ZEFANYA 1:16 - ALLAH NIHYET MEM TUNGWATU NYA

¹⁶ Njap jei dima ne pun mbrei nibimbiti tibim kin tentara ngot di ighyet sra tut pran binjei ndam minu ndig di bon ngug tig kin tentara nibousi di igya coi nya di ihwen ri.

ZEFANYA 1:16 ပူးပေါင်းရင်းမြစ်များ

YESAYA 27:13

Mpe dima lene pun mbrei nindig nimbi mibong mem gima ibijem mben Israel di icom yok ug ei minu Asyur kin minu Mesir yahagom hanyen kwei. Yoni mikwei ei minu ndig Yerusalem mem gima ikuk yok bak tuhan ei Nide nungug di kwes-kwau.

YESAYA 32:14

Nibou ndig de ig di kei bibor kin jide minu nibousi po nipou ne igyai nillei eisi pima minok ha ngunti bu lewo tungwatu nya ikes hagom ei binang leu su. Jide siceu nya midime jide nungug tou nya kin jide ig hagom ba, sur yam kei bijo ninno bijo kikau. Leu api keledai bigbehei nya miya-ya nyen kep ba, domba nya miyem kep abris bou cem ei sirima.

YESAYA 59:10

Nidem kep yo di igyai tu di itibap-tibap wai. Nindrat mpia mem mpia nuhuk pijumti binikinoi noyam kin gino nimbut mem mmun-mmau. Mbro nok gino ningat rin ei yo di igyaijo nya ikieti lo, ninok yo di imai su.

YEREMIA 6:1

Je di jintun Benyamin him e, ma jinang bijingwes ngun! Jinang leu minu ndig Yerusalem bijo! Jimiep pun mbrei ei minu ndig Tekoa. Jibuhui hum nibitto ei minu mien Bet-Kerem! Lewo jei bi ne mun di yok nisinsiou kin ninggruk biborti ei nyeti micut igkep nye kwei leu nite bei mpia nijjai ri.

YEREMIA 8:16

Siceu nya ingat rin ei minu ndig Dan tu. Kuda di ide nya idungwek ba, tibim ei itingou nsi bimiap tu. Timiei minu dini yahagom ittin bibor. Siceu nya ikwei mem gima ibindei sar ide minu nisurti-nipekti bitut mun di joti nya hagom kin ide minu ndig nya bitut timiei di ibong ser nya cem.”

YEHEZKIEL 7:7

Je di mben di jibong ei minu dini e, mun nyeng hagom ngwig hon nohonti mem je tu. Nogindini nibon pestati ei nimbar hum dok ngot di jo ei nungug him bu bi. Niyok nisinsiou ei niti he rijo ba.

HOSEA 5:8

Ma jimiep pun mbrei ei minu ndig Gibea! Ma jibui brem-brem ei minu ndig Rama ba, jibijem nikon pran cig nya kwei! Ma jihyet sra tut pran ei minu ndig Betel! Je di tentara Benyamin e, ma jinjei siceu a!

HOSEA 8:1

tuhan pai “Ma jibindei bimbi pun mbrei tut mun di buhun a! Siceu injei bicoi Ditde minu mem gima ihwen ba, ihwenti dima noyam kin hacam di cut di sus mun di yem a! Ditde limwa nya itunggwei Ditde nipreu ei bit yokti bisrep tut Ditde ningginausi nya cem tu.

YOEL 2:1

Ma jimiep pun mbrei bijibui brem-brem di bindo tut mun di buhun ei nungug Sion di Allah de mpia di dia-diau kei. Je di timiei minu Yehuda e, ma jinghuisi mpig sut tuhan De Njap lewo dideu kwei su.

AMOS 3:6

Gino pun mbrei di sok kep timiei minu hi tut pran nitausi tibim ne gima bindei ba, tungwatu nya idigit tut bi e? Gino tuhan kes mun di buhun ei minu ndig gom dip bi lene mun di buhun dima micut igkep yok e?

HABAKUK 3:6

Gino akes hon ba, aya hak lene dihyeisi dini ugwa-kwei. Gino aba ayai nghuisi jik kep mben dihyeisi dini ne inghuisi mpig sut. Nungug him di jo habiei nimbie him ki bingwig ba, nungug tou di jo ninno tu di aya-ya nyen eisi ei nimbie him kimbas ba, sur yam kei.

NINDAT KEP TUHAN NICUKTI NYA 28:52

Yoni minjei siceu bihwen bikwop minu ndig di jo ei minu di jide tuhan Allah miyai bije hagom apino ngug tig di jo nai di jibindei sindem di jiba jingon com nya cem mitti hak.

YOSUA 6:20

Gima rino imam nya imiep ide pun mbrei. Tirigi tentara nya imiap nisu bong lene yahagom imbos-hi-mbos apino ngug tig di bikrop ttai minu ndig Yerikho titut yam lus ug ei dihyeisi. Lene tentara yahagom ikui ug ei minu dima bigya kep bihwen timiei minu ndig Yerikho bidem nisurti-nipekti hagom.