ZAKHARIA 8:13 - ALLAH NIHYET MEM TUNGWATU NYA

¹³ Je di timiei minu Yehuda kin minu ndig Yerusalem e! Nipou pini jug tirigi ngkiai nya isigion yam ne isimbot dat ‘Nnaba mun di buhun di cut igkep minu Yehuda kin Israel nya cut igkep nani cem!’ Noro miditeu je bijingwes ngun apino ngkiai dima yok isimbot dat biyam ‘Nnaba mun di kei di juk kwei mem minu Yehuda kin Israel nya juk kwei mem nani cem!’ Gima rino ma jibrim jingkek ba, jittin tut au!”

ZAKHARIA 8:13 ပူးပေါင်းရင်းမြစ်များ

NITRITI 26:4

Midibindei ba, ade nintun him yamti di bram yam nya imangti dem ham mpia-bbed him. Lene midikes minu dini titut yam biyok ba, hagom minok ide minu ninda rom. Mben dihyeisi dini hagom mporo mijoi sut mem gima dinjei mun di kei bak yoni bit leu nok dinjei mun di kei bak yo di intun nani him.

MAZMUR 44:16

Ipai da kinei ei njap jei bibindei ba, digwam nimmaiti bidiyaisi cem mmai,

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

MAZMUR 79:4

Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

YESAYA 43:28

jide imam nya ibindei ba, nirom kui Ditde Igti tu. Gima rino disindui sut ba, mben Israel ide siceu nya inim kep yok. Dibindei ba, Yakub de nintun him yamti di bram yam nya itimek bingwig.”

YEREMIA 24:9

Midibindei ba, mun di buhun di biyai ingon di ttin bibor micut ei yok dip ba, biyai nittin bak ngkiai nya ei dihyeisi dini nisurti-nipekti. Tungwatu nya iba ighyet bicig yok lene iba yok bilor yam ba, ighyet wer mpiahi tut yok bidem mpia di dicom yok ug eisi nya cem hagom. Tungwatu nya iba mben Israel inyeng bisigion yam.

YEREMIA 25:18

Diyai gimokti dima bak minu ndig Yerusalem kin minu ndig hagom di jo ei minu Yehuda bitut nide nibou ndig nya kin yo di igya kui yok bidut. Apino iwer iggum ndigsi di ngoi-nga di bindei igyai ttin. Tungwatu nya iba minu dima ninyeng bisigion yam kikau kwei bipek ammani kep.

YEREMIA 26:6

Gino jibit dihyet bi kikau lene midibibon tuhan De Ig dini noyam kin gi dibibon Silo leu api mben dihyeisi dini hagom miba minu dini ninyeng bibimbriom yam.”

YEREMIA 29:18

Midiba pran kin ninggum kin nsuwer ajar buhuk-huk nyen yok. Apino timiei minu ngot di itou kep mun di cut igkep timiei Yehuda nya ingon ttin bibor drek dip. Tungwatu nya bidem minu di dibindei ntek gimahap yok ug eisi nya igyai ttin ba, ittin tut mun di itou kep nya. Yoni mporo iba ighyet bicig timiei Yehuda nya lene iba inyeng bisigion yam cem.

YEREMIA 33:24

“Angig atingou kep mun di ngkiai nya ibohom ndat di bitut mben Israel kin Yehuda tu e? Ibohom ndat bipia dicom mben cin di didimig yok ei dima tu. Gima rino ibisrip huk Ditde limwa nya nok yo di ibon inyeng bi ba, ibingat yok nok mben hi rin bu bi.

YEREMIA 42:18

Midisiber Ditde nigga biborti ug ei je di juug ei minu Mesir dip noyam kin gi Da di tuhan di Allah Israel disiber Ditde nigga biborti ei timiei minu ndig Yerusalem dip pima. Tungwatu di ingat jeni lene igyai ttin tut je bipai je kinei. Iba jinyeng bisigion yam cem. Leu api mijingat jitimieisi dini bou jiyai him bu bi.”

YEREMIA 44:12

Lene gino timiei Yehuda niken-ken di igyaijo nya no ibungwam ndam gima yuug bibong ei minu Mesir lene yo dima yahagom misar. Ndigpoi nya kin munggwom nya yahagom mimai ei minu Mesir tug hon pran kin ninggum. Tirigi tungwatu ingat yok lene igyai ttin cem ighyet kinei sut yok cem ba, iba inyeng bisigion yam.

YEREMIA 44:22

tuhan om ningonti tut gi ngat jibon munti di kinei kin gi suwok dima bu bi tu. Gima rino nogindini jitimieisi timek tu. Tungwatu ibong ser bu bi noro iba minu dima ninyeng bisigion yam. Yo di ingat gima yok nya igyai ttin ningat tu.

NIBWOS-BWOS NYENTI 4:15

Hi mbrua ser yok “Juug leu mpia dini! Ma jingget da au lewo map kui je tu o!” Apino yuug leu mpia dima ba, ibong-bong nyen bidem ngkiai nya ide minu o! Noro timiei minu dima hi di ya um yok bicigit yok kui ig bi ug o!

YEHEZKIEL 34:26

Midinjei mun di kei bak yoni bidisindui sut ba, ibong ttai Ditde mbigdip di kwes-kwau. Tirigi isuar biget ne midibindei ba, mpia but mem yok ei minu dip dima.

YEHEZKIEL 37:11

Allah pai bida “Na di tungwatu di ayaijo kikau bi e, mben Israel noyam kin nimai njum dini. Yoni ilua sok tut yonti bipai bipia inok nimai ngak-cai cem ingon cut leu su cem njap nituti hi mem yok bu bi cem.

YEHEZKIEL 5:15

Gino digga na bidingon nggrom kep na cem bidikes hukum ei na dip cem lene ngkiai di ibong ttai na nya mingkek henha drek dip. Lene iba ighyet bicig na ba, gi ingat na lene ingon him wei sut na cem.

DANIEL 9:11

Mben Israel yahagom ipigau Ade niggai serti nya ba, itingou ndok ser ahyet. Nibon sisar tut Na apino ambriom nye bit leu nok Ade awak di Musa pas tut ei nide niggai serti nya.

MIKHA 5:7

Mben Israel di isima ei ingkiaisi minok mindhe singa di lus-lus nyen srig mindhe-ndhe bigbehei nya ikieti bisrig domba di igyem kep abris nggrup ei abris nghousi ikieti cem. Singa dima cut igkep domba dima yok ba, ham yok lene bibrig-brig nyen yok bingwig. Bit bon hi teu domba nya leu singa nuhui kan bi.

ZEFANYA 3:16

Ngon bou midem leu api tungwatu nya ipai “Mei! Timiei minu ndig Yerusalem e, ma jittin ba, jingon dahat leu au.

ZEFANYA 3:20

Tto bou mem gima dibuwak jide limwa di intek gimahap nya bingkwei hanyen ei ide ig dideu su. Dibindei ba, jinyeng di jei tibim bidem dihyei nisurti-nipekti. Midipindi je leu api jibong kei jigwam kei hanyen bu. tuhan simbot dat tu.

HAGAI 2:19

Mbro nok gino gandum nitu hi jo bu bi ba, ba anggur kin biei ara kin biei delima kin biei zaitun hagom ngat ningat bigyo lo, midinjei mun di kei bak jeni ei nitutti di njap di ammani bikui!”

HAGAI 2:5

Tirigi jehei leu minu Mesir lene dipreu ei mem je bipia dinyohou je kikau. Dingat rin bit je kikau kwei bipek ammani kep. Gima rino ma jinda jo kep midyai dima kikau!

ZAKHARIA 1:19

Dihig ser malaikati di mbrap bit da pima “Sapi bou nggai dima yok bindo tut mindei binye i?” Noni buhup “Sapi bou nggai dima yok bindo tut ninyeng tak kepti di sindem nya di ibindei gimahap mben Yehuda kin Israel nya kin timiei minu ndig Yerusalem ri.”

ZAKHARIA 14:11

Tungwatu nya mibong kei-migwam kei ei minu ndig dima leu ba, itug ndei nisigionti di bindei sar yok bu bi sren.

ZAKHARIA 8:15

Noro tini bu ne midinjei mun di kei bak timiei minu ndig Yerusalem kin minu Yehuda nya. Gima rino ma jittin tut au.

ZAKHARIA 8:9

tuhan pai bak Nide limwa nya “Nogindini jimiap mun nyeng di nabi nya indat kep ei mpe di iprion cou mem gima iwin Ditde Ig hanyen ei nitti leusi tu. Gima rino ma mimbri kui jingkek!

ZAKHARIA 9:13

Midibindei ba, minu Yehuda dem kep nok hampiap di tentara di mimbri kui ningkek krau ei nindati. Midibindei ba, Israel dem kep nok tibor di ditin ei mem gima dibiprindei siceu nya. Midibindei ba, timiei nungug Sion idem kep nok singau simeda di dibimem dinghat tut bidibitot mben Yunani.”

KORINTUS GI NIGOM 16:13

Ma jiyai ngkiem bijiba jingon di nddong bingon jo kep Kristus ningginausi nya. Ma jiba jingon di nddong biyai jibou tut yo di itte tut je lene ma jiyai nisindemti.

GALATIA 3:14

Kristus niyai munti dima bindei ba, mun di kei di Allah preu ei mem Abraham kwei pek kep mem ngkiai nya cem. Tug hon nisinati dima lene nye di iba ingon com Allah igyai Ninnei di Noni preu ei mem nye.

NINDAT KEP TUHAN NICUKTI NYA 26:19

Noni mibibon je bijinok mben nindig bibor ba, sindem bibor cem dor njiriek mben nindigsi di Noni pai tes nya tu. Apino tungwatu dihyeisi dini hagom minggei sut je bikon jinyeng cem. Mijinok Nide limwa di ningat-ngat nya bit leu nok Noni preu ei mem je tu.”

NINDAT KEP TUHAN NICUKTI NYA 28:37

Mben hiter di ingat je ei mpia di tuhan bindei ntek gimahap je ug eisi midigit tut mun di cut igkep je. Yoni miba ighyet bicig-cig nyen je ba, ibipa tut je cem.