ZAKHARIA 9:12 - ALLAH NIHYET MEM TUNGWATU NYA

¹² Je di jisima ei jingkiaisi e, ma jingkwei hanyen kwei lewo No di jiyok jingon mem Nonaha. Ma jikwei gwam coi jitimieisi hanyen. Jimiap e, midinjei mun di kei bak jeni mbican bram yam drek dip ninghuisi wei di cut igkep je ei jingkiaisi.

ZAKHARIA 9:12 ပူးပေါင်းရင်းမြစ်များ

AYUB 42:10

Niabiati Ayub ngat nadi tindei nisut bat ibou ningai pima tu lene tuhan bindei ba, Ayub nyeng tut ndigban hanyen bu. Noni yai ndigban nok gi nipou pima mbican bram yam bak Ayub.

YESAYA 24:22

tuhan minduk nibou ndig nya bicom yok ug ei jui nsi noyam kin yo di isima nya kikau ug bipek njap dima itug ndei hukum.

YESAYA 38:18

Timiei minu nimai nya ide hi nggei sut Na kan bi. Bit bon no di mai ba ningon com Na tut Ade ningon gomti kan bi.

YESAYA 40:2

Ma jibindei ba, timiei minu ndig Yerusalem ingon jo nyahan. Ma jipai biyok bipia hi muubon yok nok awak bu bi. Dikos ser ide mun di igyai tunggwei nya ba, dikes hukum ei yok dip mbican bram yam tut ide sisar di ibon tu.”

YESAYA 49:9

Midikwek yo di isima ei ig bui nsi nya ba, imbut hanyen. Midibuwak yo di ibong ei nidinditi ba, imbut mem nipigati. Mbro nok gino inok domba di igya-ya nyen ei nungug tou di ngoi-nga bimbut ug ei minu ting lo, njita midem mem yok.

YESAYA 52:2

Je di mben Yerusalem e, ma jikiju leu dihyei ndung ba, jimpig jide sinsun tut atriem ntui di rap je leu je. Je di timiei Sion di jisima hukum e, ma jipas lante di ngot jikimam leu je!

YESAYA 61:7

Nijam ninim kep jeti kin ningwes pri gau jeti ngwig hon nohonti tu. Mijibong kei jigwam kei ei jide minu ba, jiba jekep ndigban kin mitiei mbican bram yam cem. Mijiyai nillei bijo ninno bijo kikau.

YEREMIA 14:8

Nye di mben Israel niyok ningon mem Nangkom. Nangkom rino ateu nye ba, ningwes ngun leu mun di buhun bibor. Nggon rino abon Nanti nok ngkiai ei nyende minu dini i? Nggon rino anok no di mbut binggi minu ba, kwei bong bit nye mem mmun gom ngat he i?

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

YEREMIA 17:13

tuhan e, Ade limwa di mben Israel iba ingon com Nani. Yo di iba inghim bak Nani yahagom migwam nimmaiti. Hi mingat yok ei dihyeisi dini bu bi lewo yuug ei minu nimai nya ide leu su. tuhan e, Nani ne minyei niyaijo nibousi di yo dima ikes ei su ri.

YEREMIA 31:17

Ide ningwes ngun hanyenti mibiwin jingonti apino yoni mibon ide nintun him yamti di bram yam nya ei nidipti bu.

YEREMIA 31:6

Igbit ri! Ei nidipti bu lene yo di igya ser jide minu ei nungug tou Efraim nya ipai cuk yam ‘Jikwei ba, yahagom ikui ug ei Sion ba, idideu tuhan di nok ide Allah.’ ”

YEREMIA 50:28

Yo di inang leu minu Babel biyuug ei minu ndig Yerusalem ipui sut notou ide tuhan Allah birop bak mben Babel drek dip ide nibon munti bitut tuhan De Ig.)

YEREMIA 51:10

tuhan de limwa nya ipai biyam “tuhan ndo brei bipia nyeni inggre kin nimpung di ibon mun di igbit. Jikwei ba, ingkwei hanyen ug ei minu ndig Yerusalem leu binhyepo itri tut mun di ide tuhan Allah bibon nya ei sirima.”

YEHEZKIEL 37:11

Allah pai bida “Na di tungwatu di ayaijo kikau bi e, mben Israel noyam kin nimai njum dini. Yoni ilua sok tut yonti bipai bipia inok nimai ngak-cai cem ingon cut leu su cem njap nituti hi mem yok bu bi cem.

HOSEA 2:15

Midingkwei nide miai ba anggur nghousi hanyen binoni bidibindei ba, nide Mbang Briep Ningon Buhunti luei nitta binok dimbou niyok ningon memti. Noni miya um Da ei sirima noyam kin nijam di noni sindi kwei leu Mesir nok sop gwam nitta pilei.

YOEL 3:16

tuhan ba niyau-yau nyenti bikwei leu Nide mbigdip di Sion. Nihyet di tibim kwei leu minu ndig Yerusalem noyam kin kru di nisu bong bibindei ba, dihyeisi kin mpia-bbed him ugwa-kwei. Noro Noni miya hacan mem Nide limwa nya biya srak ko hagau mben Israel.

MIKHA 4:8

He minu ndig Yerusalem e, anok gumihyep gom di Allah ya ser Nide limwa nya eisi dem kep nok gembala di ya ser nide domba nya. Na di minu ndig Yerusalem e, mporo anok minu ndig pmem mem jinyeng bitak kep jide limwa nya hanyen noyam kin gi nipou yo.

NAHUM 1:7

tuhan ningon nggriu ba, nyohou Nide limwa nya ei mpe di igwam coi Noni drek dip ide ningon buhunti ba, Noni ya ser yok.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.

IBRANI 6:19

Mun di igyok ingon mem dima tereu nok kimuntu di tot minyei jou bingkiem bibor di bisindem tut nye ba, ingon nddong kei. Mun di igyok ingon mem tibim ban mbrawinti buug jo ei Ninsi Di Kwes-Kwau ei Tuhan De Ig di jo ei gwamti.