ZAKHARIA 9:4 - ALLAH NIHYET MEM TUNGWATU NYA

⁴ Noro tuhan mibindei ba, minu ndig Tirus nuhui mbum. Noni minjei ide mun di inyeng tut nya hagom ug ei muk ngeisi leu api hum miyem minu ndig njem bingkiong.

ZAKHARIA 9:4 ပူးပေါင်းရင်းမြစ်များ

NIPINGOK NINGONTI 10:2

Ndigban di aba ningon canti bitug ndei leu api abiyai anyeng di jei sut ne mporo abiyai ningat di kei bi. Noro ningon srenti mibindei ba, angwes ngun drek dip.

NIPINGOK NINGONTI 11:4

Mpe dino aum nimai lene mun di anyeng tut nya mibon ninyeng mem na bi sren. Gino aba angon di gom biyai mun ne angwes ngun drek dip.

YESAYA 23:11

tuhan su ninda nai muk ngwa dip ba, bicut minu ninyeng tak kepti nya ei dihyeisi dini. Noni kes nihyet mem gima siceu nya igya kep Fenisia de tentara nibousi niya coi nya hagom bisar nipwoi a.

YEHEZKIEL 26:17

Leu api ikon doia nibitig nimaisi dini drek dip na di nibimbiti pai bipia, Minu ndig di ninyeng jei bibor cut hak tu! Icok tut nide kibar minyei nya hagom leu muk ndigsi tu. Timiei nya di nipou inyeng tak kep bidem muk ngeisi titut yam pima ibindei ba, yo di ibong les him nya ittin tut yok.

YEHEZKIEL 28:16

Abou ngwak sibui sut nitri-nibipek mun apino gima bindei ade nimbuk biborti kin nibon sisarti ug a. Apino dicom na leu Ditde nungug di kwes ba, malaikati di ya ser na jji na leu mpia di tig permata di jimjit kei dima joti a.

YEHEZKIEL 28:18

tuhan pai, “Minu ndig Tirus e, abindei bimap kui ade mpia di akuk na bak kwar eisi nya tug hon ade nitunggweisi kin niyem hiter nimuhupti mpe di atri-apek mun. Gima rino dindig na ba, ajjem ug ei dihyeisi. Yo di icap na yahagom ingat lo, nani ne atriem ndung he ri.

YEHEZKIEL 28:2

“Na di tungwatu di ayaijo kikau bi e, ma atri tut mun di Da di tuhan Di Dinyeng Jei Bibor dipai bak nibou ndig Tirus bipia aba angon di jei bikon nanti ba, agwam ei banggo mbrei dip ei muk ningwa dip leu api ade limwa nya ikuk yok bina. Abon nanti nok no di ikuk yok bak ug lo, ma ayok ngon kep bipia nani ne tungwatu nitu he ri.

YEHEZKIEL 28:8

Tentara dima migyai nimai bina lene ibitig angut ug ei muk jou.

YOEL 3:8

Midisindui sut ba, tungwatu nya mitri jipmot bat kin jipmisop bat nya binok awak mem timiei minu Yehuda leu api yo dima mitri yok bak mben Syeba di ibong ei minu ting bibor apino inok awak hanyen bu. Da di tuhan disimbot dat tu.

AMOS 1:10

Gima rino midipinak hum di cig-cai ug ei ngug tig di bikrop ttai minu ndig Tirus leu api hum dima miyem ide tentara nibousi di igya coi nya cem.”

ZAKHARIA 9:5

Minu ndig Askelon kin Gaza nya ingat gima leu api ittin tut. Minu ndig Ekron cem ngat nicutti dima leu api ningon pus tut. Nibou ndig Gaza mipror lene tungwatu nya mibong ser minu ndig Askelon bu bi leu api mpia mbum-bra bram.