ZEFANYA 1:14 - ALLAH NIHYET MEM TUNGWATU NYA

¹⁴ tuhan de njap nimbus tungwatu ingonti dideu kwei su. Igbit ri! Njap dima dideu bibor bitau kros kep nye ri. Njap dima mpung tut ninghuisi wei bibor di bindei ba, tentara di mimbri kui ingkek nya cem mipim kui jei drek dip ide ningon dahat leusi!

ZEFANYA 1:14 ပူးပေါင်းရင်းမြစ်များ

YESAYA 15:4

Timiei minu ndig Hesybon kin minu mien Eleale ipim kui jei ba, ighyet ug ninno bipek kin minu ndig Yahas. Tentara di ide nya cem igyai nidigit ei yamti ba, mimbri di kui ingkek cut hak leu yok tu.

YESAYA 33:7

Tentara di mimbri kui ingkek yahara tungwatu nya mem gima impu yok. Niya hacan mem munhyet cig di nibou ndig cuk yok kwei mem gima igwam tungwatu ikieti ba, ikwam minggwen bit yam ser nya iba ingon di ngguk bibor bipim.

YESAYA 66:6

Jimiap i! Nibimbiti di bong dihyeiti binok kru di cut no nugwei jo kep minu ndig a. Nihyet no tibim kwei leu Ditde Ig a. Nihyet dima ne tuhan nihyet di Noni kes hukum ei nide siceu nya dip ri!

YESAYA 8:22

dihyeisi dini lo, yoni mingat mun di bindei di ingon buhun bibor kin nidinditi he ba, yuug dor ei nidinditi di dindi-kai dima.

YEREMIA 25:36

Jinso-nso nyen ba, jipim cem jingon ngguk bibor cem lewo tuhan nggek jide minu di jinyohou limwa jide nya eisi.

YEREMIA 30:7

Tto bou di kwei sut mun di buhun bibor dideu su. Bit bon hi binai sut njap di buhun bibor dima kin njap hiter kan bi. Njap dima ne njap di bindei ningon mbut-mbut nyenti mem Ditde limwa nya rin noro miditeu yok bingwes ngun.”

YEREMIA 46:5

Noro Da di tuhan dingat lo, tentara dima ingon ttin bibor ba, isujou leu ide siceu nya di ibindei timek yok ba, iba nittin binang bihigom lene igikiek kep inghim dip bi.

YEREMIA 48:41

Yo dima migyai minu Moab kin tentara nibousi di igya coi nya bigyati. Tentara Moab nya mittin bibor noyam kin sop di sindi ninghim dut bigwam tut munggwom.

YEHEZKIEL 12:23

Nogindini ma atri tut biyok bipia Da di tuhan Di Dinyeng Jei Bibor dibuhup: Mididip tut nihyet nibiti nindati dima. Apino indat kep gima ei Israel bu bi. Ma apai biyok bipia nihyet di biluei nihyet dima bu pai biyok bipia nijam tau ba, nimbot kepti nya sindi pek kep tu.

YEHEZKIEL 30:3

Ma aba nihyet dini bahara ba, abibwos-bwos nyen cem bipia, Ayo! tuhan de njap dideu kwei su o! Noni miyai nibou tut haninyai ug rin o! Njap dima dindi ba, wer bumbuhui ningkom ei nituti di ngkiai nya mitug ndei hukum o!

YEHEZKIEL 7:12

Nituti kwei haninyai ba, njap dima cem dideu tu! Nitri-nipek mun cig mitug ndei ningat nibikum eisi hi bi. Lewo Allah mikes hukum ei yo di yahagom dip.

YEHEZKIEL 7:16

Bihi mingwes ngun binang ug ei nungug him. Yoni mingat rin ei nungug him bidem kep hakimoi nya di tungwatu yuhuk yok leu mbang briep nya. Yahagom milua drek dip ide sisar.

YOEL 1:15

Tto bou di tuhan preu ei mem je dideu su. Njap dima mibindei ba, jahagom jidigit tut lewo tuhan Di Sindem Bibor mibindei ba, jitimek bijingwig.

YOEL 2:1

Ma jimiep pun mbrei bijibui brem-brem di bindo tut mun di buhun ei nungug Sion di Allah de mpia di dia-diau kei. Je di timiei minu Yehuda e, ma jinghuisi mpig sut tuhan De Njap lewo dideu kwei su.

YOEL 2:11

tuhan nihyet di tibim kwei di bicuk Nide tentara di ikon pran kan nya dem kep nok kru di cut a. Yo di ibit nicuk yokti dima imangti ningot ndig ba, isindem bibor. tuhan de Njap dima ne njap di buhun bibor ba, kinei bibor cem rin ba, tou riningwes ngun i?

YOEL 2:31

Mpia njap dindi ba, bed mmun ngwoi dem kep ninggrom nipou tirigi tuhan de Njap ningwig honti di nindig ba, kei-kau-kei cem mitau kros bigyo.

YOEL 3:14

Tungwatu ibou sribu-ribu idem yam ei Mbang Briep Niya Ei Nikei Noho Bei. Jei bi ne tuhan De Njap mitau kep yok ei mbang briep dima.

YOEL 3:16

tuhan ba niyau-yau nyenti bikwei leu Nide mbigdip di Sion. Nihyet di tibim kwei leu minu ndig Yerusalem noyam kin kru di nisu bong bibindei ba, dihyeisi kin mpia-bbed him ugwa-kwei. Noro Noni miya hacan mem Nide limwa nya biya srak ko hagau mben Israel.

AMOS 8:2

tuhan hig ser da “Amos e, angat mindei i?” Dibuhup “Dingat bansi gom di biei ngat di nggwop kei joti.” Noni pai bida “Tto bou dem mem Ditde limwa mben Israel tu. Diluei dingonti tut hukum di dikes ei yok dip bu bi.

ZEFANYA 1:10

tuhan pai “Ei njap dima mijimiap yo di ipim nggruet ei Dimbou Pmem Wau nuhui kin yo di ipim kui jei di tibim kwei leu hanjop nijep ei minu ndig kin ig di lus bibor nya nibimbiti di tibim kwei leu nungug tou nya.

ZEFANYA 1:7

tuhan de njap dideu kwei su ba, ei njap dima ne Allah miyai nibou tut Nide limwa nya igyai munti nya. Gima rino ma joom jenti nyahan ei Noho bei hak ug. tuhan tin ei mem gima ba Nide limwa nya yonti njem bibon midut di noyam kin midut nindig mindhe-ndhe ei nimbar hum dokti. Ba, Noni nduk mben Yehuda ide nitok nya kwei mem gima ihwen yok.

MALEAKHI 4:5

Noro nipou tirigi tuhan de njap ndig di buhun bibor tau kep je bigyo ne midipinak Nabi Elia hwou ndam je.

KISAH 2:20

Mpia njap dindi ba, bed mmun ngwoi nok ninggrom nipou tirigi Tuhan de Njap ningwig honti di nindig bikei-kau-kei cem ttau kros bigyo.

FILIPI 4:5

Handei kon ba, tungwatu yahagom ingat bou igyai him bipia jiba jibou coi mem yam lewo jei bi ne Tuhan mikwei hanyen.

TESALONIKA GI NIGOM 4:16

Mpe dima lene Allah nihyet sra tut nicukti lene malaikati nibou ndig nihyet kin Allah de pun mbrei hacem mitibim leu api Tuhan Yesus Nonti mijuk kwei leu gwamti. Lene yo di imai su di iba ingon com Kristus nya mikiju hanyen leu imai eisi bibie ug e.

IBRANI 12:26

Nipou ne nihyet di tibim bindei dihyeisi dini ugwa-kwei. Noro tini bu ne Noni preu ei mem nye “Mbigom kin bu ne dibindei dihyeisi dini he ugwa-kwei bi noro bitut mpia-bbed him cem.”

YAKOBUS 5:9

He disut bat jen, ma jinso yam bijinjei kep yam nyen-nyen au leu binhyepo Allah kes hukum ei je dip bi. Lewo Nikei dima ttau ei dimbou heisi kwei su.

PETRUS GI NICAN 2:3

Guru dini yok ingon pri kep mitiei nindig bibor. Ibrim mitiei leu je tug hon mumpui di itri tut bije bit leu yonti ingon kanti nya. Noro Nikei di mikes hukum ei yok dip tin ei mem yok mimbrek tu. Ba, No di mibindei cut yok niyai nggrop nggan.