ZAKHARIA 8:20 - ALLAH NIHYET MEM TUNGWATU NYA

²⁰ tuhan Di Sindem Bibor pai “Nijam midem leu api timiei minu ndig mang bibor minduk yam kwei ei minu ndig Yerusalem.

ZAKHARIA 8:20 ပူးပေါင်းရင်းမြစ်များ

NIBOU NDIG NYA GI NIGOM 8:41

Tirigi ngkiai gom di bong minu ting bibor miap tut anyeng di jei,

NIBOU NDIG NYA GI NIGOM 8:43

lene ma angig atingou mem nihyet ei atimieisi ei gwamti ba, abuhup nihyet bit leu ningon kanti leu binhyepo tungwatu dihyeisi dini hagom ingon jo kep Nani lene mibit ahyet noyam kin nye di Ade limwa di mben Israel nibit ahyet. Lene mben ngkiai miyok ngon kep bipia Ade Ig di dingot dini ne gumihyep gom ngat mem tungwatu nya ikuk yok biNa eisi ri.

MAZMUR 102:22

Leu api Nide limwa nya mitri tut ninyeng bidem minu ndig Sion bikon-kon nyen ninyeng ei minu ndig Yerusalem,

MAZMUR 22:27

Nuhui mbum nya mikwei yem njita bindei yok bit leu ingon kanti. Yo di induk yam kwei ndam Na yahagom minggei sut Na di tuhan. Dijoi sut gima jibong kei jigwam kei bijo ninno bijo kikau!

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

MAZMUR 89:9

tuhan Allah Di Sindem Bibor e, tou risindem noyam kin Nani i? tuhan e, aba angon gomti biyai mun nyeng hagom.

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YESAYA 45:14

tuhan pai bak mben Israel “Jinyeng mitak kep mben Mesir kin Sudan nya ide njita kin ndigban kin mitiei hagom. Mben Syeba di intig bou jei minok awak mem je bu. Mijiba lante biteu yok leu api yoni igya abia kep je. Yoni mikuk yok ei jimig him bipai jit ‘tuhan ningat rin bit je ba, Nongkom ngat he rino tuhan. Kwar di ikuk yok bak ne allah nijit rin bi!

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

HOSEA 2:23

Midita Ditde limwa nya ei ide minu leu api yoni mibong kei migwam kei eisi. Midindo brei bou igyai him bipia dingon ngakei yo di dijem inyeng ‘Yo Di Hi Ngondut Bi’ pima. Midipai sut yo di dijem inyeng ‘Ditde Limwa Bi’ pima inyeng ‘Jinok Ditde limwa nya.’ Leu api ibuhup ‘Nani ne nyende Allah ri.’ ”

AMOS 9:12

Mben Israel inyeng mitak kep minu Edom nikenti lene inyeng bitak kep minu di nipou yo dinyeng tak kep tug hon Ditde nisindemti hagom. tuhan di bindei ba, mun dini yok hagom pek kep mem yok simbot dat tu.”

MIKHA 4:3

tuhan migwam nok nikei di kos tut mben dihyeisi dini kin ide ninyeng tak kepti di sindem bibor gi ibong dideu kin gi ibong ting bibor nya ide munhyet. Yoni mitug ide singau simeda bikinding nok ngkimom di sapi bitem dihyei biprin ide tigtug nya hagom bidem kep nok singau koi nya. Mpe dima lene mben dihyeisi dini hagom mikon pran bit yam binjei siceu bu bi sren.

ZAKHARIA 2:11

Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

MATIUS 8:11

Ma jiyok ngon kep gini! Tungwatu nya imang bibor mikwei leu mpia nipriti kin mpia nicutti leu api migyem njita bit Abraham Ishak Yakub nya ei Allah Ninyeng tak Kepti.

KISAH 15:14

Nogindi pa Simon pai brei bije tut Allah di singat tut ngkiai nya ei nimbie him tirigi Noni dimig keret gom leu ngkiai nya ikieti leu binhyepo inok Nide limwa nya pima.

KISAH 15:18

lewo Noni tri tut mun dini yok habiei ei nimbie him.”

NINGAT-HI-NGAT NYA 11:15

Tirigi malaikati gi nimuhwindacan miep nide pun mbrei lene nihyet di nindig bibor nya kui yam ei gwamti bipai “Nogindini ide Allah kin Nide Nibou Ndig di teu tungwatu nya biyai niyaijo biyok dima igyai nisindemti ba, inyeng tak kep dihyeisi dini hagom kikau buug hon nohonti bi o!”