ZEFANYA 1:12 - ALLAH NIHYET MEM TUNGWATU NYA

¹² Mpe dima lene miditin mini ba, dibiput ser minu ndig Yerusalem. Midikes hukum ei limwa di ingon hou ser yam kin yo di ijoi sut yonti njem kin yo di ikan bipia Da di tuhan dibindei mun di mpu yok kin mun di cut igkep yok bi nya yahagom dip.

ZEFANYA 1:12 ပူးပေါင်းရင်းမြစ်များ

AMOS 6:1

Je di mben Israel jinyeng jei bijibong kei jigwam kei ei Sion kin jide limwa nya di iba ingon com je tut gi jimpu yok kin je di timiei mben Israel di mipbor ngat nya kin je di jibong kei jigwam kei ei Samaria e, mun di buhun bibor micut igkep je!

YEREMIA 48:11

tuhan pai “Minu Moab bong kei gwam kei habiei nipou su. Siceu nya icom noni ug ei ningkiaisi bigyo. Noni dem kep ba anggur ngei di isindui sut bijo ei aigmui mindhe ngkekti di isiber di srig ba anggur ngei hiterti bi. Anggur ngei dima no nui tun ba, nyop kei yo.

YEHEZKIEL 8:12

Allah pai bida “Na di tungwatu di ayaijo kikau bi e, angat mun di nibou minu Israel nya ibon ku dima yok e? Ikuk yok ei ninsi di mpung tut kwar nya lewo ikan bigya dikes minu dini ei su bidingat ide nibon munti dima bi.”

YEHEZKIEL 9:9

Lene Noni buhup “Mben Israel kin Yehuda nya ibon sisar nindig bibor tu. Ihwen yam bidem minu dini hagom ba, iba mun di kinei birus minu ndig Yerusalem birom-rau tu. Ipai biyam bipia Da di tuhan dikes minu dini ei su bidingat ide nibon munti nya kan bi.

MAZMUR 94:7

Isimbot dat “tuhan ngat nyeni igyai kepti bi. Allah Yakub yok ngon kep mun dima cem bi.”

NINGAT-HI-NGAT NYA 2:23

Leu api midihwen nide limwa nya cem leu binhyepo mbusyamei nya yahagom ikan tut bipia Dani ne No di yok niyai kep tungwatu nya yahagom ikan-kan nyenti kin ingonti ri. Dibirop hanyen bije bit leu nok jiyai munti nya.

PETRUS GI NICAN 3:4

tirigi ihig ser je “Tuhan preu ei sut nikwei hanyenti tu e? No hantou i? Idigup bat-idigai bat nya imai bingwig leu su noro mun nyeng hagom jo nijoti habiei ei nimbie him tirigi Allah pai tes dihyeisi kikau kwei bipek ammani kep!”

OBAJA 1:6

Je di jintun Esau him e, siceu nya ikwei nggek je bicat ndigban jide di jo nikuti cem tu.

YEREMIA 10:5

Kwar dima dem kep nok tungwatu di nijit bi nya di imbrap kan bi ba, imbut imig cem kan bi di itas ei miai bimen dumti. Ba, suar tungwatu nya ikon-kon nyen yok he. Gima rino ma jittin mun dima yok au. Lewo dem mem gima ibon mun di kinei sut je ba, isindem mem gima ibon mun di kei sut je cem kan bi.”

YESAYA 5:19

Jipai “Nnaba tuhan Allah Israel Di Kwes yai nibou tut midyai haninyai hak ug! Nnaba Noni bindei mbut ningon kanti hak leu binhyepo nyeni ingat ba, ikan tut ug.”

MAZMUR 14:1

Doia Daud mem no di bie tut doia nimpung No di ningkek ndok kan “Allah No rinaha bi sren!” Yo di ipai gima ne ingon rom nindig bibor ba, isibut bibor cem. Ei dihyeisi dini hagom ne no di ningon sren no rinaha bi sren.

AYUB 21:15

Yo dima ikan “Nikuk nye bak Allahti kin ningat nadi bak Noniti bon ninyeng bi.

YEHEZKIEL 9:4

“Aug ba, aya bidem minu ndig nuhuisi nya hagom ba, akes bindo ei tungwagom-gom di ningon ngguk tut kin gi ningon buhun tut nibon munti hagom di bindei igyai ttinti di tungwatu ibon ei minu ndig dini ingwak a.”

MALEAKHI 2:17

Allah ningon ngehen tut jide nisuglai kwopti. Noro jihig ser da “Nibindei ba, tuhan ningon ngehen notou i?” Lewo jipai “tuhan ningon ngakei yo di ibon mun dimbuk yahagom ba, ningon kwes kin yok.” Ba, jihig ser da bu “Allah di tungwatu nya ikan bipia ningon kwes-kwau No ritou i?”

MAZMUR 10:4

Yo di ibon sisar nya ingkek ndok tut tuhan lewo iba ingon di jei bikan-kan nyen bipia Allah bon ninyeng mem yok bi.