ZEFANYA 1:5 - ALLAH NIHYET MEM TUNGWATU NYA

⁵ Midicok tut yo di ikui ug ei ig bou ninjek dip leu binhyepo ikuk yok bak mpia yaisi kin bed mmun kin ham mpia-bbed him nya yahagom poi hak. Midicok tut yo di ikuk yok biDa di iba neheng pai bipia ingon gom tut Da lo, yeheng bitug hon kwar Milkom ninyeng dima hak ug.

ZEFANYA 1:5 ပူးပေါင်းရင်းမြစ်များ

NIBOU NDIG NYA GI NIGOM 11:33

Dibirop bak Salomo drek dip gi kou sut Da leu di ug kuk no bak kwar nya. Kwar di ug kuk no bak tu dima yok rino Asytoret di mben Sidon ide kwar kin Kamos di mben Moab ide kwar kin Milkom di mben Amon ide kwar a. Noni bit dihyet kin Ditde nikos tutti nya kin dicuk noti nya bit leu nok nicig Daud niyai kepti nya bi.

NIBOU NDIG NYA GI NIGOM 11:5

Noni kuk no bak Asytoret di kwar sop di mben Sidon ide kin mben Amon ide kwar Molokh di bindei ba, nide limwa nya ingon him muwei sut cem.

NIBOU NDIG NYA GI NIGOM 18:21

Lene Elia ya ei tungwatu pima yok yahagom yoho bei bipai biyok “Jikrau kep jingon canti kikau mem nijam pig bu i? Gino tuhan ne Allah nijit rin lene ma jikuk je bak! Gino Baal ne allah nijit rin lene ma jikuk je bak!” Noro tungwatu pima yok ibuhup bi.

NIBOU NDIG NYA GI NICAN 17:32

Ngkiai dima yok ikuk yok bak kwar nya leu api ibikuk yok bak tuhan cem. Yoni idimig tungwatu hi gom hi gom leu ikieti ei mem gima igyai midyai nok imam. Nok gima cem ibui mindhe-ndhe bindig bak ide kwar nya gom-gom ei ig di kwar ide nyati.

NIBOU NDIG NYA GI NICAN 17:33

Ba, ikuk yok bak tuhan noro ikuk yok bak yonti ide kwar di ibon bou inda him bit leu nok igyai kepti nya di jo habiei kwei leu itimiesi di ikwei leusi nya.

NIBOU NDIG NYA GI NICAN 17:41

Ikuk yok bak tuhan ba, ikuk yok bak ide kwar nya cem. Lene yo di intun yok him nya cem igyai bram niyai kepti dima kikau kwei bipek ammani kep.

NIBOU NDIG NYA GI NICAN 23:12

Noni bindei ba, tungwatu nya inggek nimbar hum dok nya di nibou ndig timiei Yehuda nya di nipou nya ibon ei nibou ndig Ahas de ig bou ninjek dip kin nimbar hum dok di Nibou Ndig Manasye bon ei mpia di jo bas hak ei tuhan De Ig hacem. Noni bindei ba, idram nimbar hum dok dini yok binnir-wap leu api icom hagom ug ei Mbang Briep Kidron.

YESAYA 22:1

Gini ne nisok nihyetti tut Mbang Briep Ningat-hi-ngat ri. Timiei minu ndig Yerusalem e, nggon rino jahagom jikui ug ei ig ninjek dip i?

YESAYA 44:5

Ngkiai nya gom-gom sindam mipai jit bipia dikuk da bak tuhan. Yoni miba yok bikum yo di intun Yakub him. Bikwop yo dini yahagom miwim tuhan ninyeng ei inda pang bipai sut yonti bipia yoni ne tuhan de limwa nya ri.”

YESAYA 45:23

Dipreu ei mem tungwatu nya lene bit bon diluei dingonti tut kan bi. Dipai tug hon neheng kin dinyeng cem tungwatu dihyeisi dini hagom miba ibiau bicom mpia ei dimig him ba, iba yonti ighyet bipreu ei mem Da bipia yahagom ingon gom tut Da.

YESAYA 48:1

Je di jintun Yakub him e, ma jingig jitingou mem dihyet. Je di jintun keret Yehuda him di jikrau kep ninyeng Israel e, jipai bipia jiba jingon com Da di Allah Israel ba, jeheng bitug hon dinyeng lo, jiba jingon gom bipai jihyet dima yok bi.

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

YEREMIA 19:13

Ig hagom ei minu ndig Yerusalem kin nibou ndig minu Yehuda nya ide ig kin ig di tungwatu nya indig biei nggrai di ui-gwang kei bak ham mpia-bbed him nya eisi ba, ibon midut nisiber ba anggur ningei bak kwar nya cem ei ninjek dip nya apino map kui hagomti noyam kin map kui Tofet.”

YEREMIA 32:29

leu api ibindig minu ndig dini bitut ig ngot di Ditde limwa nya ibibon diggati eisi nya tug hon gi indig biei nggrai di ui-gwang kei bak Baal ba, ikiber ba anggur ngei mem ibikuk yok bak kwar nya ei ig bou njek dip cem.

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

YEREMIA 49:1

tuhan pai sut mben Amon “Nggon rino yo di ikuk yok bak Kwar Milkom igyai dihyei keret Gad di igyati lene ibibongti cem i? Mben Israel bihi ikon pran gau minu dima bi e?

YEREMIA 5:2

Mbro nok gino jipai bipia jikuk je bak tuhan noro jiyai igbit jipaisi dima bi.

YEREMIA 5:7

tuhan pai “Nggon rima dikos ser Ditde limwa nya ide sisar nya i? Iba inghim biDa bikuk yok bak kwar nya tu. Dikwas njita tut yok ba, igyem bindei yok noro ibon sisar nicut tut yamti ba, icem kep sop di ikrar jut nya.

YEREMIA 7:10

Niabiati jibinut kep jibon sisarti dima hagom leu su lene jikwei ya ei Doho bei ei Ditde Ig dini bijipai ‘Nibong kei nigwam kei o!’ Leu api jibisinggre bijibon kep mun dima yok hagom hanyen bu.

YEREMIA 7:9

Jinggimang cem jihwen mun cem jicut tut yam cem jiba neheng om ser mun ei nikei noho bei cem jindig mindhe ei Baal de nimbar hum dokti cem jikuk je bak ngkiai nya ide kwar nya cem.

YEREMIA 8:2

Iket injum dima leu ijui bijo keyam mem gima itig hanyen ei dihyeiti bu bi. Noro iba injum dima yok bimbin mpia ei dihyei ninjek dip nok mumpiang hak. Injum nya mijo sinsiou hak ei mpia njap kin bed mmun kin ham mpia-bbed him nya di yo dima ikuk yok bak di ingon ngakei cem igyai midyai mem cem ikuk yok bak cem yahara bindo puig biyok cem hagom yoho bei.

HOSEA 10:2

Nogindini suar yo di ingon sren bi dima ibiang ide sisar di ibon nya nibuhunti. Allah mibindei timek nimbar hum dok di ide nya binjei cou tig nibiyok ngon kep ide kwar di ikuk yok bak bitti ningwig yon.

HOSEA 4:15

Mbro nok gino je di mben Israel jingon gom tut Da bi lo, diyok dingon mem gima mben Yehuda ibon sisar di noyam ba, ingon mui bi. Ma jikuk je biDa ei minu ndig Gilgal kin Betel au. Ma jeheng bitug hon Da di tuhan di niyaijo dinyeng ei minu ndig dima yok au.

AMOS 5:26

Noro tini bu ne jikuk je bak kwar Sakut di jipai sut bipia ninyeng tak kep je kin jide kwar Kewan dino ham mpia-bbed him di jikuk je bak. Suar jenti jikon kwar di jibon bou jinda him dima,

MATIUS 6:24

“Bit bon tungwagom bon nonti nok awak mem niceu bat nya ibou can kan bi. Lewo miningon mpo tut hi lene miningon gom tut hi. Noni miba nijoi biborti biyai midyai mem hi lene ba ninghen biyai midyai mem hi. Bit bon jinok awak mem Allah kin ndigban di mipror yon cem kan bi.

KISAH 10:9

Njapti kui tirigi yo dima imbut biyuug krau puig sinon dideu minu ndig Yope lene Petrus kui bigwam ei ig bou njek dip hu kwei mem mpia huk pijum leu binhyepo ngat nadi.

ROMA 14:11

Allah Nihyet pai, “Tuhan Nonti preu ei mem nye bipia tungwatu dihyeisi hagom mikuk yonti ei dimig him leu api isimbot dat bipia Dangkom ne Allah ri.”

NINDAT KEP TUHAN NICUKTI NYA 10:20

Ma jiba jibou coi mem tuhan di nok jide Allah bijikuk je bak Noni Nongkom. Ma jingon gom tut Noni ba, jipreu ei kin neheng tug hon Nongkom ninyeng cem.

NINDAT KEP TUHAN NICUKTI NYA 4:19

Nok gima cem ma jisindui sut mun di jingat bou jiyai him ei mpia-bbed him nok mpia njap kin bed mmun kin ham nya biris je bijikuk je biyok au. Lewo tuhan di nok jide Allah sindui sut ngkiai nindigsi nya hagom ei gwam nibehei dini bikuk yok bak mun dima yok.

YOSUA 23:7

Gino jiyai igbit ditde nipingok jeti dima lene mijiket ei mben nya di igya ngkiem ei jikieti pimati bijingat nadi tug hon ide kwar nya inyeng bijeheng bitug hon kwar dima inyeng mijikuk je bak bijinggei sut ide kwar dima yok cem bi.