ZAKHARIA 9:13 - ALLAH NIHYET MEM TUNGWATU NYA

¹³ Midibindei ba, minu Yehuda dem kep nok hampiap di tentara di mimbri kui ningkek krau ei nindati. Midibindei ba, Israel dem kep nok tibor di ditin ei mem gima dibiprindei siceu nya. Midibindei ba, timiei nungug Sion idem kep nok singau simeda di dibimem dinghat tut bidibitot mben Yunani.”

ZAKHARIA 9:13 ပူးပေါင်းရင်းမြစ်များ

MAZMUR 144:1

Doia Daud. Ma jikon tuhan di ya srak ko hagau da ninyenga! Noni pingok da tut nihwen munti bingginau da tut nikon pranti.

MAZMUR 149:6

Ma iba ighyet ndig kin singau simeda di nggwen di isu nya bikon ide Allah ninyeng,

MAZMUR 45:3

Nani aubbu ngat dor njiriek tungwatu nya yahagom ba, aji ngkiem ba, mpung tut mun di kei lewo Allah njei mun di kei bina ninno tu.

YESAYA 49:2

Noni bindei ba, dihyet tot tungwatu nya ingonti dem kep nok simeda di nggwen-gwau. Noni ku da ei nindansi binyohou da. Noni bindei ba, dinok tibor di nggwen bibor bikrau da kin Nide hampiap di tin ei su.

YEREMIA 51:20

tuhan pai “Minu Babel e, adem kep apak ba, anok Ditde minggwen di dibikon pran ri. Diba nani bingget igkep ngkiai nya kin nibou ndig ide ninyeng tak kepti nya.

NIBWOS-BWOS NYENTI 4:2

Nipou yo ne pinai pilei minu ndig Sion nya idem kep mas di nibok kak o! Noro tini bu ne siceu nya yuubon yok nok dibijig di iba igtuyap bibon he o!

AMOS 2:11

Didimig jipmot bat nya ibou poi bidibindei ba, inok nabi nya. Didimig jide pinai pilei nya ibou poi bidibindei ba, inok nimpung Nazir cem. Je di mben Israel e, gini hagom igbit rin bi e? Da di tuhan disimbot dat tu.

OBAJA 1:21

Nicok tut siceu cig di igwam ei minu ndig Yerusalem nya mibindei timek mben Edom bicok tut yok. Leu api Da di tuhan dinyeng mitak kep Ditde limwa nya bidinok nibou ndig.”

ZAKHARIA 1:21

Dihig ser noni “Nikinding ngkimom cig dima yok ikwei mem mindei i?” Noni buhup “Ikwei mem gima igyai ningon di digit bak ngkiai nya ba, ibindei cut yok cem drek dip gi ihwen minu Yehuda di timek bindung kin gi ibindei ba, timiei minu Yehuda nya intek gimahap ri.”

EFESUS 6:17

Ma jiyai niteu leu sisar kin niyaijo nijep kin je nok topi pran. Ma jiyai Allah nihyet di Ninnei su bije kin je nok singau simeda.

2 TIMOTIUS GI NICAN 4:7

Didor sindem bibor kak nipuig kikau ba, duug pek nipekti tu. Ba, dingon gom tut Kristus kikau kwei bipek ammani kep.

IBRANI 4:12

Lewo Allah nihyet ne nihyet di niyaijo ba, sindem bibor ba, nggwen bibor dor njiriek singau simeda di bon ninggwenti bei ninghim-noho cem. Nihyet dima tot kikau ug ei ingwes kin innei nijoti cem kikau ug ei injum tuti kin inggus nipek yamti cem ba, sindem mem gima hit mimun di jo ei ingonti kin ibou ngwakti.

NINGAT-HI-NGAT NYA 1:16

Noni krau ham mpia-bbed him ningat muhwindacan ei ninda comti kin singau simeda nipup gom di bon ninggwenti bei ninghim noho ntun nuhui him. Niimaisi piga kei dem kep mpia njap di com mem mpia huk pijum.

NINGAT-HI-NGAT NYA 17:14

Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”

NINGAT-HI-NGAT NYA 19:15

Singau simeda di nggwen bibor ntun nuhui him. Noni ba singau simeda dima bicut Nide siceu nya leu api ninyeng tak kep yok kin tom ngkimom nitu. Noni mikimut ba anggur ngat ei bak di ikimut ba anggur ngei eisi di bindo tut Allah Di Sindem Bibor nigga biborti.

NINGAT-HI-NGAT NYA 19:21

Lene ba singau simeda di ntun nuhui him bibindei cut tentara nya di ibit mindhe di niten-pos dima bingwig ug. Leu api ha nya hagom ikwei puk inghui kikau bipu yok.

NINGAT-HI-NGAT NYA 2:12

“Apas srat dini bak malaikati di buhup tut mbusyamei ei minu ndig Pergamus. Nipas kepti dini kwei leu No di krau singau simeda di bon ninggwenti bei ninghim noho.