ZAKHARIA 9:15 - ALLAH NIHYET MEM TUNGWATU NYA

¹⁵ tuhan Di Sindem Bibor miya srak ko hagau Nide limwa nya bibindei ba, ihwen bitimek ide siceu nya yahagom. Tirigi ikon pran bit ide siceu nya ne ighyet misra tut pran noyam kin yo di pes pu yok. Ide siceu nya inggrom silipti ingkek noyam kin ninggrom midut di imam nya isiber ug ei nimbar hum dokti nisiliptiti.

ZAKHARIA 9:15 ပူးပေါင်းရင်းမြစ်များ

AYUB 41:28

Bit bon tungwa hi ba hampiap bijji noni kan bi. Gino hi ba tig bihwen noni lene noni ngat tig dima noyam kin mahai lep he.

MAZMUR 78:65

Lo bi lene tuhan kiju nok no di kiju leu nibong maisi. Noni kiju nok no di sindem di sindi kes nuhui leu gi dut ba anggur ngei.

NEHEI LEUSI 27:2

Ma abon ninggai hammi nuhuisi bitai ndam nidip ba, nimbar hum dok kin ninggai nya hagom rap yam nok gom. Lene aba ngkimom-tembaga di dile binggai kep titut yam.

DIUN MIMUN 1:4

Ditde nibou ndig e, sibrim simig haninyai. Abuwak da ug ei ade ninsi di abong a. Abindei ba, nahagom ningon nggei-hi-nggei ba, nikon ade ningon ngakeisi ei nai dor njiriek ba anggur ngei. Dem mem gima sop gwam nitta pilei nya ingon ngakei na o!

DIUN MIMUN 5:1

“Dikinjoi ninyan e, dikwei ei ditde miaisi tu. Dimbus ditde mur kin biei ngat di nyop kei nya keyam bidiyem ditde ahwei lon ngei. Didut ditde sapi do ngei kin ba anggur ngei.” “Nisut bat jen e, jiyem njita lene jibidut ndia ngei. Jidut kikau ba, jibou bibuwei kep jingon ngakei yamti.”

DIUN MIMUN 7:9

Ahui dem kep ba anggur ngei di nyop kei di dikum ei dihui a.” “Nna ba ba anggur ngei dima biam ninyen bak no di dingon ngakei biwin ningut kanti hak ug. Ba, biam nok gima ug ei no di bong mai ninsi a.

YESAYA 37:35

Mporo diya srak ko hagau minu ndig Yerusalem bidinyohou tug hon dinyeng di jei drek dip Ditde gi preu di dipreu ei mem Ditde awak di nibou ndig Daud tu.”

YESAYA 55:1

tuhan pai “Jahagom di jinggobiau e, ma jikwei dut minyei di ditau ei mem je! Je di jima mitiei hi bi e, ma jikwei yai gandum mikuisi bijiyem ug! Ditin ei anggur ngei kin sapi do ngei tu ba, jikwei yai hi mikuisi bijidut ug!

IMAM NYA IDE MIDYAI 4:18

Lene ma noni tur ninda pijum ei ninggrom pimati hanyen bidip ninggai di tug nimbar hum ndok mem biei nggrai ei Ninsi Di Kwes him nuhuisi bitaisi. Lene ma noni hek sapi ninggrom niken ba, siber ei nimbar hum dok bei dimbou hui ei Prak Meng nikiou.

IMAM NYA IDE MIDYAI 4:25

Lene ma imam gom tur ninda pijum ei kambir dima ninggromti bibidip ninggai nya di tug nimbar hum dok nuhuisi bitaisi him leu api siber niken ei nikiou.

IMAM NYA IDE MIDYAI 4:7

Lene ma noni tur ninda pijum ei ninggrom pimati hanyen bidip ninggai di tug nimbar hum ndok mem biei nggrai ei Gumihyep Di Kwes him nuhuisi bitaisi. Lene ma noni hek sapi ninggrom niken ba, siber ei nimbar hum dok bei dimbou hui ei Prak Meng niyati dima nikiou.

MIKHA 5:8

Mben Israel mibindei timek ide siceu nya bicok tut yahagom ningwig a.

ZAKHARIA 10:5

Timiei minu Yehuda miyoom kep ide siceu nya dem kep nok nikon mbrap cig nya di ico kep ide siceu nya ba, ide siceu nya idem kep igkrop kak puig sinon. Yoni mibindei timek siceu nya bitut tentara nibri kuda cig nya yahagom lewo Da di tuhan dimpu yok.

ZAKHARIA 10:7

Mben Israel minok nikon pran cig di sindem bidem kep yo di iba ba anggur ngei di idut ba, ibiyai nillei. Yo di intun him yok nya ei nijam dini ug ei nijam di nidipti bu kikau mibbwe ser ide nibindei timek siceu nyati di diyai biyok dini bi. Igyai nillei drek dip Ditde nibon mun mem yokti.

ZAKHARIA 12:6

Mpe dima lene dibindei ba, keret Yehuda de nintun him yamti nya idem kep hum di cut ei biei nindig kep hum di inju keyam ei kin hyem di ninjeng cig-cai di sror gandum nintam di len tu. Yoni mibindei sar mben di ibong ttai yok nya yahagom. Noro timiei minu ndig Yerusalem nya ibong nyahan ei ide minu ndig ninsi.

ZAKHARIA 12:8

Njap dima dem ne midinyohou timiei minu ndig Yerusalem nya ba, yo di inghuisi jet bibor di ibong ikieti nya igyai nisindemti noyam kin Daud de nisindemti. Yo di intun Daud him mikrau inda bibie tut yok dem kep nok Ditde malaikati nibie tut yokti ba, dem kep nok dikrau inda bidibie tut yok.

ZAKHARIA 14:20

Njap dima dem ne tungwatu nya mikilis nibok ‘Ikes pijum ei mem tuhan’ bidem ei brem-brem mien di ndun him bang nya di ibipingok kuda nya. Yengkuong ei tuhan De Ig ninsi nya mibon ninyeng noyam kin den midut nya ei nimbar hum dok nikiou cem.

ZAKHARIA 14:3

Leu api tuhan mikiju bikon pran bit mben dima yok noyam kin gi kon pran bit yok ei nijam gi nipou cem.

ZAKHARIA 2:9

“tuhan Nonti mihwen bit jeni! Ba, jide awak di nipou nya mihwen je bipos ndigban jide ningwig leu je. Mpe dino mun dima cut igkep je ne mijikan tut bipia tuhan Di Sindem Bibor cuk da hwou ndam je tu.”

ZAKHARIA 9:17

Igbit ri! tuhan de dihyei mikei bibor kei ei nidipti. Igbit ri! Dihyei di kei bibor kei bidia-diau kei dima bindei ba, ba anggur kin gandum hei billei kei eisi. Gandum kin ba anggur ngei dima bindei ba, pinai pilei nya kin sop gwam nitta pilei nya ide nisindemti kum eisi bu.

KORINTUS GI NIGOM 1:18

Mem yo di yuug dor nikineisi ne nihyet tut Kristus nimai ei biei salibti dem kep nok nihyet minyei he. Noro mem nye di igyai niteu leu sisarti kin niyaijo nijep ne nihyet dima dem kep nok Allah de nisinati mem gima ndo Nide nisindemti ri.

EFESUS 5:18

Ma jisindui sut ba anggur ningei pu je au. Lewo gima bindei ba, jiyaijoti kinei bibor. Noro ma jiyai jingon di mpung tut Allah Ninnei nisindemti.

SAMUEL GI NIGOM 17:45

Noro Daud buhup “Nani aba ade simeda kin micim kin tigtug bihwen bitda noro midihwou hwen bit na tug hon tuhan di nok tentara Israel ide Allah Di Sindem Bibor po asrep huk pima ninyenga.