ZEFANYA 1:17 - ALLAH NIHYET MEM TUNGWATU NYA

¹⁷ tuhan pai “Midikes mun di buhun mang bibor ei tungwatu nya dip lene gima bindei ba, itibap-tibap nyen noyam kin yo di igyai tu. Ibon sisar tut Da apino nogindini inggrom siber bidem minyei di biam ba, nimbiam ngut mpiei ei dihyei njek dip.”

ZEFANYA 1:17 ပူးပေါင်းရင်းမြစ်များ

MAZMUR 83:10

Abibon yok noyam kin gino abibon mben Midian ba, noyam kin Sisera kin Yabin ei Minyei Kisyon nyai

YESAYA 29:10

tuhan bindei bijiiman ba, jibong mai. Noni tak kep ser nabi nya igyai binggai kep yo di ingat ningat-hi-ngat iimaisi cem.

YESAYA 50:1

tuhan pai bak mben Israel “Ditde limwa jen, jikan bipia dikou sut je noyam kin pinai di kou sut nitnem e? Gi nok lene ma jindo srat di bindo tut gi dikou sut ditnem biDa. Jikan bipia ditri je noyam kin no di ba nimunggwom bat nya bibirop ningwam di noni bon bak hiter e? E bi. Jide siceu nya ikat je bibuwak je ug ei jingkiaisi drek dip jide sisar kin jingon di mbuk biborti!

YEREMIA 10:18

Mpe dini ne tuhan micom mben Yehuda yahagom ug ei ingkiaisi. Noni mibindei sar jahagom bijingwig hak ug. Gima ne tuhan De nisok kep jeti ri.

YEREMIA 15:3

Da di tuhan dikos tut bipia hukum ninyeng bitai micut igkep yok. Yoni mikrop tug hon pran leu api nsien nya mikri ingut ba, ha nya mipuk ingut lene mindhe di iten-pos nya migya kep ingut bingwig.

YEREMIA 18:21

Noro tuhan e, nogindini ma asindui sut yok ba, imunggwom bat nya imai inggum cem itug midut tug hon pran cem pinai nya imai leu itnem bat nya cem munggwom nya imai leu ipmem bat nya cem nsuwer ajar hwen andigpoi nya cem pinai pilei nya ikon pran apino igyai nimai cem hak ug.

YEREMIA 2:17

Jenti jibindei ba, mun dini yok hagom cut igkep je. Jikes Da di tuhan di dinok jide Allah ei ba, jiba jinghim bak Dani tirigi dinyohou bie tut je kak jimbutti ei pui sinon.

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 3:25

Gima rino nna ba nigwam nimmaiti ug. Nna ba niwer mindhe tut ug. Lewo niya tut nidigup bat-nidigai bat nya ba, nibon sisar tut nyende tuhan Allah ninno tu ba, nigibit Nide nicuk nyeti nya cem bi sren.”

YEREMIA 4:18

Je di timiei Yehuda e, jenti rino jibindei di mun di buhun dima cut igkep je ug a. Jide niyaijoti di kinei kin jide nibon munti di kinei rino bindei di ninghuisi wei dima biam jingonti a.

YEREMIA 8:2

Iket injum dima leu ijui bijo keyam mem gima itig hanyen ei dihyeiti bu bi. Noro iba injum dima yok bimbin mpia ei dihyei ninjek dip nok mumpiang hak. Injum nya mijo sinsiou hak ei mpia njap kin bed mmun kin ham mpia-bbed him nya di yo dima ikuk yok bak di ingon ngakei cem igyai midyai mem cem ikuk yok bak cem yahara bindo puig biyok cem hagom yoho bei.

NIBWOS-BWOS NYENTI 1:14

Noni mbus ditde sisar nya hagom keyam leu api ngot kin yam binok gom lene ba gima bisrou dikimam apino gima buhun tak da di dinghuisi jet tut o! tuhan kes da ei siceu nya indati apino bit bon dibindei timek yok kan bi o!

NIBWOS-BWOS NYENTI 1:18

Noro tuhan ningon sren-srau! Dani rino ditunggwei sut Nide nicukti nya tu o! Je di ngkiai nya e, jimiap dihyet ba, jingat bipia dingat rin ei ninghuisi wei diniti o! Siceu nya ikat pinai pilei tde nya kin sop gwam nitta pilei tde nya bibindei ba, isima ei ingkiaisi tu o!

NIBWOS-BWOS NYENTI 1:8

Minu ndig Yerusalem ba nirom birus nonti tug hon gi bon sisar di kinei bibor mang-mang o! Yo di nipou yo ibou cut binoni yahagom ingat ningat nguti lene iba ighyet bicig! Minu ndig dima nso-nso nyen lewo gwam nimmaiti o!

NIBWOS-BWOS NYENTI 2:21

Ndigpoi nya kin munggwom pilei nya imai sinsiou ba, pinai pilei nya kin sop gwam nitta pilei nya imai tug hon singau simeda o! Njap dima ne ayai nimai biyok drek dip Ade nigga biborti rin o!

YEHEZKIEL 16:38

Midikes hukum ei na dip drek dip ade nicut tut pinaisi nya kin ade niyai nimai bak tungwatu nyati di abon nya. Midiba dingon di sibui kin digga biborti bikes hukum nimai ei na dip.

YEHEZKIEL 24:7

Niyai nimai bak tungwatuti jo kep minu ndig dima. Noro nimbiam ninggrom di ikiber kiber ug ei dihyeiti bi. Nimbiam nggrom siber ug ei tig di ngkiem dip ba, bit bon itig dihyei binjei kep kan bi.

YEHEZKIEL 24:8

Disindui sut nimbiam nggrom dima bijo ei tig dima dip leu binhyepo yo di ingat nimbiam nggrom dima ibuhup hanyen tut.”

AMOS 4:10

Dibindei ba, nsuwer ajar di buhun bibor noyam kin gi hi di dipinak ug ei minu Mesir pima hwen je. Dibindei ba, jide pinai pilei nya itug ndei nimai ei pranti leu api jide siceu nya ipos jide kuda pran bingwig leu je. Dibindei ba, jide prak meng yati nya mpung tut nimai ngut di mpiei bibor ei jihwap nsi. Mbro nok gima lo, jigingkwei hanyen ndam Da bi.

MIKHA 7:13

Noro dihyei ninjek dip nindigsi minok iggum ndigsi bu drek dip yo di ikieng kep dihyei dima igyai munti di mbuk bibor nya.

MATIUS 15:14

Nok ug e. Ma jingon pri tut yok au. Lewo iba igyai di tu bibie tut yo di igyai tu nya. Gino no di niyai tu cen hiter di niyai tu lene mporo yahacem icut ei jui nsi ug ri.”

ROMA 11:25

Disut bat jen, ma jikan kep bipia jingon ki bijikan bidem mun nyeng hagom au. Lewo Allah De mimun nyeng gom no rinaha lo, tungwatu nya ikan tut bi. Noro handei kon ba, jikan tut Nide mimun dima. Mben Israel bihi ingkek ndok noro ide ningkek ndokti dima jo kikau bi. Noro mijo nijoti nok bibou ngkiai nya di mitti kin Allah imangti dem ug e.

ROMA 11:7

Notou mem yo i? Mun di mben Israel inggok ser wer ninno dima ne ingat bi sren. Noro nimpung mien di Noni dimig yok habiei su nya he imbun nisingat tut yokti. Nindigsi nya imiap Allah nihig yokti bi lewo ingon ndok.

KORINTUS GI NICAN 4:4

Ingon jo kep bi lewo Bilis sibut bibor ba, ninyeng tak kep tungwatu dihyeisi dini. Noni rino biyai ingon di dor mun di bitut ninneiti bi. Apino bit bon ingat igbit nikei-kau-keisi di piga kwei leu Nihyet Di Kei dima kan bi. Ba, Kristus dima ningat ndo Allah ningwes brei binye.

PETRUS GI NICAN 1:9

Tungwa tou rino bindei mbut mun dini yok bintun ningon him bi niyai mmui su ba, ningon prion ser gino Allah piap nide sisar timiei nya leu no pima tu.

YOHANES GI NIGOM 2:11

Noro no di ba nitok bak nisut no di Kresten ningat rin ei nidinditi. Noni mbut mem nidinditi leu api srawir lewo nidinditi bindei ba, niyai tu.

NINGAT-HI-NGAT NYA 3:17

Jipai sut jenti bipia jinyeng cem jibong kei jigwam kei cem ba, jisuar mun nyeng hi bi. Noro jingon ngat gi jikinei-kinau ba, jindwau cem bi. Ningat ne juhui mbum ba, jingat ngu bijiyai tu tu.