ZAKHARIA 9:16 - ALLAH NIHYET MEM TUNGWATU NYA

¹⁶ Tirigi tto bou dima dem ne tuhan miteu Nide limwa nya ba, ingwes ngun noyam kin gembala di teu nide domba nya leu mindhe di ham yok. Leu api isieng piga ei tuhan de minu noyam kin tig permata ei topi di iba mas bibon.

ZAKHARIA 9:16 ပူးပေါင်းရင်းမြစ်များ

MAZMUR 100:3

Ma jiyok ngon kep bipia tuhan ne Allah ri. Noni pai tes nye binyeng tut nye cem. Ninyeng tak kep nye ba, inok Nide limwa nya kin Nide mben di Noni nyohou.

NEHEI LEUSI 28:21

Lene akilis bibikwop Yakub nipmot bat nya inyeng hagom ei tig permata pima dip ba, gom ei tig gom lene gom ei tig gom lene nok leu binhyepo abiyok ngon kep mben Israel ide keret nya.

NEHEI LEUSI 28:9

Ma igyai tig delima ninjep can ba, ikilis Yakub nipmot bat nya ibou simnaibrimigcan inyeng eisi,

YESAYA 40:10

Jingat i! tuhan Di Sindem Bibor dideu su ba, ninyeng mitak kep biyai nibou tut yok bit leu Nonti ningon kanti. Noni buwak yo di Noni kwek yok tu pima bigya abia kep Noni kwei.

YESAYA 54:12

Midiba tig delima bibon ig di bon ninggre di jo-jo yam dip anai ei ngug tig nuhuisi nya. Midiba tig baiduri sepah bibon dimbou pmem di ditu ei ngug tig dima. Midiba tig permata ninyeng hagom bibon ngug tig di bikrop ttai na.

YESAYA 60:14

Yo po ico kep na pima imunggwom bat nya mikwei kuk yok ei amig him bikon anyenga. Yo po ingwes om kep na pima yahagom miba ibiau bicom mpia ei aho bei binggei sut na. Yoni mijem anyeng ‘tuhan De Minu’ kin ‘Sion’ cem kin ‘Mben Israel Ide Allah Di Kwes-Kwau Nide Minu’ cem.

YESAYA 60:3

Ngkiai nya mingwig kep ade nipigati. Ninjeng di piga digai na mibindei ba, nibou ndig nya minduk yam kwei ndam na.

YESAYA 62:3

Ba, anok topi nibou ndig de di kei-kau ei tuhan nindati kin topi nibou ndig ninyeng tak kepti ei ade Allah nindati.

YEREMIA 23:3

Midinduk Ditde limwa nindigsi nya kwei leu ingkiaisi di dicom yok eisi leu api ibong ser itimieisi hanyen ba, idigek kep mpia.

YEREMIA 31:10

tuhan pai “Je di ngkiai nya e, ma jingig jitingou mem dihyet! Jitri tut dicuk jeti nya kikau ug ei muk nite dima ug. Midinduk Ditde limwa di dibindei ntek gimahap yok ei ingkiaisi hanyen kwei. Midinyohou yok dem kep nok gembala di ya ser nide domba nya.

YEREMIA 31:11

Dikwek limwa mben Israel ba, diteu yok bingwes ngun leu mben gom di sindem bibor nindati.

YEHEZKIEL 34:11

tuhan Di Ninyeng Jei Bibor pai “Dangkom midinggok ser Ditde domba nya leu api dehek tut yok,

YEHEZKIEL 34:12

noyam kin gembala di hek tut nide domba nya di noni jem hanyen kwei leu israwir eisi. Midijem yok hanyen kwei leu minu di israwir eisi hagom mem njap di mmun ken nggai kep yok ei mpe di po icut bak ide siceu nya pima.

YEHEZKIEL 34:31

Jit-jit! Jeni ne Ditde domba nya rin bidihyen kep je. Jinok Ditde limwa nya. Da di tuhan Di Dinyeng Jei Bibor disimbot dat tu.”

MIKHA 5:4

Noni mibindei ba, yahagom ingon kwes kin yam. Tirigi tentara mben Asyur nya ihwen ide minu dini binggek ngug tig nya lene nyeni micuk ide nibou di mimbri kui ingkek ba, ihwen yok bibiyai nimai biyok.

MIKHA 7:14

tuhan e, ma anyohou Ade limwa di adimig ei su nya. Ibong biyongkom ei mpia nintiti lo, dihyei di nnum kei jo ttai yok. Ma asindui sut ba, igyem kep njita ei abris nghousi di nnum kei ei hanjop Basyan kin Gilead cem bit leu nok igyai kepti di nipou su nya.

ZEFANYA 3:20

Tto bou mem gima dibuwak jide limwa di intek gimahap nya bingkwei hanyen ei ide ig dideu su. Dibindei ba, jinyeng di jei tibim bidem dihyei nisurti-nipekti. Midipindi je leu api jibong kei jigwam kei hanyen bu. tuhan simbot dat tu.

HAGAI 2:23

Njap dima ne midikon na di Nibou Zerubabel nok Ditde awak mem gima anyeng tak kep limwa nya gau dinyeng. Lewo didimig nani ei mem midyai dima.” tuhan Di Sindem Bibor simbot dat tu.

ZAKHARIA 10:6

“Midiyai nisindemti bak timiei minu Yehuda nya biditeu mben Israel bingwes ngun. Midibuwak yok hanyen kwei ei itimieisi lewo dingondut yok. Midimpu yok tereu nok mben dino dibikep ser yok bi sren nya. Dani ne ide tuhan Allah rin ba, diyok ditingou kep ide nadi hanyen bu.

ZAKHARIA 8:23

Njap dima dem ne ngkiai nya ibou simnai mikwei ngat mben Yahudi gom ngat bipai bak ‘Nyeni cem nijoi sut ningat ningat di kei noyam kin nani lewo nimiap tut bipia Allah ningat rin ei jikieti.’ ” tuhan Di Sindem Bibor simbot dat tu.

LUKAS 12:32

“Je dino jimang bi e, ma jittin tut au! Lewo Jicig joi sut gi yai munkwas di ntun Nide ninyeng tak kepti him bije.

YOHANES 10:27

Ditde domba nya imiap dihyet. Dingat igbit yok lene ibit Da.