ZEFANYA 2:3 - ALLAH NIHYET MEM TUNGWATU NYA

³ Je di jingon nggriu kin je di jice tut bijibit tuhan nicukti nya ei minu dini jahagom e, ma jingkwei hanyen ndam tuhan. Ma jiyai jibou tut bijibibit tuhan ningon kanti ba, joom jenti ei Noho bei. Tou rikan tut pia hi rima ingwes ngun leu hukum mem njap dino tuhan ndo Nide niggati ei nibreisi i?

ZEFANYA 2:3 ပူးပေါင်းရင်းမြစ်များ

MAZMUR 76:9

Abindei hei Ade nikos tutti leu gwamti leu api tungwatu dihyeisi dini ittin ba, ikimut yuhui.

MAZMUR 22:26

Midinggei sut Na di Allah ei Ade limwa nya yahagom yoho bei tut Ade midyai nya hagom. Midibon midut nindig mindhe kep humti ei yo di ikuk yok biNa yoho bei bit leu nok dipreu ei mem Nani tu.

YUNUS 3:9

Mpaba Allah miluei ningonti bikes hon ba, ningon sibui sut nye bu bi apino isar bi.”

MAZMUR 105:4

Jahara Noni apino Noni misindem tut je. Ma jikuk je biNoni bijo ninno bijo kikau.

HOSEA 10:12

Dipai ‘Mben Israel e, ma jiyai miai nijep mem jenti lene ma jindim ningan ningon srenti eisi. Ma jipuk ningat di kei di ntun him jide ningon di ngakei Dati di nijit a. Lewo njap dem mem gima jingkwei hanyen ndam Da di jide tuhan tu. Leu api midikwei bidinjei Ditde mun di kei bije.’

YEREMIA 39:18

igyai nimai bina bi. Miditeu nani ba, angwes ngun leu inda nsi. Angwes ngun bitut ayaisi cem lewo aba angon com Da. Da di tuhan disimbot dat tu.”

NIPINGOK NINGONTI 18:10

tuhan dem kep nok ig di bon ninggre di jo-jo yam dip di inang coi. Yo di ingon sren nya igwam coi ig dima bingwes ngun leu ide siceu nya indati.

MAZMUR 57:1

Doia Daud mem no di bie tut doia nimpung ba, ibrim leu doia Asindui Sut Hi Bindei Timek Dani Au. Daud ba doia dini bikiek mpe dino noni nang bicoi ug ei hak mihyeti boom no leu Saul.

PETRUS GI NICAN 3:18

Ma jibikum ei gi jimahanti tug hon ide Tuhan Yesus Kristus di teu nye leu sisar biyai niyaijo nijep binye nisingat tut nyeti. Ma jingon dorti tut Noni dor njiriek bu. Jikwei ba, inggei sut Noni bikon ninyeng mem nijam dini kin nijam di jo ninno bijo kikau! Igbit ri. Nipigo leu dani, Petrus

YEREMIA 45:5

Nggon rima ajoi sut gi dibibon na ter leu gi dibibon nindigsi nya i? Barukh e, ma ajoi sut nok gima au! Midiba mun di buhun bihwen tungwatu dihyeisi dini hagom. Noro tut nani ne mporo angwes ngun ri. Mbro nok gino ambut ug ei hantou-hantou lo, ayai mijo yo. Da di tuhan disimbot dat tu.”

MAZMUR 91:1

No di bisau ndam Allah Di Ninyeng Jei Bibor di miya srak ko hagau noni kin no di ya coi Allah Di Sindem Bibor,

PETRUS GI NIGOM 3:4

Noro ma jiba mun di ntun jingon him bimau jenti. Gima ne jingon di jo nyahan kin jiyai mun mmuti nya di bon ninyeng ei Allah niyai him ri.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

TESALONIKA GI NIGOM 4:1

Disut bat jen, ningat ne nindo bindo di kei bije tut notou jide niyaijoti bindei ba, Allah joi sut je. Jo nibreisi bipia jiyaijo nok gima tu. Nogindini nitigtai je binipingok jingonti tug hon nisindemti di kwei leu Tuhan Yesus leu binhyepo jibikum nut bu.

MATIUS 5:5

Bikwop yo di iba ibou coi mem yam nya ingon nggei-hi-nggei lewo yoni migyai mun di Allah preu ei mem yok!

MAZMUR 31:20

Ade nisingat tut tungwatuti di atin ei mem yo di ittin tut Nani dima nindig bibor! Tungwatu nya yahagom ingat Ade nisingat tut yo di igya coi Na.

YESAYA 11:4

Noni migwam nok nikei di ningon sren-srau mem yo di yuhui mbum nya bimbrap gau yo di isindem bi nya. Noni mibindei ba, yo di ibon mun di tunggwei mitug ndei hukum tug hon nide nicukti ba, yo di imbuk bibor nya mitug ndei nimai.

HOSEA 7:10

Mben Israel ide ningon jeisi jo nibreisi hak bibindo tut ide nitunggweisi nya. Mbro nok gino mun dima yok hagom pek kep mem yok tu lo, iginggok Da ba, ingkwei hanyen ndam Da di ide tuhan Allah cem bi.

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

MAZMUR 149:4

tuhan joi sut Nide limwa nya. Noni bindei ba, yo di iba ibou coi mem Noni ibindei timek ide siceu nya.

NEHEI LEUSI 12:27

lene jibuhup bipia nibon midut dima ne mun di ibui kep Njap Ndig Paskah rin ba, ibinggei sut tuhan. Lewo Noni njiriek mben Israel ide ig ei minu Mesir tirigi po Noni yai nimai bak mben Mesir pima leu api nyeni ingwes ngun.” Lene mben Israel pima yok yahagom ikuk yok ba, inggei sut tuhan.

TESALONIKA GI NIGOM 4:10

Ningat ne jingon ngakei jisut bat yo di ingon jo kep nya bidem hanjop Makedonia nisurti-nipekti tu. Gima rino nitigtai je leu binhyepo jikum ei jide niyaijoti di kei biborti dor njiriek bu.

ZAKHARIA 8:19

“Midut niyem njita bi mem nituti poi di jibon mem bed nibitai kin nimuhwi kin nimuhwindacan kin nisimnai ne midut di mpung tut ningon nggei-hi-nggeisi kin ningon keisi mem timiei minu Yehuda nya ri. Noro ma jibungwam ndam nitti kin ningon kwes kin yamti!”

SAMUEL GI NICAN 12:22

Lene Daud buhup “Igbit ri. Tirigi niyaisi jo lene diyem njita bi bidipim kui jei sut. Nok lewo dikan bigya tuhan mingondut da bibindei ba, dipmot mikei hanyen.

MAZMUR 45:4

Nibou ndig di sindem bibor e, akri ade singau simeda kin antig bou a. Nani akei-kau-kei ba, ade nipigati piga kei!

YESAYA 1:17

Ma jita jibou ei gi jibon mun di igbitti. Ma jibrim jingkek mem ningon sren-srausi leu api jiciu ser gi tungwatu nya imbuk tut yam. Ma jibindei ba, tungwatu nya ibibon moibihi nya nok igbit. Ma jimbrap gau kibom nya ei nikei noho bei.”

YEHEZKIEL 13:5

Igya ser mpia di ngug tig tti leusi nya ba, igikinding ngug tig nikineisi dima yok bi. Gima rino ei njap di Da di tuhan dibindei ba, pran di biang hukum di dikes ei yok dip dima cut kwei lene yoni mingkiem ser Israel kan bi.