ZEFANYA 1:1 - ALLAH NIHYET MEM TUNGWATU NYA

¹ Zefanya ne Kusyi nipmot ri. Nide pung di ntun him gi ikwop sindam leu bijehei bikui ne inyeng rino Gedalya kin Amazia kin Nibou Ndig Hizkia. tuhan sok nihyet ei Zefanya dip ei mpe di Nibou Ndig Yosia di Amon nipmot ninyeng tak kep minu Yehuda.

ZEFANYA 1:1 ပူးပေါင်းရင်းမြစ်များ

NIBOU NDIG NYA GI NICAN 21:18

Manasye mai leu lene itig ei Uza de miai mitou nghousi di jo simiak nibou ndig de ig leu api nipmot Amon kui bigwam nok nibou ndig mem timiei Yehuda nya biya luei nohoti.

NIBOU NDIG NYA GI NICAN 21:26

Lene itig Amon ei Uza de miai mitou nghousi leu api nipmot Yosia kui bigwam nok nibou ndig mem mben Israel biya luei nohoti.

NIBOHON MBEN ISRAEL GI NICAN 33:20

Manasye mai leu api itig ei nibou ndig de ig him ba, nipmot Amon kui bigwam nok nibou ndig biya luei nohoti bu.

YEREMIA 1:2

tuhan mbrap bit Yeremia mem nijam di Yosia di Amon nipmot nok nibou ndig mem minu Yehuda ba, ninyeng tak kep limwa nya ei ari bingwam simnaibrimigningai su.

YEREMIA 22:11

tuhan pai sut Yoahas di Yosia nipmot di kui bigwam nok nibou ndig ei minu Yehuda biya luei Yosia nohoti “Yoahas ug leu minu dini tu ba, mingkwei hanyen kwei bu bi sren.

YEREMIA 25:3

“Dingkek ndok tut tuhan nisokti di pai bida mem nijam ari bingwam nyatungwagom ba, ningai habiei leu ari bingwam gi nisimnaibrimigningai di Yosia di Amon nipmot ninyeng tak kep minu Yehuda kikau kwei bipek njap di ammani kep bi. Ditri tut Nide nisok ei da dipti hagom bije tu. Noro jigingig jitingou mem nisokti dima bi.

YEHEZKIEL 1:3

Leu api tuhan mbrap bit da ba, Nide nisindemti kui da tirigi dibong simiak Minyei Kebar ei minu Babel.

HOSEA 1:1

Srat dini tut nihyet di tuhan sok ei Hosea di nicig ninyeng Beeri dip ei mpe di Nibou Ndig Uzia kin Yotam kin Ahas kin Hizkia inyeng tak kep minu Yehuda bram yam ba, Nibou Ndig Yerobeam di Yoahas nipmot ninyeng tak kep Israel cem.

2 TIMOTIUS GI NICAN 3:16

Allah nihyet titut yam tibim kwei leu Allah niji him ba, bon ninyeng mem gima bingginau tungwatu nya tut nijit-jausi kin nisok kep tungwatu nya tut sisarti kin nimbus tungwatu ingonti tut igyai munti di tunggwei nya kin nipingok tungwatu nya ingonti tut igyai munti di kei bibor nya.

PETRUS GI NICAN 1:19

Gima rino niba ningon com nihyet di nabi nitimiei nya itri tut dor njiriek bu. Gi kei mem jikrau kep nihyet di itri tut dima di nok mini ninjeng di piga digai nidinditi kikau bibou njap tek ba, hambong ninjeng piga digai jingonti ug e.