ZAKHARIA 9:11 - ALLAH NIHYET MEM TUNGWATU NYA

¹¹ tuhan pai bak Nide limwa nya, “Nipou ne dipreu ei mem je leu api jiba mindhe di jibam ei nimbar hum dokti ninggrom bitak buk ser nipreu eisi dima. Gima rino midiba nipreu eisi bikwek je leu jingkiaisi di noyam kin jui di inggam tungwatu nya eisi di minyei pingge leu.

ZAKHARIA 9:11 ပူးပေါင်းရင်းမြစ်များ

SAMUEL GI NICAN 13:13

Gino mun dima cut igkep da lene midinang bidiku diimaisi ei hantou i? Mporo mben Israel ibibon nani cem nok no di ninyeng kinei ei ikieti ug ri. Gi kei rino ambrap bit nibou ndig tut dani. Dwai, nibou ndig mice tut ba, abuwak da bidinok atnem ri.”

NIBOHON MBEN ISRAEL GI NICAN 7:17

Gino adat acigti ba, ayai bram niyaisi ba, ayaijo dem igbit dingon kanti lene abit Ditde niggai serti nya ba, abit mun nyeng hagom di dicuk na tut nya,

AYUB 33:30

leu binhyepo teu tungwatu biyai niyaijo nijep biyok lene biyai nibong kei nigwam kei biyok mem nijam di igyaijo.

MAZMUR 30:3

Ditde tuhan Allah e, dahara Na leu binhyepo ampu da leu api abindei ba, dikei hanyen.

MAZMUR 40:2

Doom dingon bidimem kep ser tuhan di mpu da leu api Noni yok ngon kep da bimiap kep dihyet.

MAZMUR 69:33

Tirigi yo di igyai nihwen titip yokti ingat lene ingon millei nindig bibor. Ba, yo di ikuk yok bak Allah migyai nibiwin kep yam ngonti.

NEHEI LEUSI 24:8

Lene Musa ug yai bokor pima tut mindhe ninggrom nite hi di joti bibiprok mben Israel yahagom bipai biyok “Mindhe ninggrom dini tak buk kep gi preu di tuhan kin jeni jipreu ei biyam tug hon Nide nicuk jeti pima yok ri.”

YESAYA 24:22

tuhan minduk nibou ndig nya bicom yok ug ei jui nsi noyam kin yo di isima nya kikau ug bipek njap dima itug ndei hukum.

YESAYA 42:22

Noro ide siceu nya ipos tuhan de limwa nya ide ndigban bingwig leu yok binggam yok ei ninsi di jo dihyei jou nya bisima ei ig bui di dindi-kai nya. Ide siceu nya ikwei pos mun di inyeng tut nya hagom bingwig leu yok leu api hi dima kwei teu yok bingwes ngun leu bi.

YESAYA 42:7

Leu binhyepo apiga yo di igyai tu nya igyai ba, akwek yo di isima nya leu ig bui nsi di dindi-kai.

YESAYA 49:9

Midikwek yo di isima ei ig bui nsi nya ba, imbut hanyen. Midibuwak yo di ibong ei nidinditi ba, imbut mem nipigati. Mbro nok gino inok domba di igya-ya nyen ei nungug tou di ngoi-nga bimbut ug ei minu ting lo, njita midem mem yok.

YESAYA 51:14

Jei bi ne midikwek yo di isima nya leu api indwau sut njita bi. Noro ide njap jei bibor.

YESAYA 58:12

Mijiwin jide minu di timek bingwig ei nigkumti bikei hanyen. Keret dihyeisi dini mipai sut je bipia yo dima ne mben di ikinding ngug tig hanyen bingot ide ig ei nigkumti hanyen ri.”

YESAYA 61:1

tuhan Di Ninyeng Jei Bibor sindem tut da bidimig da lene cuk da kwei cem leu binhyepo ditri tut nihyet di kei bak yo di yuhui mbum nya ba, diwin kep yo di ingon ngguk bibor nya ingonti. Ditri tut bak awak nya bipia igyati kwes. Bak yo di isima ei ig bui nsi bipia yehei bimbut bihigom.

YEREMIA 38:6

Lene ikat da ba, yuhuk kuk tut da ug ei Malkia di Zedekia nipmot de jui minyei di jut bibor di jo ei biyati. Minyei hagom pingge leu jui dima tu noro igkrop ndig di jo nijou ba, disrei eisi.

DANIEL 2:29

Tirigi na di Andigpoi abong mai pima lene amumpriem tut nijam gi nidipti bu. Allah di mbot kep tut mimun hagom ndo igbit mun di micut igkep na ei nidipti bu.

MATIUS 26:28

Lewo gini ne dinggrom di tak buk ser Allah de gi preu nijep rin ba, dinggrom di siber kos ser tungwatu nya imang bibor ide sisar.

MARKUS 14:24

Gima ngwig lene Noni pai biyok “Gini ne dinggrom di tak buk ser Allah de gi preu nijep rin ba, dinggrom di siber mem tungwatu nya imang bibor ri.

LUKAS 16:24

Gima rino noni hara ‘Arig Abraham e, ma angondut da ba, acuk Lazarus leu binhyepo su ninda pijum ei minyeiti ba, kwei bingget didweb lewo hum di cig-cai dini sror da o!’

LUKAS 22:20

Nok gima cem tirigi igyem roti bidem leu su lene Noni yai gi mokti bipai biyok “Gi mokti dini ne Allah de gi preu nijep di Noni ba dinggrom bitak buk ser kin dinggrom di kiber ei mem je ri.

LUKAS 4:18

“Allah Ninnei ningat rin bit Da lewo Noni ta Da leu binhyepo ditri tut Nihyet Di Kei bak yo di yuhui mbum nya. Noni cuk Da kwei leu binhyepo dibon nituti mem yo di isima nya bigyati kwes hanyen kin yo di igyai tu nya bigyai da hanyen kin awak nya bingwes ngun leu yo di imbuk nya cem ba,

KORINTUS GI NIGOM 11:25

Nok gima cem tirigi igyem njita bidem leu su lene Yesus yai gi mokti bipai biyok “Gi mokti dini ne Allah de gi preu nijep rin ba, dinggrom tak buk ser gi preu dima. Tirigi jidut ei gi mokti dini lene ma jibiyok ngon kep Da.”

NINDAT KEP TUHAN NICUKTI NYA 5:31

Noro Musa e, angkwei hanyen bit yok au. Ma agwam bit Da ei mpia dini leu api midiyai Ditde nicukti nya kin dikos tutti nya hagom bina. Angginau yoni tut mun dima hagom leu binhyepo ipwoi dingon ei minu di midiyai biyok.’

IBRANI 10:2

Gino nisinati dima sindem mem gima bindei ba, yo di ikuk yok bak Allah igyai ingon di tiei kei bihigom ne mpaba ingon hukti tut sisar ba, ibui mindhe nya tut ninggrom bu bi.

IBRANI 10:29

Gi nok ne notou mem no di co kep Munggwom Tungwatu Nipmot i? Notou mem no di bimangkrei ninggrom di tug hon Allah de gi preu nijep di piap noni leu sisar i? Notou mem no di nihyet wer mpiahi tut Allah Ninnei di singat tut nye i? Ayo! No dima mitug ndei hukum nindig bibor dor njiriek bu.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

NINGAT-HI-NGAT NYA 20:3

Noni com naga ug ei jui ninnei rom nya ide leu api bakusin ser dimbou lene ba biei nggrai bikrau kep. Gima hagom nok leu binhyepo bit bon Bilis ris bak tungwatu dihyeisi bu kan bi bibou ari bingwam sribu gom ngwig ug e. Tirigi tto bou dem tu lene dimbou jui nsi dima mikau leu noni mem nijam di jei bi.