ZAKHARIA 8:3 - ALLAH NIHYET MEM TUNGWATU NYA

³ Midingkwei hanyen ug ei Ditde minu ndig Yerusalem di kwes kei bidibong ser. Tungwatu nya mikan tut bipia timiei minu ndig Yerusalem nya ingon gom tut Da ba, ijem tuhan Di Sindem Bibor de nungug ninyeng Nungug Di Kwes Kei.

ZAKHARIA 8:3 ပူးပေါင်းရင်းမြစ်များ

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

MAZMUR 48:1

Nimpung Korah ide doia.

NEHEI LEUSI 29:45

Midikwei bong bit mben Israel leu binhyepo ikuk yok biDa leu api midinok ide Allah.

YESAYA 1:21

Nipou ne minu ndig Yerusalem mpung tut yo di ingon gom nya. Noro tini bu ne minu ndig dima niyai munti nya dem kep nok sop di nibou buwei! Nipou ne timiei nya yahagom ingon sren kei noro tini bu ne minu ndig dima mpung tut nihwen kep mun cig nya.

YESAYA 1:26

Midita nikei nya kin yo di ingon ki nya leu binhyepo inyeng tak kep je dem kep nok gi nipou po inyeng tak je habiei pima. Lene tungwatu nya mipai sut minu ndig Yerusalem bipia minu di ningon sren-srau ba, ningon gom cem ri.”

YESAYA 11:9

Mun di mbuk kin nirom ndok mijo ei Allah De Nungug Di Kwes-Kwau ei Nungug Sionti bu bi. Nintin di kimbo tut Allahti mikieng kep minu dima hagom dem kep nok muk ndigsi di mpung tut minyei.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 32:16

Minu dima mimpung tut yo di ingon gom kin nikei nikos tutti nya di sren kei.

YESAYA 60:14

Yo po ico kep na pima imunggwom bat nya mikwei kuk yok ei amig him bikon anyenga. Yo po ingwes om kep na pima yahagom miba ibiau bicom mpia ei aho bei binggei sut na. Yoni mijem anyeng ‘tuhan De Minu’ kin ‘Sion’ cem kin ‘Mben Israel Ide Allah Di Kwes-Kwau Nide Minu’ cem.

YESAYA 65:25

Nsien mbrei di niten-pos nya mitai njita bit domba mien nya. Singa nya mitai njita noyam kin sapi nya lene wou nya yaham tungwatu bu bi. Mun di mbuk kin nirom ndokti mijo ei Ditde nungug di kwes-kwau dima nisurti-nipekti bu bi.”

YESAYA 66:20

Yoni mibuwak jisut bat di jide mben nya yahagom hanyen leu minu dima yok kwei nok mun di kei di injei biDa. Yoni miba kuda kin keledai kin unta kin kroba pran kin kroba nitu di kuda kri bibuwak yo dima kwei ei Ditde nungug di kwes-kwau ei minu ndig Yerusalem. Igyaisi dima noyam kin mben Israel igyai kepti di iba bokor di nirom kuisi bi bittei gandum di ikwas tut Da kwei ei Ditde Ig ri.

YESAYA 8:18

Dani kin dimunggwom bat nya di tuhan yai bida nahagom ningat rin ei sirini. tuhan Di Sindem Bibor di bon Nide banggo mbrei ei Nungug Sion cuk nye ndam Nide limwa di mben Israel ba, ninok bindo mem yok.

YEREMIA 14:9

Nggon rino anok no di ningon tai-tai bou kin tentara di isindem mem gima impu nye bi i? tuhan e, nijit ne angat rin bit nye! Nyeni ne Ade limwa nya ri. Ma akes nyeni bihigom ei au!’ ”

YEREMIA 26:18

“Tirigi Hizkia ninyeng tak kep minu Yehuda lene Nabi Mikha leu Moresyet tri tut tuhan Di Sindem Bibor nihyet bak yo dima, ‘Tungwatu nya miba sapi bikkin dihyei Sion noyam kin yo di igyai miai. Minu ndig Yerusalem mitti binok ig kum kroi ba, mbigdip di iwin tuhan De Ig eisi dini minok baham tindurti.’

YEREMIA 31:23

tuhan di mben Israel ide Allah Di Sindem Bibor pai “Tirigi dibindei ba, Ditde limwa nya ibong kei igwam kei ei itimieisi hanyen lene timiei minu Yehuda kin minu mien nya ibohom ndat, ‘Nnaba tuhan njei mun di kei bak nungug tou di kwes-kwau ei minu ndig Yerusalem kin Nide nghim nsi di dia-diau kei.’

YEREMIA 33:16

Miditeu timiei Yehuda kin timiei minu ndig Yerusalem nya bingwes ngun. Dibindei mbut nibong kei nigwam keisi mem yok. Dijem minu ndig Yerusalem ninyeng ‘Ide tuhan Ne Niteu Kep Nye Cig Ri.’

YEHEZKIEL 48:35

Ngug tig dima titut yam nijeisi dem kilometer muhwindatai. Hon ammani bikui ne tungwatu nya mijem minu ndig dima ninyeng “TUHAN NINGAT RIN EI SIRIMA!”

DANIEL 9:16

Aya srak ko hagau nye nipou su. Gima rino ma angon sibui sut minu ndig Yerusalem kikau au. Minu ndig dima ne Ade minu ndig kin Ade nungug tou di kwes-kwau ri. Tungwatu di ibong bidem minu di gahai minu Israel inim kep minu ndig Yerusalem kin Ade limwa nya cem drek dip nyende sisar kin nidigup bat-nidigai bat nya igyai munti di mbuk bibor nya.

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

YOEL 3:21

Noro midibirop hanyen bak yo di igyai nimai bak timiei minu Yehuda. Midisindui sut yo di ingon mui nya bingwes ngun bi. Midigwam ei nungug Sion bijo ninno bijo kikau.”

MIKHA 4:1

Ei nijam di nidipti bu ne nungug tou di tuhan De Ig joti minok mbigdip di anai bibor dor njiriek mbigdip nindigsi nya hagom. Mpe dima lene mben dihyeisi dini hagom mittei yam bingwig kep mbigdip dima,

ZEFANYA 3:13

Mben Israel di niken-ken di ingwes ngun migyai mun tunggwei sut yam bisuglai ba, inok niris mun cig bu bi. Yo dima ingon jo nyahan bibong kei igwam kei lene ittin tut tungwatu nya bu bi.”

ZAKHARIA 1:16

Gima rino dingkwei hanyen kwei ei minu ndig Yerusalem mem gima dikos ser minu ndig dima nitunggweisi. Timiei minu ndig dima miwin Ditde Ig kin minu ndig Yerusalem hanyen leu api ibong kei igwam kei nok gi nipou hanyen bu.”

ZAKHARIA 12:6

Mpe dima lene dibindei ba, keret Yehuda de nintun him yamti nya idem kep hum di cut ei biei nindig kep hum di inju keyam ei kin hyem di ninjeng cig-cai di sror gandum nintam di len tu. Yoni mibindei sar mben di ibong ttai yok nya yahagom. Noro timiei minu ndig Yerusalem nya ibong nyahan ei ide minu ndig ninsi.

ZAKHARIA 14:10

Minu titut yam miwer nibriepti leu minu ndig Geba ei nite bei mpia nijjai ug bipek kin minu ndig Rimon ei nite bei mpia nibiho. Noro minu ndig Yerusalem mikiju bijo anai dor njiriek dihyei di jo ttai nya. Minu ndig dima ninyanti mijo leu Dimbou Pmem Benyamin kikau ug bipek kin Dimbou Pmem Nuhuisi di nok mpia di dimbou pmem gi nipou joti. Ba, ninyanti bu mijo leu Hananel De Ig Mien Di Jo Anai kikau ug bipek kin nibou ndig de bak di ipot ba anggur ngei eisi.

ZAKHARIA 8:16

Gini ne nicukti di suar jiyai kep nya ri. Gino jimbrap bit yam lene ma jipai mun di igbit biyam. Ma nikei nikos tutti nya hagom sren kei ba, biyai nibong kei nigwam kei.

ZAKHARIA 8:19

“Midut niyem njita bi mem nituti poi di jibon mem bed nibitai kin nimuhwi kin nimuhwindacan kin nisimnai ne midut di mpung tut ningon nggei-hi-nggeisi kin ningon keisi mem timiei minu Yehuda nya ri. Noro ma jibungwam ndam nitti kin ningon kwes kin yamti!”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 14:23

Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

KOLOSE 2:9

Lewo mun di bitut Allah hagom ningat rin ei Kristusti mem nijam di Noni ningat rin nok tungwatu ei dihyeisi dini.

NINGAT-HI-NGAT NYA 21:10

Lene Allah Ninnei bie tut da ba, malaikati dima buwak da ug ei mbigdip anai bibor. Noni ndo minu ndig di kwes-kwau di Yerusalem di sindi srek kwei leu Allah ei gwamti,

NINGAT-HI-NGAT NYA 21:27

Noro mun di map kuisi kin yo di irom ndok nya kin yo di ibicum nya icoi ug ei minu ndig dima bi sren. Yo di inyeng jo ei Domba Pmot De Srat Yo Di Igyaijo Nyati he rimicoi a.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.