ZEFANYA 1:3 - ALLAH NIHYET MEM TUNGWATU NYA

³ tungwatu nya kin mindhe-ndhe nya kin ha nya kin wau nya cem hagom. Midicok tut yo di isibut nya yahagom. Midisindui sut ba, hi ningwes ngun biniyaijo bu bi. Da di tuhan disimbot dat tu.

ZEFANYA 1:3 ပူးပေါင်းရင်းမြစ်များ

NITRITI 6:7

Gima rino Noni pai “Siciu ser tungwatu di sipai tes nya bitut mindhe-ndhe nya kin ha nya hagom hak ug lewo singon ngkwei leu gi po sipai tes yok pima.”

YESAYA 27:9

Noro gino mben Israel itam kwar di ikuk yok bak nya ide nimbar hum dok nya bindung-diem lene Noni mikos ser ide sisar. Suar ma ibindei timek ide nimbar di indig biei nggrai di ui-gwang kei eisi nya kin kwar di bindo tut Kwar Sop Asyera hagom ningwig a.

YESAYA 6:11

Dihig ser Noni “tuhan e, ug ei mpe di tou leu api inok gini bu bi i?” Noni buhup “Ug ei mpe di minu ndig nya hagom timek bingwig ba, bon timiei nya hi bu bi ug e. Ug ei mpe di ig hagom ngwak ba, hi bong ser bu bi. Ug ei mpe di ide dihyei ninda rom titut yam minok iggum ndigsi bu ug e.

YESAYA 6:12

Midijji timiei minu ndig nya hagom ug ei ingkiaisi apino ide dihyei ninda rom titut yam minok ha he bong.

YEREMIA 12:4

Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

YEREMIA 50:3

Mben ngkiai nya gom mikwei leu nite bei mpia nijjai binjei siceu kwei bihwen mben Babel lene bindei minu dima biwer iggum ndigsi ri. Tungwatu nya kin mindhe-ndhe nya inang ningwig leu ba, hi dima bong ei minu dima bi.”

YEREMIA 7:20

Gima rino Da di tuhan Di Dinyeng Jei Bibor midisiber Ditde nigga biborti ug ei Ditde Ig dini kin tungwatu nya kin mindhe-ndhe nya kin biei ninjem nya kin njita beisi hagom dip. Ditde nigga biborti nok hum di cig-cai leu api bit bon hi mu kan bi.”

YEREMIA 9:10

Da di Yeremia dipai “Midingon ngguk tut nungug him nya. Diyai nggwei kibor tut beisi nya lewo hagom ngoi-nga ba, tungwatu nya ikriau binjiriek cem tu. Mindhe di ihyen kep nya idungwek eisi bu bi ba, ha nya kin mindhe-ndhe di niten-pos nya hagom inang bingwig leu su.”

YEHEZKIEL 44:12

Yoni ibon midut nikuk no bak kwar nya mem mben Israel tu. Tug hon nisinati dima ne ikri Ditde limwa nya ug ei nibon sisarti. Gima rino Da di tuhan Di Dinyeng Jei Bibor diba neheng bipai bipia suar itug ndei hukum.

YEHEZKIEL 7:19

Yoni micom ide mas kin perak ei puig sinon nok mumpiang. Lewo ei njap di tuhan siber niggati ei yok dip ne bit bon mas kin perak dima teu yok bingwes ngun kan bi. Noro mas kin perak dima bindei ba, icut ei sisarti. Iba mas dima bimpu ingon priti bicut ba, igyem mas kin perak dima kep inggumti kan bi.

HOSEA 14:3

Ma jingkwei hanyen ndam tuhan lene ma jingat nadi “tuhan e, ma akos ser nyende sisar hagom ba, angig atingou mem nyende nadi leu api mininggei sut Na bit leu nok gi nipreu ei mem Na tu.

HOSEA 14:8

Yoni mikwei hanyen ndam Da bigwam coi Da. Yoni midigek kep mpia haninyai dem kep nok trem di hei ei ninnumti kin miai ba anggur. Tungwatu nya mikon inyeng noyam kin gi ikon ba anggur ngei Libanon ninyenga.

HOSEA 4:3

Gima rino ide minu dini mingak-cai hanyen leu api mun di ninnei tau nuhwap nsi hagom mai bingwig bitut mindhe-ndhe nya kin ha nya kin wau nya cem hagom.”

ZAKHARIA 13:2

Njap dima dem ne mididip tut kwar di ikuk yok bak nya inyeng leu dihyei dini leu binhyepo hi dima miyok ngon kep ninyeng dima bu bi. Midijji yo di ikon yonti inyeng binok nabi nitrowai nya kin yo di ninnei di kinei ya ingonti nya yahagom.

MATIUS 13:41

Munggwom Tungwatu Nipmot micuk Nide malaikat nya leu binhyepo yuug mbus yo di ibindei dino hiter cut ei sisarti kin yo di isibut bibor nindigsi nya yahagom kwei leu Allah Ninyeng Tak Kepti.

MATIUS 23:39

Jimiap e, hon kep ammani kui ne mijingat dingat bou jiyai him bu bi bibou jipai ‘No di kwei tug hon Allah ninyeng ningon nggei-hi-nggei ug e.’ ”

NINGAT-HI-NGAT NYA 2:14

Noro diwok je tut mun nyeng poi. Ibou poi di ibit Bileam ningginausi isrig jikieti. No dima ngginau Balak biris mben Israel apino ingkwei hanyen kep sisar di ibon nya. Sisar dima ne niyem njita di tungwatu nya ipigig ser mem mun di ikuk yok bak kin nicut tut yamti ri.