7 - ALLAH NIHYET MEM TUNGWATU NYA

⁷ Timiei minu Yehuda di ingwes ngun nya migyai jide minu dima bigyati. Yoni inyohou mindhe-ndhe nimuhup tu di ide nya ei mpia dima bijem mindhe-ndhe nimuhup tu di ide nya leu api icoi ug ei ig di mben Askelon ide nya mem mmun bibong niti. Lewo ide tuhan Allah minyohou yok bibindei ba, ibong kei igwam kei hanyen bu.

ZEFANYA 2:7 ပူးပေါင်းရင်းမြစ်များ

NITRITI 50:24

Lene noni pai bak nikindig bat nya kin nikinjoi “Son dideu diyaijo ningwig honti tu. Noro dikan tut mungkun bipia Allah minyohou je bibuwak je leu minu dini bibie tut je hanyen ug ei minu di Noni ba neheng bipreu ei bit Abraham kin Ishak kin Yakub tu.”

MAZMUR 80:14

Niaihim nya item dihyei tut binok timbukti ba, mindhe-ndhe bigbehei nya igyem njita dima bingwig su.

MAZMUR 85:1

Doia Korah ninsi de mem no di bie tut doia nimpung.

NEHEI LEUSI 4:31

Apino yahagom iba ingon com Musa Harun nya ighyet. Tirigi imiap tut bipia tuhan yok ngon kep mben Israel bingat mun di buhun tak yok hagom bou niyai him lene ikuk yok binggei sut Noni.

YESAYA 11:11

Ei mpe dima lene tuhan miba Nide nisindemti bibuwak Nide limwa niken-ken nya di ibong ei minu Asyur kin minu Mesir kin minu Patros kin minu Sudan kin minu Elam kin minu Babel kin minu Hamat kin mios nya di ting ba, yahagom ikwei hanyen bu.

YESAYA 11:14

Yahacem minjei siceu ndam mben Filistin di ibong nite bei mpia nicutti ba, ihwen bipos mben di ibong bei mpia nipriti nya ide ndigban cem. Yoni mibindei timek mben Edom kin mben Moab ba, mben Amon ibou micut biyoni.

YESAYA 11:16

Puig ndig di noyam kin puig di mben Israel ikak mpe di po yehei leu minu Mesir pima miningat rin mem tuhan De limwa di niken-ken nya di yehei kwei leu minu Asyur yo.

YESAYA 14:1

tuhan mingondut Nide limwa di mben Israel bidimig yok ei ba, inok Nide nya bu leu api mikes yok ei itimieisi hanyen ba, ngkiai nya mikwei bibicom yam bit yoni hanyen.

YESAYA 32:14

Nibou ndig de ig di kei bibor kin jide minu nibousi po nipou ne igyai nillei eisi pima minok ha ngunti bu lewo tungwatu nya ikes hagom ei binang leu su. Jide siceu nya midime jide nungug tou nya kin jide ig hagom ba, sur yam kei bijo ninno bijo kikau. Leu api keledai bigbehei nya miya-ya nyen kep ba, domba nya miyem kep abris bou cem ei sirima.

YEREMIA 23:3

Midinduk Ditde limwa nindigsi nya kwei leu ingkiaisi di dicom yok eisi leu api ibong ser itimieisi hanyen ba, idigek kep mpia.

YEREMIA 29:10

tuhan pai “Tirigi nijam ari bingwam ningot muhwindacan dem mem minu Babel tu lene midingig diyai kep je hanyen bu. Ba, midiyai mun bipek kep Ditde nipreu ei mem jeti bidibuwak je hanyen kwei ei jitimieisi dini.

YEREMIA 29:14

Igbit ri. Jikwei um Da leu api midibuwak je hanyen kwei ei jitimieisi. Midinduk je kwei leu bikwop ngkiai nya ikieti kin minu di dibindei ntek gimahap je bidicom je eisi. Lene dipindi je bijinok nitungwatu hanyen bu. Da di tuhan disimbot dat tu.”

YEREMIA 3:18

Mben Israel mibicom yam bit timiei Yehuda nya ba, yahagom ingkwei hanyen leu ingkiaisi di jo nite bei mpia nijjai kwei. Yoni mingkwei hanyen kwei ei minu di diyai bak jidigup bat-jidigai bat nya nok dihyei ninda rom tu.”

YEREMIA 30:3

lewo tto bou dem leu api midingkwei Ditde limwa mben Israel kin Yehuda hanyen ei ide nibong kei nigwam keiti nok gi nipou bu. Midibuwak yok kwei bidikes yok ei minu di diyai bak idigup bat-idigai bat nya hanyen leu api yoni igyai bigyati hanyen nok ide dihyei ninda rom. Da di tuhan disimbot dat tu.”

YEREMIA 31:7

tuhan pai “Ma jiba doia bikiek Ditde limwa mben Israel lewo inyeng jei bibor njiriek ngkiai nya yahagom. Ma jiba doia binggei sut tuhan bijitri tut bipia Noni teu Nide limwa nindigsi nya bingwes ngun tu.

YEREMIA 32:44

Yoni migyok inda ceti ei srat nipek dihyeiti bitak buk kep cem ba, yo di ingat gima bou igyai him mibindei sindem srat nipek dihyeisi dima. Mun dima mipek kep ei keret Benyamin ide hanjop nsi kin minu mien di jo ttai minu ndig Yerusalem nya kin minu ndig ngot di jo ei minu Yehuda kin minu ndig ngot di jo ei nungug him nya kin minu ndig dijo nungug nimig nya kin minu Yehuda nibiho cem. Midingkwei yok ba, ibong kei igwam kei hanyen bu ei idihyei dini. Da di tuhan disimbot dat tu.”

YEREMIA 33:12

tuhan Di Sindem Bibor pai “Mbro nok gino minu Israel kin minu ndig ngot di tungwatu nya kin mindhe-ndhe nya ibong ser bu bi dini noyam kin iggum ndigsi lo, ei njap nidipti bu lene miwer minta nidumti mem tungwatu nya ighyen kep domba nya eisi.

YEREMIA 33:7

Midibindei timiei Yehuda nya kin mben Israel ba, iwer yok mipbor ngat nok gi nipou pima bu. Yoni mikiju bigya nok Ditde limwa nya hanyen bu.

YEREMIA 47:5

Ningon ngguk biborti cut igkep timiei Gaza nya. Timiei Askelon nya igwam bibbwe ei yamti. Mben Filistin di niken-ken nya ingon ngguk kikau bipek apig bu i?

YEHEZKIEL 39:25

tuhan Di Ninyeng Jei Bibor pai “Noro tini bu ne midingondut Ditde limwa Israel di intun Yakub him. Midibindei ba, mun di isuar nya hagom midem mem yok. Dinyohou dinyeng tug hon nisinati dima leu binhyepo ikon dinyeng kikau.

HOSEA 6:11

Je di mben Yehuda e, dikos tut njap gom tirigi dikes hukum ei jeni dip cem drek dip jibon munti nya.”

OBAJA 1:19

Timiei minu Yehuda di ibong ei nite bei mpia nibiho migyai Edom bigyati. Timiei nya di ibong ei nungug him ei nite bei mpia nicutti mibindei timek minu Filistin. Keret Benyamin migyai hanjop Gilead bigyati. Ditde limwa di mben Israel minyeng tak kep hanjop Efraim kin minu Samaria titut yam.

MIKHA 2:12

tuhan pai bu “Je di mben Israel niken ndi jijo e, dipreu ei mem je bipia midimbus je hanyen kwei leu api jibicom yam nok gom noyam kin domba nya di ingkwei ei sar nsi hanyen. Jidigek kep mpia ei jitimieisi hanyen noyam kin abris nghousi di mpung tut domba nya.

MIKHA 4:10

Je di timiei minu ndig Yerusalem e, ma jipu jinghim ba, juun noyam kin sop di ninghim dut tut munggwom lewo jei bi lene suar jikes jitimieisi ei bijibong bas hek mpia leu api jide siceu nya mikri je ug ei minu ndig Babel. Noro tirigi jibong ei minu dima ne tuhan miteu je bijingwes ngun leu jide siceu nya inda nsi.

MIKHA 4:7

Yo dima imig lit bibong ting leu itimieisi noro midibindei ba, gi hi di ingkwei hanyen inok pung di intun yam him di nijep bu. Yoni midigek kep mpia nok mben di nindig bibor bisindem bibor cem. Hon kep njap dima kui midigwam ei Nungug Sion ba, dinyeng tak kep yok bijo ninno bijo kikau.”

ZEFANYA 2:9

Da di tuhan diyaijo ba, dinyohou minu Israel de limwa nya. Gima rino midicok tut mben Moab kin Amon nya nipwoi leu ide minu noyam kin gi dicok tut minu ndig Sodom kin Gomora nya. Minu dima yok mimpung tut jui nsim bousi kin mpia ninggek sinsiousi di war nggig-nggwen com niti he nya. Ditde limwa niken-ken di ingwes ngun nya micut igkep timiei minu dima bipos ndigban leu yok bigyai dihyei di ide nya bigyati.”

ZEFANYA 3:13

Mben Israel di niken-ken di ingwes ngun migyai mun tunggwei sut yam bisuglai ba, inok niris mun cig bu bi. Yo dima ingon jo nyahan bibong kei igwam kei lene ittin tut tungwatu nya bu bi.”

ZEFANYA 3:20

Tto bou mem gima dibuwak jide limwa di intek gimahap nya bingkwei hanyen ei ide ig dideu su. Dibindei ba, jinyeng di jei tibim bidem dihyei nisurti-nipekti. Midipindi je leu api jibong kei jigwam kei hanyen bu. tuhan simbot dat tu.

HAGAI 1:12

Leu api Zerubabel kin Yosua igya tut ide limwa di mben Israel yahagom di ingkwei hanyen leu ingkiaisi ei Babel ibit Hagai di tuhan pinak kwei ndam yok tut nihyet di pai nya. Igyai mun ba, ibibit tuhan nicuk yokti nya lewo ittin tut Noni.

HAGAI 2:2

Noni cuk Hagai buug mbrap bit Nibou Zerubabel kin Imam Nibou Nindig Yosua kin ide limwa nya mem gima tri tut Nide nisokti bipai biyok,

LUKAS 1:68

“Jikwei ba, inggei sut mben Israel ide Tuhan. Lewo Noni kwei mpu Nide limwa nya ba, kwek yok leu mun di kat yok.

LUKAS 7:16

Tungwatu ningot ndig dima yahagom inghuisi mpig sut binggei sut Allah bipai “Nabi di ninyeng jei bibor kiju ei nyeni ikieti tu! Allah kwei leu binhyepo mpu Nide limwa nya bikwek yok leu mun di kat yok!”

KISAH 8:26

Lo bi lene Tuhan de malaikati gom pai bak Filipus “Akiju! Aug ei bei mpia nibiho ba, akak puig di jo leu minu ndig Yerusalem bibie ug ei minu ndig Gaza ei iggum ndigsi.”

KISAH 8:40

Lene Filipus ngat lo, noni kwei krau minu ndig Asdod kros. Ba, noni tri tut Nihyet Di Kei bidem minu ndig nya hagom kak puig sinon kikau buug krau minu ndig Kaisaria kep.

ROMA 11:5

Tini bu ne nok gima cem. Yo di Allah dimig ei su nya nimangti ibou poi yo rinaha lewo Noni singat tut yok.

SRAT RUT 1:6

Mpe hi bu tirigi Naomi bong ningkiaisi ei minu Moab lene noni miap tut mben Israel inghapti bipia tuhan ngondut yok bibindei ba, ide njita ei beisi yai ningat nindig bibor hanyen bu. Gima rino noni kin nignyot bat cin itin ei mem ingkwei hanyen leu minu Moab.