ZAKHARIA 8:14 - ALLAH NIHYET MEM TUNGWATU NYA

¹⁴ tuhan Di Sindem Bibor pai “Tirigi jidigup bat-jidigai bat nya ibindei bidigga yok lene dikos tut mem gima dikes hukum ei yok dip bibor. Diluei dingonti tut Ditde nikos tutti dima bi. Dibindei mbut nikos tutti dima hak.

ZAKHARIA 8:14 ပူးပေါင်းရင်းမြစ်များ

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

MAZMUR 33:11

Noro ningon kanti nya kin nikos tutti nya ngkiem kei bijo ninno bijo kikau.

YESAYA 14:24

tuhan Di Ninyeng Jei Bibor ba neheng bipai “Mun di dikos tut tu mimbut bipek kep.

YEREMIA 20:16

Nnaba no dima noyam kin minu ndig di tuhan ba ningon di nggriu bi bindei timek nya. Nnaba noni miap yo di ighyet sra tut nidut kin niwei mem mpia ngket kin pun mbrei di biwin yo di ikon pran nya nitibimti,

YEREMIA 29:11

Dangkom dikan tut nikos tutti di bit leu dingon kanti mem je bi e? Dikos tutti dima mibindei ba, juum mun di buhun bi. Noro midibindei ba, jibong kei jigwam kei. Mun di jiyok jingon mem mipek kep mem je ei nijam gi nidipti bu ri.

YEREMIA 31:28

Bit leu nok gi po dinyohou yok leu api disrep tut nibou ndig nya cem dinggek tut ide ninyeng tak kep limwati nya bingwig cem dibindei sar yok cem ei niabiati bu tu pima lene midinyohou ta yok binddong kei bidiwin yok hanyen.

YEREMIA 32:42

Midinjei mun di kei di dipreu ei mem yok tu nya bak yoni noyam kin gi dikes mun di buhun kwei ei yo dip mem nijam dini.

YEREMIA 4:28

Dihyeisi dini migwam ningon di nggukti ba, mpia-bbed him dindi-kai. tuhan mbrap tu ba, luei ningon kanti tut bi. Noni kos tut ei su ba, misujou nimig ceti gom cem bi.

YEHEZKIEL 24:14

Da di tuhan Di Dinyeng Jei Bibor disimbot dat tu. Njap ngon bou dem mem gima dibindei nani tu. Midibbwe ser ade sisar bidikos ser bi. Ba, dingondut nani cem bi. Atug ndei hukum drek dip ade nibon munti nya hagom. Da di tuhan Di Dinyeng Jei Bibor disimbot dat tu.”

ZAKHARIA 1:2

tuhan cuk da leu binhyepo dipai bak Nide limwa nya “Da di tuhan Di Disindem Bibor digga jidigup bat-jidigai bat nya bibor ei nijam gi nipou pini jug.

ZAKHARIA 1:6

Ditri tut dicukti nya kin disok kepti nya bak jidigup bat-jidigai bat nya tug hon Ditde awak ngot di nabi nya nipou su. Noro igimiap kep dihyet bi apino ibiang igyai munti nibuhunti ug a. Leu api inso yonti bipai bipia Da di tuhan Di Disindem Bibor dikes hukum ei yok dip bit leu ide nitunggweisi ba, gima ne Ditde nikos tutti mem yok ri.”