ZAKHARIA 9:14 - ALLAH NIHYET MEM TUNGWATU NYA

¹⁴ tuhan mindo Nonti ei anai brei bak Nide limwa nya leu api Nide tibor di kri di kes nya noyam kin kigyei di srei. tuhan Di Ninyeng Jei Bibor mimiep pun mbrei pran bimbut nimig sindem bibor kwei dem kep nok sigau di kwei leu nite bei mpia nibiho.

ZAKHARIA 9:14 ပူးပေါင်းရင်းမြစ်များ

AYUB 37:9

Hou sigau cut kwei leu mpia nibiho lene hou es di nimig ten cut kwei leu mpia nijjai.

MAZMUR 18:14

Leu api tuhan kes kru bicut kwei leu mpia-bbed him bibindei ba, nihyet tibim ug.

MAZMUR 18:15

Noni prindei Nide tibor nya bibuhuk Nide siceu nya apino intek gimahap. Noni ba kigyei ninjeng di srei bitot-tot nyen bibindei ba, inang.

YESAYA 18:3

Mei! Je di jibong ei dihyeisi dini jahagom e, ma jiyok jiyai kep kendera nya di siceu itas bidem nungug dip nya! Ma jingig jitingou mem pun mbrei di imiep a!

YESAYA 21:1

Gini ne nisok nihyetti tut minu Babel ri. Mun di buhun bibor di tereu nok hou nimig di sibui di nibimbiti nindig cut kwei leu iggum ndigsi bindei ba, tungwatu nya ingon ttin bibor.

YESAYA 27:13

Mpe dima lene pun mbrei nindig nimbi mibong mem gima ibijem mben Israel di icom yok ug ei minu Asyur kin minu Mesir yahagom hanyen kwei. Yoni mikwei ei minu ndig Yerusalem mem gima ikuk yok bak tuhan ei Nide nungug di kwes-kwau.

YESAYA 30:30

tuhan mikes nihyet di nindig bibor lene bikwop tungwagom-gom ninghuisi mimpig sut Nide nisindemti di mipbor ngat. Niggati bindei hei hum di yem mpia di ngkiong kin biget di but mbras kin biget di mbras nok tig njep kin sigau cem.

YESAYA 31:5

Bit leu nok ha wek gom di kieng ninyehei gau nimien bat di ibong yahamti ne Da di tuhan Di Sindem Bibor midiya srak ko hagau mben Yerusalem bidiya ser yok bidiya srak ko hagau yok ba, diteu yok bingwes ngun cem.”

YESAYA 66:15

Ningat ne tuhan mikwei sut hum a. Noni mikui Nide kroba pran di dem kep hou di nimig ten bibor lene bindei hei nigga biborti bikon nihyet kep yok bibor.

HABAKUK 3:11

Ade tibor di tibim sindem bibor ninjeng srei ba, Ade micim di sieng kei jimjit bibindei ba, mpia njap kin bed mmun yahacem ijo-joti hak bimbut bi.

HABAKUK 3:14

Ade tibor tibim Ade siceu nya ide nibou pranti ba, kus leu tirigi nide tentara ikon pran bit nye noyam kin hou sigau bibindei ba, nintek gimahap. Ikwai tiei kep nye noyam kin yo di ico kep yo di yuhui mbum nyahan hak.

ZAKHARIA 12:8

Njap dima dem ne midinyohou timiei minu ndig Yerusalem nya ba, yo di inghuisi jet bibor di ibong ikieti nya igyai nisindemti noyam kin Daud de nisindemti. Yo di intun Daud him mikrau inda bibie tut yok dem kep nok Ditde malaikati nibie tut yokti ba, dem kep nok dikrau inda bidibie tut yok.

ZAKHARIA 14:3

Leu api tuhan mikiju bikon pran bit mben dima yok noyam kin gi kon pran bit yok ei nijam gi nipou cem.

ZAKHARIA 2:5

tuhan preu ei bipia Nonti ne hum di cig-cai di nok ngug tig di bikrop ttai minu ndig dima binyohou yok lene bigwam tut Nide nisindemti kin ninyeng di jei biborti hagom eisi.”

MATIUS 24:31

Pun mbrei nindig bibor tibim leu api Noni cuk Nide malaikati nya ug ei nite bei mpia nitausi kin nicutti kin nijjai kin nibiho hagom leu binhyepo imbus Nide limwa nya yahagom kwei leu dihyei nisurti-nipekti.”

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

ROMA 15:19

drek dip bindo kin mindur di sindem bibor nya kin nisindemti di kwei leu Ninnei cem dibiyai midyai. Ditri tut Nihyet Di Kei tut Kristus bidem minu tirigi dijo leu minu ndig Yerusalem bidimbut kikau ug ei hanjop Ilirikum.

IBRANI 2:4

Mpe dima lene Allah sindem tut nihyet di tibim ei yo dima yuhui him ba, bon bindo kin mindur leu api kwas nisindemti nya di kwei leu Nonti Ninnei tut tungwatu nya bit leu ningon kanti.

YOSUA 10:42

Yosua nya iba nikon pran sindam dima bibindei sar nibou ndig dima yok yahagom. Lene ibindei sar minu ndig di ide di inyeng tak kep nya cem leu api igyai bigyati. Lewo tuhan Allah Israel hati tut tentara Israel bikon pran tut yok.

NINGAT-HI-NGAT NYA 6:2

Dinyohou tou kep bidingat lo, kuda di ninta tiei ningut gom ttau kwei. No di bri bigwam dip krau hampiap biyai topi mas bittin. Noni kinyon ei Nide midyaiti nok no di om kep mun nyeng hagom ba, bindei cut yo di iba nitok bak Noni yahagom.