ZAKHARIA 8:17 - ALLAH NIHYET MEM TUNGWATU NYA

¹⁷ Ma juhum yam nsi mem gima jibon mun di kinei bibor biyam au. Ma jiris mun bijibeheng tut tug hon tuhan ninyeng au. Dingon mpo tut nisuglai-suglai waisi kin nikei nikos tutti di sren bi kin nimbuk tut yamti.”

ZAKHARIA 8:17 ပူးပေါင်းရင်းမြစ်များ

MAZMUR 10:3

Yo di isibut irai pri tut ingon kanti di kinei bibor nya. Yo di idrui bou ngwak irom ighyet kui tuhan bikou sut Noni cem.

MAZMUR 101:3

Midiba diyai ngat mun di kinei bi sren. Dingon mpo tut yo di ingkwei kep inghim dip hanyen ide nibon munti nya. Dikou sut gima ide mun di kinei rap dani cem a.

NIPINGOK NINGONTI 3:29

Ma akos tut angon kanti di bindei ba, mun di buhun cut igkep ade yo di anttig-tta nya di iba ingon com nani au.

NIPINGOK NINGONTI 6:14

ibou ngwakti di mpiei mpung tut nitin ei ningon kanti di kinei di bindei ba, niba nitok biyamti jo bidem ug.

NIPINGOK NINGONTI 8:13

Nikon tuhan ninyengti noyam kin ningon mpo tut mun di kinei. Dingon mpo tut yo di ingon jei nya kin yo di illei-lau sut yonti kin yo di igyai kep mun di sibut kin yo di iris mun igkei yahagom.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

YEREMIA 44:4

Dipinak Ditde awak di nabi nya ndam je bijo kikau leu binhyepo iggai ser je tut jide nibon munti di kinei bibor di dingon mpo tut dima.

HABAKUK 1:13

Nggon rino aba ayai ngat tentara dima yok di ibon mun di mbuk bibor i? Bit bon aba ayai ngat mun di mbuk bibor drek dip Ade ningon kwes-kwausi kan bi e? Ayai ngkek ttin ser yo di bit bon hiter ba ningon com yok kan bi nya bi e? Gima rino nggon rino akimut ahui tirigi mben Babel di imbuk bibor dor njiriek nye ikwei bihwen nye i?

ZAKHARIA 7:10

Ma jico kep kibom nya kin moibihi nya kin ngkiai nya di ibong timiei ei jikieti nya di mun di buhun cut igkep yok nya au. Lene ma juhum yam nsi mem yo di jinttig-tta nya au.’

ZAKHARIA 8:18

tuhan Di Sindem Bibor sok nihyet dini ei da dip bak Nide limwa nya bipai,

MALEAKHI 3:5

tuhan Di Sindem Bibor pai “Jei bi ne midittau hak ei jikieti nok nikei di tri tut jide hukum. Leu api haninyai midibakilak yo di nung kui yok kin yo di icut tut hi ter nitnem kin yo di iris mun ei nikei noho bei kin niceu nya di igyem ide awak nya imuhup kin yo di ihwen bit kibom nya kin moibihi nya kin ngkiai nya ba, dibakilak yo di ikon dinyeng bi nya yahagom.”

MATIUS 12:35

Ningat di kei ntun no di ningon kwes him lewo ningon kanti hagom kei. Lo, ningat di kinei ntun no di ningon rom him lewo ningon kanti hagom kinei.

MATIUS 15:19

Lewo nihwen mun kin nicut tut hi nitnem kin nicut tut yam kin ninggimang mun kin niris yam kin nikucang yam hagom ntun ningon him.

MATIUS 5:28

Noro tini bu ne dipai bije bipia no di ningon pri kep sop hi ba, ningon bisau sut gima cut tut noni lene no dima bon sisar nicut tut sopti ei ningonti ba, ningon mui su.