ZEFANYA 1:13 - ALLAH NIHYET MEM TUNGWATU NYA

¹³ Siceu nya mipos ndigban di ide nya bigya kep ig di ide nya cem bitimek. Timiei minu ndig dima ingot ig noro igibong kep ig dima bi ba, inyohou miai ba anggur nghousi lo, igidut ba anggur ningat ningei bi.”

ZEFANYA 1:13 ပူးပေါင်းရင်းမြစ်များ

YESAYA 6:11

Dihig ser Noni “tuhan e, ug ei mpe di tou leu api inok gini bu bi i?” Noni buhup “Ug ei mpe di minu ndig nya hagom timek bingwig ba, bon timiei nya hi bu bi ug e. Ug ei mpe di ig hagom ngwak ba, hi bong ser bu bi. Ug ei mpe di ide dihyei ninda rom titut yam minok iggum ndigsi bu ug e.

YEREMIA 15:13

tuhan pai bida “Midipinak siceu nya ndam Ditde limwa nya leu binhyepo ipos ide mitiei kin ndigban bingwig leu yok drek dip sisar di ibon bidem minu dini hagom.

YEREMIA 17:3

kin nungug dip di jo ttai jide minu ndig nya cem. Midibindei ba, jide siceu nya migya kep jide ndigban kin mun di jinyeng tut nya hagom bimbut tut leu je drek dip gi jiwin mpia di mem jikuk je bak kwar nya eisi bidem jide minu nisurti-nipekti lene drek dip sisar nyeng hagom di jibon nya cem.

YEREMIA 4:20

Mun di buhun cut igkep nye bijo-jo yam dip lene bindei sar minu dini hagom. Siceu nya inggek ditde prak meng kros hak lene irik minghas nya hagom birik-ta.

YEREMIA 4:7

Nihwen kep mben cig gom sindi mbut kwei mem gima bindei sar timiei Yehuda nya dem kep nok singa di hei leu niku no eisi. Noni minggek minu ndig ngot di jo ei minu Yehuda binggek sinsiou apino hagom midem kep nok ha ngunti ri.

YEREMIA 5:17

Yo dima migyem jide njita beisi leu je leu api migyai nimai bak jimunggwom bat nya ningwig a. Yoni mibui mindhe nimuhup tu jide di nok sapi kin domba nok mikwau bicok tut ba anggur nghousi jide nya kin jide biei ara nya hagom bisar. Yoni migya kep jide minu ndig di bon tentara nibousi di jinang coi di jiba jingon com nya cem hagom bindung-ndiem ri.

YEREMIA 9:11

tuhan pai “Midibindei ba, minu ndig Yerusalem cut bitimek ningwig leu api nsien mbrei nya milus-lus nyen kwei bibong ser ig kumti ba, minu mien nya di jo ei minu Yehuda nya minok ha ngunti lewo timiei nya isar bingwig leu su.”

YEREMIA 9:19

Ma jingig jitingou mem mben Sion di ipim kui jei bipai “Nitimek biningwig binimmai sut nyenti. Lewo suar nikes nitimieisi ei binimbut leu. Nyende siceu nya inggek nyende ig nya sinsiou bingwig.”

NIBWOS-BWOS NYENTI 5:2

Nyende ndigban ninda rom cut ug ei yo di hiter indati ba, ngkiai nya ibong ser nyende ig nya cem o!

YEHEZKIEL 22:31

Gima rino nogindini dikes Ditde nigga biborti ei yok dip. Dinok hum ba, dibindei sar yoni drek dip ide nibon munti nya. Da di tuhan Di Dinyeng Jei Disimbot dat tu.”

YEHEZKIEL 7:19

Yoni micom ide mas kin perak ei puig sinon nok mumpiang. Lewo ei njap di tuhan siber niggati ei yok dip ne bit bon mas kin perak dima teu yok bingwes ngun kan bi. Noro mas kin perak dima bindei ba, icut ei sisarti. Iba mas dima bimpu ingon priti bicut ba, igyem mas kin perak dima kep inggumti kan bi.

YEHEZKIEL 7:21

tuhan pai bak mben Israel “Midisindui sut ba, ngkiai nya micoi bipos jide ndigban leu je. Nisibut cig nya mibrim ndigban jide sin jeti bibindei ba, map kui ndigban dima yoti.

YEHEZKIEL 7:24

Midinduk ngkiai nya di isibut bibor nya kwei ba, ibong bidem jide ig hagom. Tirigi disindui sut ba, yo dima ibindei timek jide mpia di jikuk je bak Allah eisi nya lene jide pinai di mimbri kui ingkek nya migwam nidigitti drek dip.

AMOS 5:11

Jico kep nuhui mbum nya bijipos ide gandum ngan cem leu yok. Gima rino mijibong ser ig di kei bibor kei di jingot mem jenti bijidut ba anggur ngei leu miai ba anggur nghousi nya di jita mem jenti cem bi sren.

MIKHA 3:12

Gima rino tungwatu nya miba sapi bibrim ngkimom nitu bitem Sion de igkumti ba, jide siceu nya mibindei minu ndig Yerusalem ba, timek bingwig cem. Leu api nungug tou di tuhan De Ig joti miluei nitta binok baham tigotti bu drek dip jiyai munti di mbuk bibor nya.

MIKHA 6:15

Mbro nok gino jiyai miai lo, mijipuk ningat hanyen bi sren. Mbro nok gino jikinding mini zaitun lo, jiba mini dima bikwen njita bi sren. Mbro nok gino jikimut ba anggur ngat bijiyai ningei lo, mijidut anggur ngei dima bi sren.

NINDAT KEP TUHAN NICUKTI NYA 28:30

Gino jibit jide tuhan Allah nihyet bi lene mun nyeng dini yok micut igkep jeni. Mijiyok wab kep sop hi noro hiter miwak noni nok nitnem. Mijiwin ig noro mijibong ei ig dimati bi. Mijita ba anggur kioi ei jide miai anggur nghousi noro mijipuk ningat di ntun him bijiyem bi.

NINDAT KEP TUHAN NICUKTI NYA 28:39

Mijita ba anggur kioi ei jide miai anggur nghousi ba, jinyohou hagom nok gi kei noro mijipuk ningat bijidut ningei cem bi. Lewo auu meta nya migyem ba anggur dima yok bingwig.

NINDAT KEP TUHAN NICUKTI NYA 28:51

Yoni mibindei sar jide mindhe-ndhe nihyen kep nya kin njita ngat ei jide miasi nya hagom bisar bingwig. Lene yoni mibet gandum kin ba anggur ngei kin mini zaitun kin sapi nya kin kambir nya kin domba nya cem hi ei mem je bi leu api jibimai jinggum.