ZEFANYA 1:18 - ALLAH NIHYET MEM TUNGWATU NYA

¹⁸ Bit bon yo dima ide mas kin perak di inyeng tut nya giteu yok bingwes ngun mem njap di tuhan ndo nigga biborti kan bi. tuhan de nigga biborti di nok hum di cig-cai miyem dihyeisi dini titut yam bitimek bindung-ndiem. Noni muhun tungwatu dihyeisi dini hagom innei leu insi kros.

ZEFANYA 1:18 ပူးပေါင်းရင်းမြစ်များ

NITRITI 6:7

Gima rino Noni pai “Siciu ser tungwatu di sipai tes nya bitut mindhe-ndhe nya kin ha nya hagom hak ug lewo singon ngkwei leu gi po sipai tes yok pima.”

NIBOU NDIG NYA GI NIGOM 14:22

Mpe dima lene timiei Yehuda ibon sisar di kinei bibor tut tuhan leu api sisar dima bindei ba, tuhan gga yok bibor dor njiriek nigga idigup bat-idigai bat nya drek dip ide sisar di ibon nya.

AYUB 21:30

Yoni ipai “Njap dino Allah ba nigga biborti bikes hukum ei tungwatu nya dip lene yo di isibut nya mingwes ngun.”

AYUB 3:15

Gi nok gima ne dibong kep dinghuisi mem njap di ammani noyam kin nibou ndig ipmot bat nya po inju mas kin perak bimpung kei ei ide ig pima lo, ikes hagom ei bimai leu su ba,

MAZMUR 78:58

Isrep huk Allah tug hon ide mpia di iwin mem ibikuk yok bak kwar nya. Ibindei ba, ningwak mbriu sut yok tug hon ide kwar di ikuk yok bak nya.

MAZMUR 79:5

tuhan e, agga nye bijo ninno bijo kikau e? He Angon sibui sut nyeti micig-cai nok hum ug bipek nohonti kan bi e?

NIPINGOK NINGONTI 11:4

Mpe dino aum nimai lene mun di anyeng tut nya mibon ninyeng mem na bi sren. Gino aba angon di gom biyai mun ne angwes ngun drek dip.

NIPINGOK NINGONTI 18:11

Noro yo di inyeng ikan huk bipia mun di inyeng tut dima dem kep nok ngug tig di bikrop ttai yok bikkin ser ide siceu nya.

YESAYA 1:24

Gima rino tuhan di nok mben Israel ide Allah Di Sindem Bibor pai biyok “Je di jinok siceu ndam Da e, midibirop hanyen bije leu binhyepo bit bon jibindin-ndin nyen Da bu kan bi.

YESAYA 10:17

Allah di kwes-kwau di ninyeng Nipigati Israel dem kep hum njeng di yem mun nyeng hagom bitut war nggig-nggwen nya cem bingwig hak ei njap ngom ngat.

YESAYA 10:3

Mijibon mindei mem njap di Allah kes hukum ei je dip i? Mpe di Noni kes mun di buhun leu minu ting kwei ei je dip ne jindei mihwen i? Mijahara tou rimem gima mpu je i? Mijiku jide mun di jinyeng tut nya ei hantou i?

YEREMIA 7:20

Gima rino Da di tuhan Di Dinyeng Jei Bibor midisiber Ditde nigga biborti ug ei Ditde Ig dini kin tungwatu nya kin mindhe-ndhe nya kin biei ninjem nya kin njita beisi hagom dip. Ditde nigga biborti nok hum di cig-cai leu api bit bon hi mu kan bi.”

YEREMIA 7:34

Jide minu dini miluei nitta binok mpia ngoisi. Midibindei ba, yo di ingon llei bibor nya ighyet kin yo di ibit pesta niwak yamti nya ighyet hagom ntus ningwig ei minu mien Yehuda lene bidem simpak bou nya ei minu ndig Yerusalem cem.

YEREMIA 9:11

tuhan pai “Midibindei ba, minu ndig Yerusalem cut bitimek ningwig leu api nsien mbrei nya milus-lus nyen kwei bibong ser ig kumti ba, minu mien nya di jo ei minu Yehuda nya minok ha ngunti lewo timiei nya isar bingwig leu su.”

YEHEZKIEL 16:38

Midikes hukum ei na dip drek dip ade nicut tut pinaisi nya kin ade niyai nimai bak tungwatu nyati di abon nya. Midiba dingon di sibui kin digga biborti bikes hukum nimai ei na dip.

YEHEZKIEL 23:25

Digga nani. Gima rino midisindui sut yok ba, iba ide nisibutti bibibon nani hak bikos ahwap kin atingou meng leu lene ibindig amunggwom bat nya tut igyai-yaisi ei humti.

YEHEZKIEL 7:11

Nisibutti kum eisi lene gima bindei ba, minggwen di ibikum ei nisibutti mang bibor ba, jiriek bu tu. Ide ndigban di inyeng tut nya kin inyeng di jei kin ide nisindemti di mipbor ngat hagom sar hak leu yok. Hi gi jo bi.

YEHEZKIEL 7:19

Yoni micom ide mas kin perak ei puig sinon nok mumpiang. Lewo ei njap di tuhan siber niggati ei yok dip ne bit bon mas kin perak dima teu yok bingwes ngun kan bi. Noro mas kin perak dima bindei ba, icut ei sisarti. Iba mas dima bimpu ingon priti bicut ba, igyem mas kin perak dima kep inggumti kan bi.

YEHEZKIEL 7:5

tuhan Di Ninyeng Jei Bibor pai bak mben Israel “Mun di buhun mijo-jo yam dip kep na.

ZEFANYA 1:11

Timiei minu ndig nite bijehei jen e, mpe di jimiap gima yok lene ma jipim ba, jibwos-bwos nyen. Lewo nitri-nipek mun cig nya kin yo di idahat mitiei ngwam bak hi ter nya itug ndei nimai hak tu!

ZEFANYA 1:15

Njap dima ne njap di tuhan ndo Nide nigga biborti kin njap di nggruk kin njap di buhun kin njap di siceu inggek ig bitti kin njap nibindei timekti kin njap nidinditi di dindi-kai nggai kep nye kin njap di mpia com bi kin njap di bumbuhui jun ser nyeti ri.

ZEFANYA 2:2

nipou tirigi jidem kep mitou di nitou mbris bimui bigyo! Ma jingon huk niti nipou tirigi njap di tuhan ndo Nide niggati tau bigyo ba, nipou tirigi tuhan nigga biborti di cig-cai dima cut igkep je bigyo.

ZEFANYA 3:8

Noro ma jingon sok kep jenti! Jigwam hak bibou njap dima dikiju nok No di pai kep je ug e. Lewo dikos tut mem gima diba mben nya kin ninyeng tak kepti nya bicom yam leu api dikes Ditde nigga biborti ei yok dip tu. Ditde nigga biborti di nok hum di cig-cai miyem dihyeisi dini titut yam bitimek bindung-ndiem.

MATIUS 16:26

Notou mem no di nyeng tut ndigban dihyeisi dini hagom noro bimangkrei nide niyaijoti i? Gini kei mem noni e? Noni miba mindei bipek niyaijoti hanyen leu gi misar i?

KORINTUS GI NIGOM 10:22

He ma ijoi sut Tuhan ningon kinei sut nye e, he isindem njiriek Noni e?

NINDAT KEP TUHAN NICUKTI NYA 31:17

Gino igyai hagom nok lene dingon misibui sut yok ba, midikes yok ei apino yoni micut bak ide siceu nya bingwig. Mun di buhun mang bibor micut igkep yok apino mijo nibreisi mem yok bipia itug ndei mun di buhun dima hagom drek dip gi Da di tuhan di dinok ide Allah dingat rin ei ikieti bu bi.