ZAKHARIA 9:17 - ALLAH NIHYET MEM TUNGWATU NYA

¹⁷ Igbit ri! tuhan de dihyei mikei bibor kei ei nidipti. Igbit ri! Dihyei di kei bibor kei bidia-diau kei dima bindei ba, ba anggur kin gandum hei billei kei eisi. Gandum kin ba anggur ngei dima bindei ba, pinai pilei nya kin sop gwam nitta pilei nya ide nisindemti kum eisi bu.

ZAKHARIA 9:17 ပူးပေါင်းရင်းမြစ်များ

MAZMUR 144:12

Ma asindui sut ba, nyeni nipmot bat nya idem kep ndia kioi di hei bindig nut mem nijam di ipilei ug. Ba, nipmisop bat nya idem kep dihim di ubbu ngat di ibimau ig nibou ndig de nuhuisi nya.

MAZMUR 145:7

Yoni mitri tut Ade nisingat tut nyeti biba doia bikiek angon sren-srausi.

MAZMUR 27:4

Dahara tuhan mem mun nyeng gom ngat he ba, dillei sut bipia dibong ser tuhan De Ig tereu nok ditde nghim nsi kikau ug bipek diyaijo ningwig honti. Miduun leu nide nikei-kau-keisi ei sirima bidahara Noni leu binhyepo Noni bie tut da.

MAZMUR 31:19

Atak kep ser yo di iris mun igkei nya yuhui hak leu gi iba ingon di jei bipai yo di ingon sren nya kinei a.

MAZMUR 36:7

Ade nisingatti kui sur nungug dip ba, Ade ningon sren-srausi jut bibor bidem muk ndigsi nijutti. tuhan e, anyohou tungwatu kin mindhe-ndhe nya.

MAZMUR 45:2

Nihyet di dia-diau kei biam nok minyei leu dingonti lewo dipai doia dini drek dip nibou ndig. Didweb tin ei noyam kin no di nibou ngwakti kan tut nihyet nibiti nindati igkei lene ba nide buk bipas.

MAZMUR 50:2

Allah de nisieng-siausi piga kwei leu minu ndig Sion di kei bibor kei bipiga kei.

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

MAZMUR 86:5

tuhan e, asingat kei ba, ajoi sut akos ser nyende sisar. Aba angon ngakeisi di ug hon nohonti bi bingon ngakei yo di ingat nadi biNa.

MAZMUR 90:17

Nyende tuhan Allah e, ma anjei mun di kei binye leu binhyepo nyende midyai nya hagom ngat ningat di kei bibor.

NEHEI LEUSI 15:11

Bit bon ibinai sut Nani kin kwar di tungwatu nya ikuk yok bak nya kan bi. Lewo Nangkom rino tuhan Di Kei Bibor Kei ba, Nangkom Akwes-Kwau Kei. Tou risindem mem gima bon mindur kin bindo nya noyam kin gi tuhan bon pima i?

DIUN MIMUN 5:10

“No di dingon ngakei ne mot ubbu di mimbri kui ningkek ba, dor njiriek pinai nindigsi di ibou sribu simnai ri.

DIUN MIMUN 7:9

Ahui dem kep ba anggur ngei di nyop kei di dikum ei dihui a.” “Nna ba ba anggur ngei dima biam ninyen bak no di dingon ngakei biwin ningut kanti hak ug. Ba, biam nok gima ug ei no di bong mai ninsi a.

YESAYA 33:17

Ei nidipti bu lene mijingat nibou ndig di ba Nide nikei-kau-keisi bininyeng tak kep je bou jiyai him. Ninyeng di tak kep mikieng kep dihyei nisurti-nipekti hagom.

YESAYA 63:15

Na di tuhan di agwam anai ei Ade ig di kwes-kwau ba, kei-kau-kei cem ei gwamti e, ma ayok ayai kep nye. Angon ngakeisi kin mimbri di kui angkekti kin angon nemti kin angondutti no ritou i? Ma aba angha bak nye bu au.

YESAYA 63:7

Miditri tut tuhan ningon ngakei nyeti bidinggei sut Noni tut niyai munti nya. Noni njei mun di kei nindig bibor bak Nide limwa nya lewo ningondut yokti kin ningon ngakei yokti ug hon nohonti bi sren.

YEREMIA 31:12

Iba iimaisi di sieng kei kin ingon di llei bibor bikwei ei Nungug Sion. Iba doia bikiek mun di dinjei bak yoni nok gandum kin mini zaitun kin ba anggur ngei kin sapi kin domba nya. Midibindei ba, inok miai di nnum bibor ei minyei nggram kieti nya apino indwau sut mun nyeng hi bu bi.

YEREMIA 31:14

Midibindei ba, imam nya igyem kep njita ninyeng hagom bindei yok lene dinjei mun di Ditde limwa nya isuar nya hagom bak yoni. Da di tuhan disimbot dat tu.”

YOEL 2:26

Jide njita beisi midem mem je apino jinghop mpung tut. Gima mibindei ba, jinggei sut tuhan di nok jide Allah lewo Noni bibon mindur mang bibor mem je. Hon kep ammani kui ne ngkiai nya miba ighyet bicig Ditde limwa nya bu bi sren.

YOEL 3:18

Mpe dima lene miai ba anggur nghousi mikieng kep nungug him hagom ba, sapi kin domba nya migya bidem nungug tou nya bigyem abris ei abris nghousi nya. Minyei pmem di biam ei minu Yehuda mipingge hanyen bu bi sren. Minyei di pimbai kei gom mibiam kwei leu tuhan De Ig kikau ug ei Mbang Briep Akasia nisurti-nipekti.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

ROMA 5:20

Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

ROMA 5:8

Noro Allah ndo ningon ngakei nyeti brei binye tirigi Kristus kes niyaisi ei bimai luei nye di tungwatu di ibon kep sisar!